स्ववियु चुनावका लागि विद्यार्थी ताते, त्रिवि सुस्त
काठमाडौं, ९ माघ । त्रिभुवन विश्वविद्यालयले स्ववियु चुनाव घोषणा गरेसंँगै विद्यार्थी संगठनहरू चुनाव आफ्नो पक्षमा पार्न कस्सिएका छन्। तीन ठूला विद्यार्थी संगठन चुनावको रणनीतिसहित काममा जुट्न थाले पनि त्रिवि भने प्रधानमन्त्री तथा विश्वविद्यालयका कुलपतिको प्रतिक्रिया पर्खेर बसेको छ। यो खबर हामीले आजको नयाँ पत्रिकाबाट लिएका हौ।
त्रिविले १४ फागुनमा स्ववियु चुनाव गर्ने घोषणा गरेको छ। अब एक महिनाभन्दा केही दिन बढी रहँदासम्म उसले चुनावसम्बन्धी कार्यतालिका सार्वजनिक गर्न सकेको छैन। त्रिविले कार्यतालिका सार्वजनिक नगरेको भन्दै विद्यार्थी संगठनका पदाधिकारीले आलोचना गर्न थालेका छन्।
त्रिविले स्ववियु चुनावका लागि शिक्षाध्यक्ष प्रा.डा. सुधा त्रिपाठीको अध्यक्षतामा केन्द्रीय निर्वाचन कमिटी गठन गरिसकेको छ।
स्ववियु चुनावका लागि त्रिविसमेत सक्रिय भएको उनको भनाइ छ। उनले स्ववियु चुनावको मितिको अनुमोदन र कार्यतालिकाका विषयमा प्रधानमन्त्री, गृहमन्त्रीलगायतसँग छलफल गरी सार्वजनिक गर्ने बताइन्।
‘हामीले कार्यतालिका पनि तयार पारेका छौँ,’ उनले भनिन्, ‘चुनावको विषयमा प्रधानमन्त्रीसँग पनि छलफल गर्यौँ, उहाँले अरू दलका शीर्ष नेतासँग छलफल गर्ने भनेकाले पर्खेका हौँ।’ चुनावका लागि सुरक्षालगायतको विषयमा गृहमन्त्रीसँग छलफल गरी त्रिविले कार्यतालिका सार्वजनिक गर्ने तयारी गरेको छ।
त्रिविमा ०६५ यता स्ववियु चुनाव हुन सकेको छैन। लामो समयसम्म समय थप्दै काम गर्ने जिम्मा पुरानो कमिटीलाई दिएपछि सर्वोच्च अदालतले कुनै पनि काम गर्न नदिन त्रिविलाई आदेश दिएको थियो। अहिले त्रिवि स्ववियुविहीन भएको छ। त्रिविमा पहिलोपटक मिश्रित प्रणालीमा चुनाव हुँदै छ। स्ववियुमा अध्यक्ष, सचिव, कोषाध्यक्ष र ५० प्रतिशत सदस्यमा प्रत्यक्ष चुनाव गर्ने तथा उपाध्यक्ष, सहसचिव र ५० प्रतिशत सदस्यमा समानुपातिक प्रणालीमा चुनाव हुने प्रस्ताव यसअघि नै पारित भएको छ।
यस्तो छ ठूला तीन संगठनको तयारी
अनेरास्ववियु
नवीना लामा, अध्यक्ष, अनेरास्ववियु
- स्ववियु चुनावको तयारीका लागि उपाध्यक्ष महेश बर्तौलालाई जिम्मेवारी दिएका छौँ। आन्तरिक रूपमा गृहकार्य गर्दै छौँ।
- १३ माघमा बसेको विस्तारित बैठकले निर्वाचनसम्बन्धी रणनीति बनाएको छ।
- चुनावको तयारीका लागि सबै कमिटीलाई बैठक राख्न निर्देशन दिइएको छ, विद्यार्थीको स्वागत कार्यक्रम गर्दै छौँ।
- केन्द्रमा ठूलो भेला गर्ने तयारी गरेका छौँ।
- प्रचारप्रसारका लागि रत्नराज्य क्याम्पस तोकेका छौँं।
नेपाल विद्यार्थी संघ
नैनसिंह महर, अध्यक्ष, नेविसंघ
- स्ववियु निर्वाचनका लागि अध्यक्षको अध्यक्षतामा सात हजार एक मूल तयारी समिति गठन गरिएको छ।
- ६० वटा आंगिक क्याम्पसमा पठाउने गरी नेताको सूची तयार गर्दै छौँ।
- स्ववियु चुनावको घोषणापत्र तयार गर्दै छौँ।
- प्रचारप्रसारका लागि पार्टी र जिल्ला नेविसंघको नेतृत्वसँग समन्वय गर्दै काम भइरहेको छ।
अनेरास्ववियु क्रान्तिकारी
नरेन्द्र न्यौपाने, अध्यक्ष,
अनेरास्ववियु क्रान्तिकारी
- पदाधिकारीलाई क्याम्पसकेन्द्रित कार्यविभाजन गरेका छौँ।
- स्ववियुकेन्द्रित रणनीति बनाउन सातवटै प्रदेशस्तरीय कार्यशाला सम्पन्न गरेका छौँ।
- क्याम्समा जाडो बिदाभरि संगठनको आन्तरिक काम हुँदै छन्। खुलेपछि क्याम्पसकेन्द्रित हुने रणनीति छ।
- घोषणापत्र तयार भएको छ, केही दिनमै सार्वजनिक गर्छौँ।
- १ फागुनमा सभापतिका उम्मेदवार सार्वजनिक गर्छौँ।
Comments
अरु समाचार
-
राष्ट्रपति पौडेलद्वारा कतारका अमिरको सम्मानमा रात्रिभोज आयोजना
काठमाडौं । राष्ट्रपति रामचन्द्र पौडेलले नेपालको दुईदिने राजकीय भ्रमणमा रहेका कतारका अमिर शेख तमिम विन हमाद अल थानीको सम्मानमा एक रात्रिभोजको...
-
निर्धारित समयभन्दा अगाडि नै कतारी राजा काठमाडौं आइपुगे
काठमाडौं । निर्धारित समयभन्दा एक घण्टा अगाडि नै कतारी राजा अमिर शेख तमीम बिन हमद अल थानी काठमाडौं आइपुगेका छन्...
-
नेकपा एसद्वारा स्थायी कमिटी बैठक आह्वान
काठमाडौं । नेपाल कम्युनिष्ट पार्टी (एकीकृत समाजवादी)ले यही वैशाख २६ गते स्थायी कमिटीको बैठक आह्वान गरेको छ ।महाधिवेशनको तयारी, पार्टी...
-
आज १८ औँ लोकतन्त्र दिवस,उपलब्धि हुँदाहुँदै पनि केही विकृत्ति
काठमाण्डौ । आज १८ औँ लोकतन्त्र दिवस विभिन्न कार्यक्रम गरी मनाइँदैछ । २०६३ वैशाख ११ गते तत्कालीन राजा ज्ञानेन्द्रले आन्दोलनरत...
-
कतारका अमिर अल थानी साँझ काठमाडौं आइपुग्दै, विमानस्थल आधा घन्टा बन्द हुने
काठमाडौं । कतारका अमिर शेख तमिम बिन हमाद अल थानी २ दिने भ्रमणका लागि आज नेपाल आउँदैछन् ।पहिलो पटक नेपालको...
-
भ्रष्टाचार मुद्धाको पूर्णपाठ नआउँदै मरासिनीलाई अर्थको साँचो, मुख्यसचिवको शंकास्पद भूमिका
काठमाडौं । नेसनल पेमेन्ट गेटवे सिस्टम भ्रष्टाचार मुद्दामा फैसलाको पूर्णपाठ नआउँदै मधुकुमार मरासिनी अर्थसचिव बनेका छन् । शुक्रबार मात्र उक्त...
-
गण्डकी प्रदेशका मुख्यमन्त्री नियुक्ति विवादको मुद्धा हेर्दाहेर्दैमा, अर्को पेसी वैशाख १७ गते
पोखरा। गण्डकी प्रदेश सरकारको मुख्यमन्त्री नियुक्तिसम्बन्धी विवादको विषयमा बहस नसकिएपछि सर्वोच्च अदालतले त्यसलाई हेर्दाहेर्दैमा राखेको छ । न्यायाधीश सपना प्रधान...
-
गण्डकी प्रदेश सरकारविरुद्धको रिटमाथिको सुनुवाइका कारण १९ मुद्दा स्थगित
काठमाडौं । गण्डकी प्रदेश सरकारविरुद्धको रिटमाथिको सुनुवाइका कारण १९ मुद्दा स्थगित भएका छन् । सर्वोच्च अदालतका न्यायाधीशद्वय सपना प्रधान मल्ल...
-
दलहरूबीच सहकार्य गरौँ, जनतालाई राम्रो सेवा दिऔँ : प्रधानमन्त्री
काठमाडौं । प्रधानमन्त्री पुष्पकमल दाहाल ‘प्रचण्ड’ले सबै राजनीतिक दलले सहकार्य गरेर देशको विकास र जनतालाई सेवा प्रदान गर्नुपर्ने बताउनुभएको छ...