गंगामाया अधिकारीले वर्षौ वित्दा न्याय नपाउने, सुमार्गीले सर्वोच्च गएको तीन दिनमै न्याय पाउने
काठमाडौं, २४ माघ । छोराको हत्यारालाई कारबाहीको माग गर्दै गंगामाया अधिकारी अनसन बसेको झण्डै पाँच वर्ष पुरा भयो । छोरा कृष्णप्रसाद अधिकारीको अपहरणपछि हत्या भएको १५ वर्ष पूरा भयो । १६ वर्षे छोरालाई गोरखाको फुजेलबाट अपहरण गरेपछि ०६१ साल जेठ २४ गते चितवनमा हत्या गरेका थिए । त्यसपछि अपराधीलाई कारबाही गर भन्दै गंगामाया अधिकारीले न्याय मागेको १५ वर्ष भयो ।
उहिले ‘न्याय नपाए गोरखा जानु’ भन्थे, तर गोरखाकै गंगामायाको परिवारले न्याय पाएन । छोराको हत्यारालाई कारबाही गर भनेर न्याय माग्दा माग्दै श्रीमान् (नन्दप्रसाद) लाई समेत गुमाउनुपर्यो । न्याय पाईन्छकी भन्ने आश अझै मरेको छैन् । स्वास रहुञ्जेल आश भनेजस्तै उनी अझै न्यायको आशमा बसेकी छन् । न्याय पाउने त कुरा छाँडौं उनको जीवनरक्षा गर्ने सम्म कसैले हिम्मत गर्न सकेका छैनन् ।
केही समयपहिले आफुलाई मानवअधिकारीवादी भनाउँदा र राष्ट्रवादी भनाउँदाहरुले सडकमा झ्याली पिटेको पनि खुबै सुनिन्थ्यो । आजभोली त त्यो पनि कहाँ गयो कहाँ । गंगामाया भन्छिन्, ‘अब त न्याय पाउने आँश पनि पटक्कै छैन्, जतिञ्जेल स्वास छ त्यक्तिन्जेल अनसन छोड्दिन । सानालाई ऐन्, ठूलालाई चैन भन्ने त्यक्तिकैको उखान रहेनछ । यो उखान सर्वोच्च अदालत आफैंले प्रमाणित गरिदिएको छ ।’
चार वर्षदेखि रोकिएको सुमार्गीको अर्बौंको रकम सर्वोच्च गएको तीन दिनमै फुकुवाः
एउटा छोराका हत्यारालाई कारवाहीको माग गर्दागर्दै आफ्नो समेत प्राण त्याग्न विवश यो परिवारलाई न्याय दिन नसक्ने सर्वोच्चले केही जवाफ दिन सकेको छैन् । तर चार वर्षदेखि रोकिएको अजय सुमार्गीको अर्बौको रकम भने सर्वोच्चले एकैछिनमा फुकुवा गरेको छ । सर्वोच्चले करिव सवा २ अर्ब रकम नरोक्न अन्तरिम आदेश दिएको हो ।
राष्ट्र बैंकले गरेको रोक्का फुकुवाको माग गर्दै सुमार्गीको नेपाल स्याटेलाइट टेलिकम आइतबार सर्वोच्च गएको थियो । मंगलबार न्यायाधीश तेजबहादुर केसीको इजलासले रकम विदेश लैजान नपाउने र सम्पत्ति शुद्धीकरण लगायतका मुद्दामा असर नपर्ने गरी निवेदकले चाहेको बेला रकम निकाल्न दिन अन्तरिम आदेश दिएको हो ।
चार वर्षअघि अजयराज सुमार्गीको नेपाल इन्भेष्टमेन्ट बैंक तथा नबिल बैंकमा रहेको खातामा २ करोड १३ लाख ८८ हजार १६३ डलर अर्थात करिव सवा २ अर्ब रकम जम्मा भयो। ठूलो मात्रामा रकम आएपछि बैंकले त्यसका विषयमा नेपाल राष्ट्र बैंकलाई जानकारी दिए। त्यसपछि केन्द्रीय बैंकले स्रोत स्पष्ट खुलाउन नसकेको भन्दै खाताको रकम फ्रिज गरिदियो।
आफ्नो अर्बौको रकम रोक्का भएपछि त्यसलाई फुकुवा गर्न सुमार्गीले अनेकौँ राजनीतिक कनेक्सन लगाए, तर सफल भएनन्। चार वर्षदेखि रोकिएको त्यो रकम सर्वोच्च अदालतमा रिट लिएर गएको तीन दिन नबित्दै फुकुवा भयो।
Comments
अरु समाचार
-
पहाडी भेगमा आंशिक बदली, बाँकी भागमा मौसम सफा रहने
काठमाडौँ । हाल देशमा पश्चिमी वायु र स्थानीय वायुको आंशिक प्रभाव रहेको बताउँदै जल तथा मौसम विज्ञान विभाग मौसम पूर्वानुमान...
-
भ्रष्टाचार मुद्धाको पूर्णपाठ नआउँदै मरासिनीलाई अर्थको साँचो, मुख्यसचिवको शंकास्पद भूमिका
काठमाडौं । नेसनल पेमेन्ट गेटवे सिस्टम भ्रष्टाचार मुद्दामा फैसलाको पूर्णपाठ नआउँदै मधुकुमार मरासिनी अर्थसचिव बनेका छन् । शुक्रबार मात्र उक्त...
-
गण्डकी प्रदेशका मुख्यमन्त्री नियुक्ति विवादको मुद्धा हेर्दाहेर्दैमा, अर्को पेसी वैशाख १७ गते
पोखरा। गण्डकी प्रदेश सरकारको मुख्यमन्त्री नियुक्तिसम्बन्धी विवादको विषयमा बहस नसकिएपछि सर्वोच्च अदालतले त्यसलाई हेर्दाहेर्दैमा राखेको छ । न्यायाधीश सपना प्रधान...
-
गण्डकी प्रदेश सरकारविरुद्धको रिटमाथिको सुनुवाइका कारण १९ मुद्दा स्थगित
काठमाडौं । गण्डकी प्रदेश सरकारविरुद्धको रिटमाथिको सुनुवाइका कारण १९ मुद्दा स्थगित भएका छन् । सर्वोच्च अदालतका न्यायाधीशद्वय सपना प्रधान मल्ल...
-
विभिन्न जिल्लामा आगलागीले ठूलो क्षति, ७० बढी घरगोठ जले
काठमाण्डौ । गुल्मी, अर्घाखाँची, नवलपरासीलगायतका जिल्लामा आगलागीका कारण ठूलो क्षति भएको छ । ती क्षेत्रमा ७० भन्दा धेरै घरगोठ जलेका...
-
पाँच प्रदेशका केही स्थानमा मेघगर्जन र चट्याङ्गसहित हल्का वर्षा
काठमाडौँ– जल तथा मौसम विज्ञान विभाग मौसम पूर्वानुमान महाशाखाले हाल नेपालमा पश्चिमी वायु र स्थानीय वायुको आंशिक प्रभाव रहेको जनाएको...
-
आजको मौसम: बागमती, गण्डकी र कर्णालीमा हल्का वर्षा हुने
काठमाडौँ । हाल मुलकमा पश्चिमी वायु र स्थानीय वायुको आंशिक प्रभाव रहेको बताउँदै जल तथा मौसम विज्ञान विभाग मौसम पूर्वानुमान...
-
व्यापार र रोजगारीका लागि ताक्लाकोट जानेको सङ्ख्या बढ्दै
सिमकोट । रोजगारी र व्यापारका निम्ति चीनको स्वशासित क्षेत्र पुराङ काउन्टीको ताक्लाकोट जान सीमा पास लिने र नवीकरण गर्नेको सङ्ख्या...
-
६ महिनादेखि ५ वर्ष मुनिका बालबालिकालाई आज र भोलि भिटामिन ‘ए’ क्याप्सुल खुवाइँदै
काठमाडौं । सरकारले ६ महिनादेखि ५ वर्ष मुनिका बालबालिकालाई आज र भोलि देशैभर भिटामिन ‘ए’ क्याप्सुल खुवाउँदै छ । स्वास्थ्य...