ताजा समाचार

पुल नहुँदा दुई जिल्लाका बासिन्दालाई सास्ती

समाचार
-
       

बेनी (म्याग्दी), ११ वैशाख । म्याग्दी र बागलुङ जिल्लाको सिमाना भएर बग्ने ठूलो खोलामा पुल नहुँदा खोला वारीपारीका लागि दुवै जिल्लाका बासिन्दा समस्यामा परेका छन् ।

म्याग्दीको बेनी नगरपालिका–२ र बागलुङको मालिका पञ्चासेको सिमाना भएर बग्ने ठूलोखोलामा पुल नहुँदा दुवै जिल्लाका बासिन्दा समस्यामा परेका हुन् ।
हिउँदमा कुनै समस्या नभए पनि वर्षामा खोलो वारपार गर्न नसक्दा समस्या हुने गरेको बेनी नगरपालिका–२ का दिलबहादुर थापाले बताउनुभयो ।

पुल नहुँदा म्याग्दीका विमिराबोट, तमाने, गौश्वारा, भकुण्डे, अर्जम र बागलुङ जिल्लाका मालिका, पञ्चासे, खर्कलगायतका गाउँका सयौँ मानिसले सास्ती व्यहोर्नुपरेको थापाले जानकारी दिनुभयो ।

समस्याका बारेमा दुवै जिल्लाका बासिन्दाले आआफ्नो गाविस, नगरपालिका तथा जिल्लामा समेत जानकारी गराई पुल निर्माणका लागि अनुरोध गरेका भए पनि कुनै निकायले पनि ध्यान नदिएको स्थानीय बासिन्दाको गुनासो रहेको छ । रासस

Comments

प्रकाशित मिति : 2017-04-24

अरु समाचार

© NewsNepal 2018 - All Right Reserved.
newsnepal.com 2017.hlon.org