प्रचण्डदेखि विजय गच्छदारसम्मले यसरी सम्झिए भरतमोहनलाई !
काठमाडाैँ । पूर्व उपप्रधानमन्त्री तथा अर्थमन्त्री भरतमोहन अधिकारीको निधन भएपछि उनको अन्तिम श्रद्धाञ्जली सभामा पुगेका नेताहरुले भावुक हुँदै स्मरण गरेका छन् ।
नेकपाका अध्यक्ष प्रचण्ड,माधव कुममार नेपाल नेपाली कांग्रेसका नेता रामचन्द्र पाैडेल कांग्रेस उपसभापति विजयकुमार गच्छदारले दिवंगत नेता अधिकारीको काम र उनले राजनीतिक जीवनमा गरेका संघर्षबारे स्मरण गरेका हुन् ।
उहाँ मेरो अभिभावक हुनुहन्थ्यो: प्रचण्ड, नेकपा अध्यक्ष
निरन्तर भेटघाटमा जाने गरेका नेकपा अध्यक्ष प्रचण्डले दिवंगत नेता अधिकारीलाई स्मरण गर्दे भने, भेन्टिलेटरमा जानुअघि उहाँले पार्टी, देश र समाजकै चिन्ता गर्नुभएको थियो। समृद्धिको चाहना गर्नुभएको थियो। साथै,पार्टी एकीकरण प्रक्रिया छिटो सक्न आग्रह गर्नुभएको थियो।
मसँगको सम्बन्धका विषयमा भन्नुपर्दा उहाँ मेरो अभिभावक हुनुहन्थ्यो। २०३८ सालदेखि उहाँ र मेरो सम्बन्ध नजिकिएको थियो । पहिलो पटक वनारसमा अखिल भारत नेपाली विद्यार्थी संघको सम्मेलनमा भेट वहाँसँग भएको थियो। राजनीतिक भेटघाट र कुराकानीको सुरुवात त्यसै समयदेखि भएको हो ।
जीवनको अन्तिम समयसम्म पनि उहाँलाई देश,समाज र पार्टीकै चिन्ता थियो । अर्थशास्त्रका विषयमा उहाँमा भएको ज्ञान र अनुभव अतुलनीय थियो। त्यसलाई नयाँ पुस्ताले अनुसरण गर्नुपर्छ।
वृद्धहरूका सेवक : माधवकुमार नेपाल, नेकपा वरिष्ठ नेता
भरतमोहन जनताका लोकप्रिय नेता हुनुहुन्थ्यो । बुढाबुढीले उहाँलाई आदर्श मात्रैहोइन भगवान जस्तै मान्ने गरेको पाएको छु । लोकतान्त्रिक मान्यतालाई आत्मसाथ गर्ने कम्युनिष्ट आन्दोलनका अगुवा हुनुहुन्थ्यो। अर्थमन्त्रीको भुमिकामा उहाँले खेलेको भुमिका युगाैं युगसम्म प्रसंसा योग्य हुनेछ । २०४४ सालदेखि हाम्रो भेट भएको थियो। पञ्चायत विरोधी आन्दोलनमा हामीले सहकार्य गर्यौं ।
उहाँले ल्याएको बृद्धा भत्ता कार्यक्रमले पार्टीलाई थप उर्जा मिलेको थियो र हामीले यसलाई मुख्य मुद्धाको रुपमा समेत अगाडी बढाएका थियाैं । वृद्धहरूको देशव्यापी अभिनन्दन गर्ने अभियानको श्रेय पनि उहाँलाइ नै जान्छ।
समाज सुधारक : विजय गच्छदार, कांग्रेस उपसभापति
प्रजातन्त्र र लोकतान्त्रका आन्दोलनमा उहाँ सधैं लडिरहनु भयो। परिवर्तनका लागि भएका हरेक आन्दोलनमा उहाँको भूमिका अग्रस्थानमा थियो। सञ्चा लोकतान्त्रिक नेता गुमाउन पुगेका छौं।
अर्थमन्त्रीको हैसियतमा दिवंगत नेताले सामाजीक आर्थिक परिवर्तन ल्याउनका लागि अद्वितीय योगदान पुर्याउनु भएको थियो।असल अर्थविद्,अर्थमन्त्री,समाज सुधारक राजनीतिज्ञका रुपमा मैले बुझ्छु।
उहाँ जस्तै नेता कम्युनिस्ट आन्दोलनमा प्राप्त गर्न गाह्रोः मोहन वैद्य,अध्यक्ष-नेकपा क्रान्तीकारी
भरतमोहन नेपाली कम्युनोिष्ट आन्दोलनका एक हस्ति हुनुहुन्थ्यो । उहाँको योगदानको कदर हुनुपर्छ भन्ने हो । बिशेष गरेर उहाँको विज्ञता अर्थशास्त्रमा थियो । उहाँजस्तो नेता पाउन मुस्किल छ । सरल सहज र मृदभाषी पनि हुनुहुन्थ्यो।
हामी एक पटक एउटै पार्टीमा पनि थियौं। पछि पार्टी विभाजन हुदाँ अलग अलग बाटो लाग्यौं। उहाँ जुन समूहमा रहेपनि जनवादी आन्दोलनमा लागिरहनुभएको थियो। सरल स्वभावको नेता हो ।
Comments
अरु समाचार
-
सहमतिमा करणी ठहर, तिनै बाबाको निवासमा महिला डेपुटी गभर्नर
काठमाडौं । राष्ट्र बैंककी डेपुटी गभर्नर निलम ढुंगाना तिम्सिना दुई साताअघि ‘एक पन्थ दो काज’ को शैलीमा सुनसरीको चतराधाम पुगिन्...
-
डेढ किलोभन्दा बढी सुन र १ करोड ४३ लाख बरामद, सातजना पक्राउ
काठमाडौं । उपत्यका अपराध अनुसन्धान कार्यालयले डेढ किलोभन्दा बढी सुन र १ करोड ४३ लाख ६० हजार रुपैयाँ बरामद गरेको...
-
मौसमविद् भन्छन्- तत्काल पानी पर्ने सम्भावना छैन
काठमाडौं । तत्काल पानी पर्ने सम्भावना नरहेको मौसमविदले बताएका छन् । मौसमविद रोजन लामिछानेका अनुसार आगो निभाउने र प्रदूषण हटाउने...
-
गण्डकी, कर्णाली र सुदूरपश्चिम प्रदेशका पहाडी भूभागमा आंशिकदेखि साधारणतया बदली हुने
काठमाडौँ । जल तथा मौसम विज्ञान विभाग, मौसम पूर्वानुमान महाशाखाले हाल नेपालमा पश्चिमी र स्थानीय वायुको आंशिक प्रभाव रहेको जनाएको...
-
निर्धारित समयभन्दा अगाडि नै कतारी राजा काठमाडौं आइपुगे
काठमाडौं । निर्धारित समयभन्दा एक घण्टा अगाडि नै कतारी राजा अमिर शेख तमीम बिन हमद अल थानी काठमाडौं आइपुगेका छन्...
-
पहाडी भेगमा आंशिक बदली, बाँकी भागमा मौसम सफा रहने
काठमाडौँ । हाल देशमा पश्चिमी वायु र स्थानीय वायुको आंशिक प्रभाव रहेको बताउँदै जल तथा मौसम विज्ञान विभाग मौसम पूर्वानुमान...
-
भ्रष्टाचार मुद्धाको पूर्णपाठ नआउँदै मरासिनीलाई अर्थको साँचो, मुख्यसचिवको शंकास्पद भूमिका
काठमाडौं । नेसनल पेमेन्ट गेटवे सिस्टम भ्रष्टाचार मुद्दामा फैसलाको पूर्णपाठ नआउँदै मधुकुमार मरासिनी अर्थसचिव बनेका छन् । शुक्रबार मात्र उक्त...
-
पाँच प्रदेशका केही स्थानमा मेघगर्जन र चट्याङ्गसहित हल्का वर्षा
काठमाडौँ– जल तथा मौसम विज्ञान विभाग मौसम पूर्वानुमान महाशाखाले हाल नेपालमा पश्चिमी वायु र स्थानीय वायुको आंशिक प्रभाव रहेको जनाएको...
-
आजको मौसम: बागमती, गण्डकी र कर्णालीमा हल्का वर्षा हुने
काठमाडौँ । हाल मुलकमा पश्चिमी वायु र स्थानीय वायुको आंशिक प्रभाव रहेको बताउँदै जल तथा मौसम विज्ञान विभाग मौसम पूर्वानुमान...