कविता : होइन भने भोट माग्न…
मुखिया बाको पिंढिमा रेडियोले समाचार फुक्दै थियो,
देशमा चुनाव आउन लागेको ।
त्यसैले पो रहेछ गुन्यु-चोलीमा
अविरले रङ्गीएका अनि फूलमाला भिरेका,ढाकाटोपी
दौरा-सुरुवालमा सजिएर
सुकिलामुकिलाहरु ‘गाम’ छिरेका ।
हिजोसम्म भेडाबाख्रा,गाई र भैंसी
हिड्ने यी साँघुरा गल्लिहरुमा ,
दश ठाउँमा च्यात्तिएका
अनि बीस ठाउँमा सिलाएका र
सयौं पटक लाज ढाकेका लुगाका
मान्छे हेर्ने बानी परेका
यी खाल्डाखुल्डी
आज त फुटेका पैतालाहरुको
चरचरबाट बगेका रगतहरुले
पोतिनु नपर्दा
विलासी जीवन टलक्क टल्केका
जुत्ता-चप्पलको स्पर्शमा आनन्द मान्दै होलान् ।
जसरी मानिस सुकिला भएर आएका छन्,
त्यसरी नै हातमा
रंगिन कागजका पर्चा पनि लिएर आएका छन् रे !
बिर्खे काकाको सानो छोराले
‘पिलेन’ बनाएर उडाउन र
डुंगा बनाएर खोलामा बगाउन
आफ्ना बलबुताले भ्याएसम्म
रुख, सूर्य, हसियाहतौडा, गाई ,
हलो, तारा आदि आदि चिन्न भएका
कागज बटुलेर घरमा ल्याएको छ ।
देशमा साच्चै चुनाव आएछ ।
जसरी वर्षेनी दशै र तिहार आउँछ नि ,
चाडपर्व झै चुनाव आउँछ र पो
गाउँमा जात्रा देख्न पाइन्छ !
नत्र हामी चन्खे र तारेलाई
जुधाएर गोरुजात्रा मात्र हेरिरहेका हुने थियौ ।
हामीले जात्रा हेर्नकै लागि भएपनी
धन्न देशमा चुनाव आएको छ ।
परार साल यसरी नै भोट माग्न आएका
नेताहरुले गाउँको बाटो नभुलुन् भनेर नै
देशमा चुनाव आएको छ ।
चिया पसलमा मास्टरसाहेवहरु बात मार्दै थिए,
विभिन्न पार्टीले ल्याएका चुनावी नाराहरुको ।
टिपिक्क लागेको तरलाइ चोर औलाले छेऊ
पन्छ्याउदै, चियाको चुस्की सुरुप्प लिदै,
साठी काटेका मानबहादुर
‘वृद्धभत्ता दोब्बर हुने रे’ भन्दै
मन्द मुस्कानमा जुँगा मठार्दै थिए।
खाडी छिरेको छोराको सन्चो बिसन्चोको
एउटा आवाज सुन्न गाविसमासम्म धाउने
चन्द्र काका र रामप्यारी काकी
‘फ्री वाइफाई आउने भो’ भनी
यसै साता मोबाइल किन्न सहर जाने
योजना बनाउदै, खर्चको जोरजाम गर्दै थिए।
मास्टरसाबले भन्दै थिए
‘अब बालबालिकालाई
पनि राम्रो हुन्छ। नि:शुल्क शिक्षा आउँछ कि!’
राजधानी का कुनकुन अस्पतालमा उपचार निःशुल्क भैसक्यो रे !
सात सालमा प्रजातन्त्र ल्याएका
नब्बे सालका भिमसेन हजुरबा
पनि भन्दै थिए,
‘देशमा त फेरि
राजा पो फिर्ने भए।’
के नेपाल काठमाडौं मात्रै हो र ?
के नेपाल राजधानी मात्रै हो र ?
के नेपाल शहर मात्रै हो र ?
हैन, भने किन हामी मोटर गाडी नदेखेकालाई
रेलमा गुडाउने सपना देखाउछौ नेताहरु ?
हुन त तिमीहरुले हुम्ला, जुम्ला, मनाङ र मुस्ताङको
नेपाल देखेकै छैनौं !
आखिर कुवाको भ्यागुतो न प¥यौ !
कुवाकै संसार सायद तिमीहरुलाई ।
बालबालिकालाई राम्रो शिक्षादीक्षा देऊ,युवाहरूलाई विदेशिन रोक,
देशमै रोजगारीको अवसर बनाऊ ।
यहाँ कयौं कुपोषित बालबालिका,
रोगीहरु पलपलका क्षणहरुमा
मृत्युसँग लडिरहेका छन् ।
जस्को वर्तमानको टुङ्गो छैन,
तिमी वृद्धभत्ता दोब्बर बनाउने कुरा गर्छौ ?
त्यसैले हामीलाई वर्तमानमा जि उने वातावरण बनाईदेऊ ।
‘फ्रि वाइफाई’ चाहिन्न
पखाला लागेर सन्तान अनि
प्रसुती ब्यथा लागेर आमा गुमाउन नपरोस्,
केवल गाउँ–गाउँमा अस्पताल बनाइदेऊ ।
तिमीहरुलाई साच्चिकै भोट चाहिन्छ भने ,
तिम्रा एजेन्डा हैन,
हाम्रा एजेन्डा पूरा गर ।
तिमलिे हात जोड्दै हामसिामु आउनु पर्दैन,
हामी नै काँधमा राख्छौं । र, भोट दिनेछौं ।
त्यसो त बरु भोट खेरै जाओस् ।
हामीलाई चुनाव कागलाई बेल जस्तै नहोस्।
हैन भने ,
बिर्खे काकाको सानो छोरासँगै,
हामी ‘पिलेन’ उडाएर बस्छौ ।
डुंगा बगाएर बस्छौ ।
हामी जे छौं,ठिकै छौं ।
विथोल्न नआऊ,
भोट माग्न नआऊ ।
पुजा पराजुली,कास्की
हाल : टेक्सास, अमेरिका
Comments
अरु समाचार
-
‘जानकी साहित्यिक पुरस्कार’ भण्डारीलाई
काठमाडौं । विक्रम संवत् २०८० को जानकी साहित्यिक पुरस्कार गुल्मीका साहित्यकार ठाकुर शर्माभण्डारीलाई प्रदान गरिने भएको छ । ‘जानकी प्रतिष्ठान’...
-
नेपथ्यको नयाँ वर्ष स्वागत पूर्वेली सहर बिर्तामोडबाट
काठमाडौं । बिक्रम सम्वत २०८१ को पहिलो सूर्योदयभन्दा अघिल्लो साँझ नेपथ्य पूर्वी नेपालको बिर्तामोडमा प्रस्तुत हुने भएको छ । झापा...
-
डा. अनिलको पुस्तक बिक्रीबाट प्राप्त रकमबाट देशैभर छात्रवृत्ति प्रदान गरिने
काठमाडौं । मुटुरोग विशेषज्ञ डा.ओम मूर्ति अनिलद्वारा लिखित ‘जीवन्त सम्बन्ध’ बिक्रीबाट प्राप्त रकम देशका ७७ जिल्लाका गरिब तथा जेहेन्दार विद्यार्थीलाई...
-
गायक रवि ओडविरुद्ध पत्नीले हालिन् बलात्कारको जाहेरी, पक्राउ पुर्जी जारी
काठमाडाैँ । गायक रवि ओडविरुद्ध उनकी श्रीमतीले वैवाहिक बलात्कारको आरोपमा प्रहरीमा जाहेरी दिएकी छन्। उनले इलाका प्रहरी कार्यालय झलारीमा जाहेरी...
-
राजेशपायल राई रिहा
काठमाडौं । गायक राजेशपायल राई रिहा भएका छन् । गएराति २ बजे काठमाडौंको मदनभण्डारी कलेजनजिकैबाट मदिरा पिएर हो–हल्ला गरेको आरोपमा...
-
कविद्वय ठाकुर बेलबासे र खेमनाथ दाहाललाई ‘व्यथित काव्य सम्मान-२०८०’
काठमाडौं । साहित्यिक पत्रकार सङ्घले कवि ठाकुर बेलबासे र कवि खेमनाथ दाहाललाई ‘व्यथित काव्य सम्मान-२०८०’ प्रदान गर्ने भएको छ।...
-
षड्यन्त्र र घेराबन्दी गरिएको भन्दै ‘काँडेतार’ चलचित्र कुनै पनि हलमा नचलाउने घोषणा
काठमाडौ । शुक्रबारबाट प्रदर्शनमा आएको नेपाली चलचित्र ‘काँडेतार’को निर्माण पक्षले देशैभरिका सिनेमा हलमा आजैदेखि आफ्नो चलचित्र नचलाउने निर्णय लिएको छ।...
-
इलामको रमणीय पाखामा नेपथ्य गुञ्जदै
काठमाडौं । सात दसकअघि मुलुकका मूर्धन्य साहित्यकारहरु भेलाभएर इतिहास रचेको पूर्वी नेपालको एउटा रमणीय मैदानमा आउँदो साता नेपाली लोकरक भाका...
-
मुस्ताङका तीन गाउँले थकालीले ‘त्युङ्ला पर्व’ मनाए (फाेटाेफिचर)
काठमाडौं । काठमाडौंमा मुस्ताङका तीन गाउँले थकालीले त्युङ्ला पर्व मनाएका छन् । काठमाडाैँकाे स्वयम्भु स्थित तीन गाउँले थकाली सेवा समाजकाे...