जब मेस्सी चम्किए…
काठमाडौँ । पाँचचोटि बालून दोर जितेका लियोनेल मेस्सीलाई सन् २०१८ मा बालून दोरको पाँचौं स्थानमा राखिएको पटक्कै चित्त बुझेको रहेनछ ।
अझ त्यसमाथि ब्राजिलका महान् फूटबल खेलाडी पेलेले ‘मेस्सी जम्मा एउटा गोडाले बल हान्छन्’ र ‘उनीसँग जम्मा एउटा क्षमता’ छ भनी गरेको टिप्पणीले उनलाई चोट लागेको रहेछ ।
जे भए पनि बार्सिलोनाका यी १० नम्बरका खेलाडीले आफूभित्रको सारा क्रोध इस्पान्योलविरुद्धको खेलमा पोखे ।
मेस्सीले दुईवटा सुन्दर फ्रीकिकलाई गोलमा परिणत गरे अनि उस्मान डेम्बेलेका लागि गोलको अवसर जुटाए । त्यसबाहेक पनि उनले अद्भुत खेल देखाए र बार्सालाई कोर्नेलामा इस्पान्योलविरुद्ध ४–० को प्रभावशाली जीत दिलाए ।
मेस्सीले आफ्नो उद्देश्य १७औं मिनेटमा व्यक्त गर्दै घुमाएर हानेको फ्रीकिक गोलपोस्टको कुनाको मास्तिरबाट च्यापेर गोल भयो । इस्पान्योलका गोलकीपर डीएगो लोपेजले आत्तिएर गरेको डाइभले पनि गोल छेक्न सकेन ।
त्यसपछि उनले डेम्बेलेका लागि गोलको अवसर जुटाउन गरेको ड्रिबल हेर्दा मात्र पनि प्रशंसकको मन मुग्ध भयो ।
मेस्सीले इस्पान्योलका एक डिफेन्डरलाई बिजुली चम्केजस्तो तीव्र गतिमा गोडा चलाएर झुक्याए, अगाडि बढे, फनक्क घुमे अनि लडे, बल आफैंसँग राखिरहे, उठे अनि डेम्बेलेलाई पर्फेक्ट पास दिए । अरू खेलाडीले त्यस्तो पास दिनै सक्दैन थिए ।
मेस्सीको यो खेल फूटबल कलाको अनुपम नमूना थियो र डेम्बेलेले त्यसलाई गोलमा परिणत गरेर अमर तुल्याए ।
त्यसपछि पनि मेस्सीलाई फेरि अर्को जादू देखाउन धेरै समय लागेन । उनले सनसनीपूर्ण पास दिँदै इस्पान्योलको डिफेन्सलाई पूरै झुक्याएर सुआरेजकहाँ पुर्याए । सुआरेजले बल पोस्टमा ठोकाए ।
मेस्सीको त्यो पास यति पर्फेक्ट थियो र यसरी मज्जाले हानिएको थियो कि इस्पान्योलका सेन्टरब्याकहरू जिल्ल परेर हेरेको हेर्यै भए ।
मेस्सीले अर्को फ्रीकिक सेकेन्ड हाफमा हाने अनि गोलकीपर लोपेजलाई फेरि पनि ट्वाल्ल पारे । सन् २०१८ मा मेस्सीले खेलेका सबै प्रतियोगितामा सेटपीसबाट गरिएको यो दशौं गोल थियो ।
मेस्सीले स्वीकार त गर्दैनन् तर अघिल्लो हप्ता भएका घटनाक्रमले उनलाई इस्पान्योलविरुद्धको खेलमा थप प्रेरणा दिएकोमा शंका छैन । खेलका क्रममा उनले झुक्केर गलत पास दिएपनि मैदानको आफ्नै भागतिर ४० यार्ड पछाडि दौडेर बल खोस्न दौडिएको दृश्य प्रायः देख्न पाइन्न ।
शनिवार डियारियो स्पोर्टले इस्पान्योलको स्टेडियममा मेस्सीले आफ्नो स्तरको अविश्वसनीय प्रदर्शन अहिलेसम्म गर्न नसकेको र त्यहाँ उनले करीयरकै जम्मा दुई गोल गरेको भनी लेखेको थियो ।
तर शनिवार सनसनीपूर्ण खेल देखाएर उनले बार्साको डर्बी प्रतिद्वन्द्वीविरुद्ध अन्य खेलाडी भन्दा बढी गोल गर्ने क्रममा १९औं गोल गरे ।
फूटबलको मैदानबाहिर मेस्सी धेरै बोल्दैनन् । त्यसैले उनले बालून दोरको र्यांकिङका बारेमा टिप्पणी नगर्नु आश्चर्यको कुरा हैन । खेलमा मुखको साटो उनले गोडालाई बोल्न लगाए अनि पेलेले इंगित गरेको त्यही देब्रे गोडाले इस्पान्योललाई भारी पराजय दिलायो ।
अनि च्याम्पियन्स लीगको अन्तिम १६ मा समूहविजेताका रूपमा बार्सिलोना छनोट भइसकेपनि मंगलवार टोटनहमविरुद्धको खेलमा मेस्सीले हिजोको जस्तै अद्भुत प्रदर्शन गरेर संसारलाई आफ्नो महानताको सन्देश दिए भने कुनै आश्चर्य हुने छैन ।
मेस्सी अहिले बेस्सरी रिसाएका छन् र उनको बाटोमा आउने सबै अभागीले भारी मूल्य चुकाउनुपर्ने देखिन्छ ।
गोल डट्कममा प्रकाशित रिक शर्माको विश्लेषणको भावानुवाद
Comments
अरु समाचार
-
एसीसी प्रिमियर कपः सेमिफाइनलमा आज नेपाल र यूएई भिड्दै
काठमाण्डौ । एसीसी प्रिमियर कप क्रिकेटको सेमिफाइनलका खेल आज हुँदैछन् । पहिलो सेमिफाइनमा नेपालले आज यूएईसँग खेल्दैछ । खेल ओमानको...
-
आईपिएल: पञ्जाब किंग्सलाइ मुम्बई इन्डियन्सले ९ रनले हरायो
काठमाडौं। पञ्जाब किंग्समाथि मुम्बई इन्डियन्सले ९ रनको जित निकालेको छ। इन्डियन प्रिमियर लिग (आईपिएल) अन्तर्गत गएराति टस हारेर सुरुमा ब्याटिङको...
-
सिटीलाई पेनाल्टी सुटआउटमा हराउँदै रियल सेमिफाइनलमा
काठमाडौँ। साविक विजेता म्यानचेस्टर सिटीलाई पेनाल्टी सुटआउटमा हराउँदै रियल मड्रिड यूईएफए च्याम्पियन्स लिगको सेमिफाइनलमा पुगेको छ। इतिहाद स्टेडियममा बुधबार सम्पन्न...
-
साउदी अरेबियालाई छ विकेटले पराजित गर्दै नेपाल सेमिफाइलन प्रवेश
काठमाडौं । एसिसी प्रिमियर कप क्रिकेट प्रतियोगिताअन्तर्गत समूह चरणको आफ्नो अन्तिम खेलमा नेपालले साउदी अरेबियालाई छ विकेटले पराजित गरेको छ...
-
नेपाल र साउदी अरेबियाबीचको खेलमा टस हुन सकेन
काठमाडौं । एसिसी प्रिमियर कप क्रिकेट प्रतियोगिताअन्तर्गत आज हुने भनिएको नेपाल र साउदी अरेबियाबीचको खेलमा टस हुन सकेको छैन ।...
-
एसीसी प्रिमियर कपमा आज नेपाल र साउदीबीच भिडन्त
काठमाडौं । एसीसी प्रिमियर कपमा नेपालले आज बुधबार साउदी अरबसँग प्रतिपर्धा गर्दैछ । लगातार तीन खेलमा विजयी भएर ६ अंक...
-
आईपीएलमा हैदराबादले बनायो अहिलेसम्मकै धेरै रन, आज कोलकता र राजस्थान खेल्दै
काठमाण्डौ । इन्डियन प्रिमियर लिग (आईपीएल) क्रिकेटमा सनराइजर्स हैदराबादले रोयल च्यालेन्जर्स बेङ्गलुरुलाई २५ रनले हराएको छ । गए राति हैदराबादले...
-
नेपाल र हङकङबीचको खेल वर्षाले प्रभावित
काठमाडौं । एसिसी पुरुष प्रिमियर कप टि–ट्वान्टी क्रिकेट प्रतियोगिताअन्तर्गत नेपाल र हङकङवीचको खेल बर्षाले प्रभावित बनेको छ । ओमानको अल...
-
हङकङले नेपाललाई दियो ११५ रनको लक्ष्य
काठमाडौं । एसीसी मेन्स प्रिमियर कपमा हङकङले नेपालसामु ११५ रनको लक्ष्य प्रस्तुत गरेको छ। ओमानको अलअमेरात स्टेडियममा नेपालले टस जितेर...