रेखा र निखिलले दशैंमा फाइट गर्ने !

कला र साहित्य

काठमाडौं । चैत्र ११ मा एक्शन स्टार निखिल उप्रेती स्टारर फिल्म ‘निर्भय’ रिलिज पक्का हुँदा सोहि मितिमा यो पहिले नै घोषणा गरिसकिएको रेखा थापा स्टारर ‘डायरी’ पनि रिलिज तय थियो । जसले सिंगल थियटरका बादशाह मानिने दुबै कलाकार भिड्ने पक्का हुँदा भिडन्त रोमाञ्चक हुने अनुमान थियो ।

अब भने चैत्रमा हुने भनिएको निखिल रेखा भिडन्त टरेको छ । फिल्म ‘डायरी’ रिलिज पोष्टपोण्ड भएको छ । ओपचारिक घोषणा नगरिएपनि यो फिल्म तोकिएको मितिमा नआउने बताइएको छ । उता निर्देशक अनिल योञ्जन विरामी परेको कारण पनि रिलिज सरेको बताइन्छ । तर निर्माण टिम र वितरकबीचको सहमतिमै रिलिज पोष्टपोण्ड भएको श्रोत बताउँछ ।

‘डायरी’ वितरक गोविन्द शाहिले सोहि मितिमा आफुले नै वितरणको जिम्मा लिएको अर्को फिल्म ‘लप्पन छप्पन’ रिलिज तोक्नु नै ‘डायरी’ रिलिज नहुनुको कन्फर्म श्रोत हो ।

तर निखिल र रेखाको भिडन्त भने अब अर्को बर्षको दशैंमा हुने पक्का जस्तै भएको छ । केहि दिन पहिले घोषणा गरिएको फिल्म ‘रुद्रप्रिया’ र निखिलको डेब्यू फिल्म ‘पिँजडा’बाट सापटी लिएर बनाउन लागिएको फिल्म ‘पिंजडा ब्याक अगेन’ दुबै अर्को दशैंको फुलपातीमा रिलिजको घोषणा पछि पुनः रेखा भर्सेज निखिल भिडन्त हुने देखिएको हो । सिंगल स्कृनका दुइ बादशाह एकसाथ भिड्दा कसले बाजी मार्छ त्यो हेर्न लायक हुनेछ ।

Comments

प्रकाशित मिति : 2017-01-22

रेखा र निखिलले दशैंमा फाइट गर्ने !

Comments

अरु समाचार