ओली र प्रचण्डको आलोपालो सहमतिले के देश समृद्ध बन्ला ?
काठमाडौं, २ फागुन । गत असोजमा एमाले र माओवादीबीच पार्टी एकता गर्ने घोषणा गरेसँगै नेपालको राजनीतिमा एकाएक तरंग पैदा भयो । त्यो बेला नेकपा एमाले र माओवादी केन्द्रबीच प्रदेशसभा प्रतिनिधिसभा सदस्य निर्वाचन लगत्तै पार्टी एकता गर्ने सहमति भएको थियो । सोही सहमति अनुसार दुई दलले चुनावी तालमेल गरेर चुनाव लँडे । चुनावमा पनि अपेक्षित नतिजा आयो । एमाले र माओवादी नेताहरुको भनाईमा वाम एकता जनताले चुनावबाट अनुमोदन गरे ।
जनताले दुई पार्टीलाई स्पष्ट बहुमत दिए । लामो समयदेखि नेपालको राजनीतिमा सक्रिय रहेको नेपाली कांग्रेसले नराम्रोसँग पराजय भोग्नुपयो । ६/६ महिना ९/९ महिनामा हुने सरकार परिवर्तनको खेलबाट आम नेपाली वाक्क दिक्क भएका थिए । फलस्वरुप वाम एकता गर्ने रणनीतिका साथमा चुनावमा होमिएका दुई दललाई मत दिए । र नेपालको समृद्धको ढोका खुल्नेमा आशाबादी रहे ।
आखिर सबैलाई पद नै त चाहिएको रहेछः
एमाले र माओवादी नेताहरुले बारम्बार भन्दै आएका हामी पद र कुर्सीको लागि होईन् । देशको समृद्धिको लागि यो एकता गर्न लागेका हौं । यो वाम नेताकोहरुको मुखबाट बारम्बार निस्किएका वाक्य थिए । अझ किटान गरेरै भन्दा यस्तो रटानमा थिए एमाले अध्यक्ष केपी ओली र माओवादी केन्द्रका अध्यक्ष पुष्पकमल दाहाल प्रचण्ड ।
उनीहरुको भनाई नै बोल्ने हो भने, ‘हामीलाई अध्यक्ष र प्रधानमन्त्री चाहिने भए अहिले अध्यक्ष नै छौं । प्रधानमन्त्री नै चाहिएको हो भने प्रचण्ड जि दुई पटक प्रधानमन्त्री भईसक्नुभयो । ओली जि पनि देशको कार्यकारी पद सम्हालेकै हुन् ।’ तर आज भएको सहमतिले उनीहरुको भनाई र गराईमा आकाश धर्तीको फरक देखियो । मुखले जति सुकै चिल्ला कुरा गरेपनि आखिरमा पद नै चाहिने रहेछ ।
ओली र प्रचण्डबीच पार्टी नेतृत्व र प्रधानमन्त्री आलोपालोमा गर्ने सहमति भएको छ । यो सहमति अनुसार शुरुको ३ वर्ष ओली प्रधानमन्त्री बन्नेछन् भने २ वर्ष प्रचण्ड प्रधानमन्त्री बन्नेछन् । आखिर प्रधानमन्त्री वा अध्यक्ष नै चाहिने रहेछ ? भाषण गर्दा त हामी दुवै जना प्रधानमन्त्री पनि अधय्क्ष पनि भैसकेको मान्छेलाई पद प्रति कुनै लालच छैन भन्नु भाको थियो तर महासयहरुले आज आफ्नो ईमान्दारिता देखाएरै छाँडे ।
आखिर जनताले समृद्धको ढोका कहिले देख्न पाउने ?
ओली र प्रचण्डबीच भएको सहमतिले फेरी देश कुन दिशामा जाने हो भन्नेमा चिन्ता बढ्न थालेको छ । पहिलो ३ वर्ष ओली प्रधानमन्त्री हुँदा के के गर्लान् । यो उनको हातमा छ । तर उनले सुरुको पहिलो वर्ष आफु र देशलाई बुझ्नै लाग्नेछ । जस्तो अहिलसम्म भएको थियो । अनि दोस्रो वर्ष आफ्ना कार्यक्रम तथा योजना बनाउनमा जाँला ।
तेस्रो वर्ष चाँही आफ्नो बहिर्गमनको वर्ष भएकाले देशविदेश भ्रमण, कार्यकर्ता व्यवस्थापन, अर्को चुनावका लागि आफ्नो तयारी यस्तै यस्तैमा बित्ला । अनि देश कहिले समृद्ध होला ? त्यस्तै अर्को दुई वर्ष प्रचण्ड प्रधानमन्त्री बन्दा उनको त्यही गति हुनेछ । यो अहिले सम्म गर्दै आएका कामको आधारमा गरिएको वर्गिकरण हो । यदि यो भन्दा फरक भएर देश विकास नै भयो भने अर्को कुरा हो नत्र यही हविगत हुन्छ ।
भारतमा पूर्वप्रधानमन्त्री मनमोहन सिंहले १० वर्ष सत्ता चलाउँदा पनि समय कम भयो भनेका थिए । अमेरिकी राष्टपति बाराक ओबामाले ८ वर्ष सरकार चलाउँदा पनि केही गर्न सकिएन् भन्ने गरेका थिए । तर नेपालको आलोपालो सरकारको नेतृत्व गर्नेले के मैलै धेरै गरे भन्लान् र ?
Comments
अरु समाचार
-
कम्युनिष्ट नैतिकता र व्यवहारका पर्याय नेता खड्ग राई
खडगबहादुर राई नेपाली राजनितिमा एक उदयमान नेतृत्व हुनुहुन्छ । विद्यार्थी कालदेखि आफ्नो उर्वर समय नेकपा एमालेका लागि खर्चिनु भएका उहाँ...
-
रूसी दार्शनिक अलेक्जेन्डर दुगिनको सभ्यतागत दृष्टिकोण
रुस सुरूदेखि पश्चिमसँग सभ्यताको युद्धमा छ। जुन युद्धलाई प्रभावकारीरूपमा सामना गर्नका लागि यी योजनाहरूको पदानुक्रमलाई ध्यानमा राख्न आवश्यक छ ।...
-
सकिएकै हो त इतिहास अध्ययनको औचित्य ?
काठमाडौं । असाध्यै उपेक्षित विषय हुन पुगेको छ, यतिखेर इतिहास विषय । हुन त त्रिभुवन विश्वविद्यालयकै मानविकी तथा सामाजिकशास्त्र सङ्कायको...
-
नेपालमा जनसङ्ख्या – ‘पोलिसी डिपार्चर’ को उपयुक्त समय (विचार)
काठमाडौं । एसियाका अन्य देशमा जस्तै नेपालमा पनि जनसङ्ख्या वृद्धि मुख्य समस्याका रुपमा रहेको लामो समय प्रचार गरियो । देशको...
-
ज्येष्ठ नागरिक समाजका जीवित पाठशाला हुन् : पूर्वराष्ट्रपति भण्डारी
काठमाडौं । पूर्वराष्ट्रपति विद्यादेवी भण्डारीले जीवनभरको सङ्घर्ष र भोगाइबाट आर्जित ज्ञान, सीप र अनुभवले भरिपूर्ण ज्येष्ठ नागरिक जीवित पाठशाला रहेको...
-
नेपाल र रसिया बीचको सहकार्य ‘विकास र समृद्धिको आधार’
नेपाल दुई ठूला उदयीमान विश्वशक्ति चीन र भारतका बीचमा रहेको भू-रणनीतिक हिसाबले अति संवेदनशील देश हो। भारत र चीन बीचको...
-
साहसिक पर्यटन ‘ट्रेकिङ’: बढ्दो आकर्षण, केही चुनौती
काठमाडौँ । विश्वमै ट्रेकिङ (पदयात्रा) का लागि आकर्षक गन्तव्यमा पर्ने नेपालमा पछिल्लो समय सम्भावना धेरै देखिएको छ । यतिखेर ट्रेकिङमा...
-
१६ औँ योजनाः लक्ष्यमै केन्द्रित दिगो विकास
काठमाडौं । मन्त्रिपरिषदको बैठकले १६ औँ पञ्चवर्षिय आवधिक योजनाको अवधारणापत्र स्वीकृत गरेको छ । राष्ट्रिय योजना आयोगको पूर्ण बैठकले पहिचान...
-
नेपाल विश्वकै ठूलो सुरक्षाप्रदायक राष्ट्र: सुरक्षाविद् थापा
काठमाडौं । सुरक्षाविद् चिरनजङ्ग थापाले नेपाल विश्वकै एक ठूलो सुरक्षा प्रदायक देश रहेको बताएका छन् । उनले विश्वका ठूला आणविक...