घोकन्ते होइन,अनुसन्धानपरक शिक्षा दिन्छौं : टीकाराम पुरी, प्रिन्सिपल एभरेष्ट हाइयर सेकेन्डरी बोर्डिङ स्कुल, विराटनगर
पूर्वाञ्चलकै उत्कृष्ट र देशकै टपटेन उत्कृष्ट उच्च माविमा पर्छ– विराटनगरस्थित एभरेष्ट हाइयर सेकेन्डरी बोर्डिङ स्कुल । २०५० सालमा स्थापना भएको यस स्कुलले छोटो समयमै हासिल गरेको सफलताका पछाडि यसका सञ्चालकको मिहिनेत र क्षमता मात्र होइन, शिक्षक, कर्मचारी र विद्यार्थीको सामूहिक हात छ । २०५७ सालदेखि एसएलसी परीक्षामा विद्यार्थी सहभागी गराउँदै आएको यस विद्यालयले हरेक वर्ष उत्कृष्ट नतिजा ल्याएर अभिभावकको मन जितिरहेको छ ।
२०६८ सालमा पूर्वाञ्चल फस्ट र नेपालकै सेकेन्ड भएर तत्कालीन प्रधानमन्त्री डा.बाबुराम भट्टराईबाट नगद १ लाख, शिल्ड र राष्ट्रिय झन्डा पुरस्कार प्राप्त गरेको यस विद्यालयले २०७० सालमा पनि पूर्वाञ्चल फस्ट भएर पुरस्कार प्राप्त गरेको थियो । एसएलसीमा निरन्तर उच्च नतिजा ल्याएकै कारण मेडिकल, इन्जिनियरिङ क्षेत्रमा यहाँबाट उत्तीर्ण विद्यार्थीले सहजै प्रवेश पाइरहेका छन् । २०७३ मा कक्षा ११ को परीक्षामा म्यानेजमेन्टकी छात्रा सुनिधि केसी ८७.०१ प्रतिशत अंक ल्याएर नेपाल प्रथम भइन् भने अनिश भण्डारी ८८.८ प्रतिशत ल्याएर पूर्वाञ्चल फस्ट हुन सफल भए । यसपालि १२४ जनाले एससिई परीक्षा दिएका छन् ।
यसरी निरन्तर उत्कृष्ट नतिजा ल्याउनुको खास कारण विद्यालयको पूर्वाधार, शिक्षकको छनोट, विद्यालयको शैक्षिक कार्यक्रम र शिक्षक कर्मचारीहरुको उचित व्यवस्थापन नै प्रमुख रुपमा देखिन्छ । त्यसबाहेक अनुसन्धानमूलक शिक्षण र सिकाइ विधिले सफलता पाएको बताउनुहुन्छ, यस विद्यालयका प्रिन्सिपल टीकाराम पुरी । ‘यो भन्दा अझ राम्रो ढंगले जान सकियोस् भनेर हामीले शिक्षकहरुलाई १२ महिना तालिमको कार्यक्रम चलाइरहेका छौं ।’ उनका अनुसार यो विद्यालय अहिले पूर्वाञ्चलको त उत्कृष्ट छँदैछ, नेपालकै १० उत्कृष्ट विद्यालयमा पर्छ । प्रस्तुत छः उहाँसँगको छोटो कुराकानी :
निजी विद्यालयहरुमा घोकन्ते शिक्षा छ, व्यावहारिक शिक्षा कम छ भन्ने आरोप छ नि ?
सत्य हो तर अहिले त्यस्तो छैन । पहिला जुन घोकाउने विधि थियो, त्यो हामीले परिवर्तन गरिसकेका छौं । अहिलेको समयमा खोज अनुसन्धानमूलक र प्रयोगात्मक शिक्षा आवश्यक छ । त्यसका लागि हामीले १२ रै महिना शिक्षकलाई तालिम दिइरहेका छांै । हामीकहाँ प्रविधिको अधिकतम प्रयोग गरेर क्लास चलाएको छ । साइन्स मात्र नभएर अन्य किसिमका ल्याब पनि छन् । विद्यार्थीको शिक्षालाई उनीहरुको व्यावहारिक शिक्षासँग जोड्न खोजेका छौं । हामीले स्रोत र साधनले भ्याएसम्म प्रयोगात्मक विधिद्धारा विद्यर्थीलाई पठनपाठन गराउनुपर्छ भन्नेमै ध्यान दिइरहेका छौं ।
विराटनगर पूर्वाञ्चल र १ नं प्रदेशकै शैक्षिक हब बन्न खोज्दैछ, त्यसमा एभरेष्ट स्कुलले के योगदान गरेको छ ?
एभरेष्ट स्कुलले भौतिक पूर्वाधार विकासदेखि नयाँ किसिमका उचित शिक्षण विधि, नयाँ प्रविधि र खासमा परियोजनामा आधारित शिक्षण विधि अपनाइरहेको छ । यो विधि नै अहिले विद्यार्थी र अभिभावकको रोजाइ बनेको छ । त्यसैले अन्य विद्यालयलाई पनि हामीले अपनाएका विधि अवलम्बन गर्न कर लाग्छ र सबैले विकास गर्दै जानेक्रममा एउटा प्रतिस्पर्धाको सुरुवात भएको छ । शैक्षिक हब बनाउन राम्रा विद्यालयले भूमिका खेलेको हुन्छ नै । त्यसमा एभरेष्ट पनि पर्छ ।
२०७४ सालका लागि नयाँ भर्ना सुरु हुँदैछ । राम्रो विद्यालयको खोजीमा रहेका विद्यार्थीले के आधारमा यो स्कुल रोज्ने ?
अहिले हामीले तीन कुरामा ध्यान दिएका छौं । पहिलो, सकेसम्म प्रयोगात्मक विधिद्धारा पठनपाठन गराउने । दोस्रो, प्रयोगात्मक विधिद्धारा विद्यार्थीको सिर्जनात्मक कुरामा विकास गराउने । तेस्रो, नैतिक शिक्षाको माध्यमबाट। पठनपाठनसँगै हामी विद्यार्थीलाई नैतिक कुरा सिकाउँछौं ।
निजी विद्यालयहरुले धेरै शुल्क लिन्छन् भन्ने अभिभावकहरुको गुनासो छ । यस स्कुलमा शुल्कचाहिँ के कस्तो छ ?
हाम्रो विद्ययालय पठनपाठनका हिसाबले सबैभन्दा उत्कृष्ट भए पनि शुल्कको कुरामा चाहिँ तेस्रो÷चौथो नम्बरमा आउँछ । मध्यम वर्गका विद्यार्थी यस विद्यालयमा पढ्न सक्छन् ।
आगामी योजना के-के छन् त ?
प्रयोगात्मक हिसाबले अहिलेसम्म कक्षा १२ सम्म शिक्षा दिँदै आएका छौं । अब हाम्रो कार्यक्रम भनेको मन्टेसोरी–मास्टर्स हो । हामी क्रमशः स्नातकोत्तर लेबलमा पनि जान चाहन्छौँ । त्यो सँगसँगै सुविधासम्पन्न खेलमैदानको पनि खोजीमा छौं ।
Comments
अरु समाचार
-
‘राजनीतिक स्थायित्वका लागि निर्वाचन प्रणालीमा सुधार गर्नुपर्छ’
काठमाडाैं । हाल अभ्यासमा रहेका राजनीतिक व्यवस्थामध्ये सबैभन्दा उत्कृष्ट व्यवस्था नै संसदीय शासन प्रणाली हो । यो व्यवस्थालाई समावेशी बनाउन...
-
‘सरकारमा भन्दा कानुन निर्माणमा साझेदारी चाहिन्छ’
काठमाडौँ । पछिल्ला वर्षहरूमा सत्ता साझेदारीमा भएको फेरबदलले कानुन निर्माण प्रभावित भएको छ । राजनीतिक दलको अभ्यास गठबन्धन सरकार बनाउने,...
-
अन्तर्राष्ट्रिय महिला दिवसः सोचमा परिवर्तन आवश्यक
काठमाडौं । “मेरो बुबाले मेरी मानसिक असन्तुलन भएकी आमा र म जस्तै फरकरुपमा सक्षम (अपाङ्गतासँग रहेको) मेरी बहिनी र मलाई...
-
सरकार र संसद्को काम गर्ने तौरतरिका पुरानै ढाँचाको भयो : सांसद घर्ती
काठमाडौँ । सङ्घीय लोकतान्त्रिक गणतन्त्रात्मक शासन व्यवस्थाको माध्यमबाट सुशासन, विकास र समृद्धिको आकाङ्क्षा पूरा गर्न संविधानको परिधिभित्र रहेर सबै...
-
सकिएकै हो त इतिहास अध्ययनको औचित्य ?
काठमाडौं । असाध्यै उपेक्षित विषय हुन पुगेको छ, यतिखेर इतिहास विषय । हुन त त्रिभुवन विश्वविद्यालयकै मानविकी तथा सामाजिकशास्त्र सङ्कायको...
-
सदनमा सांसदले बोल्ने स्वतन्त्रता हुनुपर्छ : सांसद गङ्गा यादव [अन्तर्वार्ता]
काठमाडौं । संसद् भनेको जनताको कुरा राख्ने प्रभावकारी थलो हो। तर, सदनमा देशका महत्वपूर्ण विषयमा सांसदले स्वतन्त्र रुपमा आफ्नो कुरा...
-
जाडोमा मुटुको सुरक्षा किन र कसरी: मुटुरोग विशेषज्ञ डा. ओममूर्ति अनिल
काठमाडौं । जाडो मौसममा तापक्रम घट्दा स्वास्थ्यसम्बन्धी विभिन्न समस्या आउँछन् । जाडोमा हाम्रो शरीरका मुटु, मस्तिष्क तथा फोक्सो बढी जोखिममा...
-
‘सरकार सदनप्रति उत्तरदायी भएमात्र संसद्को भूमिका प्रभावकारी बन्छ’
सभामुख देवराज घिमिरेले संसद्को भूमिकालाई प्रभावकारी बनाउन सरकार संसद्प्रति उत्तरदायी हुन आवश्यक रहेको बताएका छन् । उनले राज्यका कानूनमा...
-
नेपालमा जनसङ्ख्या – ‘पोलिसी डिपार्चर’ को उपयुक्त समय (विचार)
काठमाडौं । एसियाका अन्य देशमा जस्तै नेपालमा पनि जनसङ्ख्या वृद्धि मुख्य समस्याका रुपमा रहेको लामो समय प्रचार गरियो । देशको...