नेमार सर्वाधिक महंगा खेलाडी, मूल्य २०६.५ मिलियन पाउन्ड
एजेन्सी । ब्राजिलका स्टार नेमार संसारकै मूल्यवान् खेलाडी भएका छन्। हालैको एक अध्ययनले २६ वर्षीय नेमारलाई महँगो खेलाडीको सूचीमा राखेको छ। फुटबल बेन्चमार्क डटकमले अडिटर्स कम्पनी केपीएमजीसँगको सहकार्यमा गरेको अध्ययनले नेमारलाई सर्वाधिक मूल्यवान् खेलाडीको पहिलो सूचीमा राखेको हो। नेमारको मूल्य २०६.५ मिलियन पाउन्ड रहेको छ।
नेमारपछि दोस्रो स्थानमा फ्रान्सेली युवा स्टार केलियन एमबाप्पे रहेका छन्। तेस्रो स्थानमा अर्जेन्टिनाका स्टार एवं बार्सिलोनाका कप्तान लियोनल मेसी छन्। एमबाप्पेको मूल्य १९३.१ मिलियन पाउन्ड रहेको छ। मेसीको मूल्य १८३.२ मिलियन पाउन्ड छ।
यसैगरी महँगा खेलाडीको शीर्ष १० मा इङ्लिस प्रिमियर लिग खेल्ने खेलाडीको वर्चस्व छ। फुटबल बेन्चमार्कका अनुसार १५१.६ मिलियन पाउन्ड मूल्य रहेका लिभरपुलका मोहमद सलाह चौथो, १४८.२ मिलयन पाउन्ड मूल्य रहेका इडेन हाजार्ड पाँचौं, १३६.१ मिलियन पाउन्डसहित टोट्टनहामका कप्तान हेरी केन छैटौं र १२९.४ मिलियन पाउन्डसहित केभिन डे ब्रुुयन सातौं स्थानमा छन्।
शीर्ष १० मा रहने अन्य खेलाडीमा पाउल पोग्वा, एन्टोइन ग्रिजम्यान र फिलिप काउटिन्हो रहेका छन्। पोर्चुगलका सुपरस्टार क्रिस्टियानो रोनाल्डो भने शीर्ष १० भित्र अटाउन सकेका छैनन्। १२औं स्थानमा रहेका रोनाल्डोको मूल्य ९६.४ मिलियन पाउन्ड मात्रै छ।
संसारकै महँगा खेलाडीको सूचीमा रहेका नेमार दुई वर्षअघि स्पेनिस महारथी बार्सिलोना छाडेर फ्रेन्च क्लब पेरिस सेन्ट जर्मन (पीएसजी) गएका थिए। तर, नेमार पीएसजीमा त्यति नरमाएको समाचार बाहिरिएको थियो। उनी पछिल्लो समय बार्सिलोना फर्कन चाहेको र एजेन्टमार्फत सल्लाह गरिरहेको हल्ला पनि चल्न थालेको छ।
बर्सिलोनाका कप्तान मेसीले हालै मात्र पूर्वसहकर्मी नेमार बार्सिलोना फर्किएको हेर्न आफू आतुर रहेको बताएका थिए। मेसीले हालै क्रिसमस बिदामा स्पेनिस पत्रिका मार्कालाई अन्तर्वार्ता दिने क्रममा नेमारको बार्सिलोना फिर्तीबारे खुलासा गरेका थिए। पहिला नेमार मेसीको छायामा परेका कारण पीएसजी गएको समाचार पनि बाहिर आएको थियो।
अहिले आएर नेमार पीएसजीमा खुसी नरहेको र बार्सिलोना फर्कन एजेन्टमार्फत सल्लाह गरिरहेको समाचार आएका छन्। मेसीले नेमारको बार्सिलोना फर्कने सम्भावना बारे भनेका छन्– ‘नेमार बार्सिलोना फर्कन सक्नेछन्। त्यो प्रक्रिया भने निकै कठिन हुुनेछ। उनी फर्किऊन् भन्ने हामी सबै चाहन्छौं। यहाँको ड्रेसिङ रुम र लकरले समेत नेमारलाई सम्झिरहेको छ जस्तो लाग्छ।’
मेसीले नेमार र आफू एकदम मिल्ने साथी भएको र महत्वपूर्ण क्षण सँगै बिताएको पनि बताए। बार्सिलोनाले नेमारलाई फर्काउन चाहे पनि पीएसजीले उनलाई सजिलै छाड्नेमा त्यति विश्वास भने गरिएको छैन।
Comments
अरु समाचार
-
काश दाहाल स्मृति भलिबल प्रतियोगिता हुने
काठमाडौं । प्रज्ञा–स्मृति प्रतिष्ठानको आयोजनामा ललितपुरको महाकाल गाउँपालिकामा यही वैशाख २२ देखि २५ गतेसम्म प्रकाश दाहाल स्मृति बागमती प्रदेशस्तरीय अन्तरपालिका...
-
‘सूर्य नेपाल काठमाडौं ओपन’ मंगलबारदेखि सुरु हुँदै, राम्रो स्कोर निस्किने अपेक्षा
काठमाडौं । सूर्य नेपाल गल्फ टुर २०२३\२४ अन्तर्गतको सातौं प्रतियोगिता सूर्य नेपाल काठमाडौं ओपन मंगलवारदेखि सुरु हुने भएको छ। रोयल...
-
बेलिङह्याम चम्किँदा एल क्लासिकोमा रियल विजयी
काठमाडाैं । एल क्लासिकोमा रियल मड्रिडले बार्सिलोनालाई पराजित गरेको छ । आइतबार राति सम्पन्न खेलमा रियलले चिर प्रतिद्वन्द्वी बार्सिलोनालाई ३–२...
-
आईपीएलमा आज दुई खेल, गएराति हैदराबादले दिल्लीलाई हरायो
काण्ठमाण्डौ। इण्डियन प्रिमियर लिग ९आईपीएल० क्रिकेटमा सनराइजर्स हैदराबादले दिल्ली क्यापिटल्सलाई ६७ रनले पराजित गरेको छ । हैदराबादले दिएको दुई सय...
-
एसीसी प्रिमियर कपः नेपालले आज तेस्रो स्थानको लागि हङकङसँग प्रतिस्पर्धा गर्दै
काठमाडौं। एसीसी प्रिमियर कप अन्तर्गत शनिबार नेपालले तेस्रो स्थानको लागि हङकङसँग प्रतिस्पर्धा गर्दैछ। पहिलो सेमिफाइनलमा नेपाल यूएई र दोस्रो सेमिफाइनलमा...
-
एसीसी प्रिमियर कपः सेमिफाइनलमा आज नेपाल र यूएई भिड्दै
काठमाण्डौ । एसीसी प्रिमियर कप क्रिकेटको सेमिफाइनलका खेल आज हुँदैछन् । पहिलो सेमिफाइनमा नेपालले आज यूएईसँग खेल्दैछ । खेल ओमानको...
-
आईपिएल: पञ्जाब किंग्सलाइ मुम्बई इन्डियन्सले ९ रनले हरायो
काठमाडौं। पञ्जाब किंग्समाथि मुम्बई इन्डियन्सले ९ रनको जित निकालेको छ। इन्डियन प्रिमियर लिग (आईपिएल) अन्तर्गत गएराति टस हारेर सुरुमा ब्याटिङको...
-
सिटीलाई पेनाल्टी सुटआउटमा हराउँदै रियल सेमिफाइनलमा
काठमाडौँ। साविक विजेता म्यानचेस्टर सिटीलाई पेनाल्टी सुटआउटमा हराउँदै रियल मड्रिड यूईएफए च्याम्पियन्स लिगको सेमिफाइनलमा पुगेको छ। इतिहाद स्टेडियममा बुधबार सम्पन्न...
-
साउदी अरेबियालाई छ विकेटले पराजित गर्दै नेपाल सेमिफाइलन प्रवेश
काठमाडौं । एसिसी प्रिमियर कप क्रिकेट प्रतियोगिताअन्तर्गत समूह चरणको आफ्नो अन्तिम खेलमा नेपालले साउदी अरेबियालाई छ विकेटले पराजित गरेको छ...