प्रचण्डलाई बाबुरामको जवाफ : चश्मा फेरिन लागेको त हैन ?
काठमाडौं । संसदको हिउँदे अधिवेशनको पहिलो बैठकमा पूर्व प्रधानमन्त्री बाबुराम भट्टराईले सरकारको बचाउ गरेका नेकपा अध्यक्ष पुष्पकमल दाहाल ‘प्रचण्ड’ लाई जवाफ फर्काएका छन्।
सरकारको बचाउ क्रममा प्रचण्डले राजधानीमा धुँवाधुलो कम भएको र मास्क लगाउने मान्छे घटेको बताएका थिए। उनले आफ्नो ललितपुरको घर जाने बाटो मात्र नभइ धेरै सडक कालोपत्रे भएको बताएका थिए।
प्रचण्डपछि संसदको रोष्टमबाट बोलेका पूर्व प्रधानमन्त्री भट्टराईले व्यङ्ग गर्दै सोधे– चश्मा फेरिन लागेको त हैन। उनले प्रचण्डको नाम भने लिएनन्।
‘जनताको घर दैलोमा बसेर सुख दुःख भोगेर आएका मानिसहरु सत्तामा पुग्ने बित्तिकै जनताको सपना र दुःख बिर्सन लागेको त हैन,’ भट्टराईले भने, ‘आलिशान महलमा बस्ने, चिल्ला गाडी चढ्ने, चिल्ला सडकमा कुद्ने अनि धुवाँधुलो देख्दिनँ, केही पनि छैन भन्ने। के यो सुहाउने कुरा हो?’
भट्टराईले प्रचण्डलाई त्रिभुवनसँग तुलना गरे। ‘राजा त्रिभुवनलाई ‘सरकार म भोकै छु’ भन्दा ‘दुध र भात पनि खान पाएनौ’ भन्थे रे,’ भट्टराईले भने, ‘कतै हाम्रा नेता साथीहरुले जनताका दुःख पसिना, ती यथार्थ, जरजर अवस्था बिर्सेर सबैतिर चिल्लो, सबैतिर राम्रो देख्ने, हाँसीखुसी देख्ने भयो भने.. भ्रम हो कि यथार्थ हो।‘
भट्टराईले नयाँ सरकार आएको दश महिनामा समेत आफ्नो ब्रह्मले जनताको जीवनस्तरमा परिवर्तन आएको नदेखेको बताए।
उनले सरकारले अन्तराष्ट्रिय सम्बन्ध सुधार गरेको दावी माथि समेत हमला गरे। प्रचण्डले प्रधानमन्त्रीको भारत र चीन भ्रमणपछि सम्बन्ध राम्रो बनेको बताएका थिए। प्रचण्डले पहिलो विश्वयुद्धसम्म युरोप शक्तिशाली रहेको तर दोश्रो विश्वयुद्धपछि अमेरिका शक्तिशाली रहेको उल्लेख गर्दै अब एसिया र आर्थिक हिसाबले चीन शक्तिशाली बन्ने विश्लेषण संसदमा गरेका थिए।
तर भट्टराईले आफूले नेपालको अन्तराष्ट्रिय सम्बन्ध राम्रो नपाएको बताए। ‘म पनि युरोप अमेरिका अध्ययन भ्रमणको सिलसिलामा गएँ। तर देशको छवि उजेलिएको छैन’, भट्टराईले भने, ‘बरु सरकारको देश र जनताको नेतृत्व गर्ने मान्छेहरु माथि सबैतिरबाट प्रश्न उठिराखेको छ। न उत्तर न दक्षिण न पश्चिम न उत्तर, न कसैको नजरमा पनि यो सरकार र यसका नेताहरु प्रतिको विश्वसनियता मैले देखिनँ।‘
उनले नेपाली नेताको विश्वास कम हुनुको कारण नेपालको भित्री खपतका लागि युद्ध नै गर्न लागेको जसरी प्रस्तुत हुने तर बैठकहरुमा लुत्रुक्क पर्ने कारण रहेको जिकिर गरे।
उनले नेपालले उत्तर र दक्षिणसँगै पश्चिमा शक्तिलाई नजरअन्दाज गर्न नहुने जिकिर गरे।
‘बाघ बुढो भए पनि बिरालो हुन्न। दुब्लो बाघ हुन्छ। तीन शक्ति बीच सन्तुलन आवश्यक छ’, भट्टराईको भनाइ थियो।
भट्टराईले संघीयता कार्यान्वयनमा सफलताको कुरा गरे पनि सत्तारुढ दलका मुख्यमन्त्रीले नै सरकारको आलोचना गरिरहेको बताए। उनले निर्मला पन्तको बलात्कार पछि हत्याको घटना ढाकछोपमा संलग्न प्रहरी माथि केरकार नभएकोमा प्रश्न उठाए।
भट्टराईले संविधान संशोधन गर्न ढिलाई भएको तथा संविधानले भनेका स्वायत्त क्षेत्र नतोकिएकोमा आपत्ति जनाए। उनले नयाँ सरकार निरन्तरता भन्दा पनि नयाँ संविधान र व्यवस्था पछि बनेका कारण पूर्वाधारमा काम हुन नसकेमा सरकारको आलोचना गरे।हामीले यो समाचार सेतोपाटी अनलाइनबाट लिएका हौँ ।
Comments
अरु समाचार
-
राष्ट्रपति पौडेलद्वारा कतारका अमिरको सम्मानमा रात्रिभोज आयोजना
काठमाडौं । राष्ट्रपति रामचन्द्र पौडेलले नेपालको दुईदिने राजकीय भ्रमणमा रहेका कतारका अमिर शेख तमिम विन हमाद अल थानीको सम्मानमा एक रात्रिभोजको...
-
निर्धारित समयभन्दा अगाडि नै कतारी राजा काठमाडौं आइपुगे
काठमाडौं । निर्धारित समयभन्दा एक घण्टा अगाडि नै कतारी राजा अमिर शेख तमीम बिन हमद अल थानी काठमाडौं आइपुगेका छन्...
-
नेकपा एसद्वारा स्थायी कमिटी बैठक आह्वान
काठमाडौं । नेपाल कम्युनिष्ट पार्टी (एकीकृत समाजवादी)ले यही वैशाख २६ गते स्थायी कमिटीको बैठक आह्वान गरेको छ ।महाधिवेशनको तयारी, पार्टी...
-
आज १८ औँ लोकतन्त्र दिवस,उपलब्धि हुँदाहुँदै पनि केही विकृत्ति
काठमाण्डौ । आज १८ औँ लोकतन्त्र दिवस विभिन्न कार्यक्रम गरी मनाइँदैछ । २०६३ वैशाख ११ गते तत्कालीन राजा ज्ञानेन्द्रले आन्दोलनरत...
-
कतारका अमिर अल थानी साँझ काठमाडौं आइपुग्दै, विमानस्थल आधा घन्टा बन्द हुने
काठमाडौं । कतारका अमिर शेख तमिम बिन हमाद अल थानी २ दिने भ्रमणका लागि आज नेपाल आउँदैछन् ।पहिलो पटक नेपालको...
-
भ्रष्टाचार मुद्धाको पूर्णपाठ नआउँदै मरासिनीलाई अर्थको साँचो, मुख्यसचिवको शंकास्पद भूमिका
काठमाडौं । नेसनल पेमेन्ट गेटवे सिस्टम भ्रष्टाचार मुद्दामा फैसलाको पूर्णपाठ नआउँदै मधुकुमार मरासिनी अर्थसचिव बनेका छन् । शुक्रबार मात्र उक्त...
-
गण्डकी प्रदेशका मुख्यमन्त्री नियुक्ति विवादको मुद्धा हेर्दाहेर्दैमा, अर्को पेसी वैशाख १७ गते
पोखरा। गण्डकी प्रदेश सरकारको मुख्यमन्त्री नियुक्तिसम्बन्धी विवादको विषयमा बहस नसकिएपछि सर्वोच्च अदालतले त्यसलाई हेर्दाहेर्दैमा राखेको छ । न्यायाधीश सपना प्रधान...
-
गण्डकी प्रदेश सरकारविरुद्धको रिटमाथिको सुनुवाइका कारण १९ मुद्दा स्थगित
काठमाडौं । गण्डकी प्रदेश सरकारविरुद्धको रिटमाथिको सुनुवाइका कारण १९ मुद्दा स्थगित भएका छन् । सर्वोच्च अदालतका न्यायाधीशद्वय सपना प्रधान मल्ल...
-
दलहरूबीच सहकार्य गरौँ, जनतालाई राम्रो सेवा दिऔँ : प्रधानमन्त्री
काठमाडौं । प्रधानमन्त्री पुष्पकमल दाहाल ‘प्रचण्ड’ले सबै राजनीतिक दलले सहकार्य गरेर देशको विकास र जनतालाई सेवा प्रदान गर्नुपर्ने बताउनुभएको छ...