यसरी बाहिरिएको थियो एसइईको प्रश्नपत्र !
काठमाडाैं । प्रदेश २ मा माध्यमिक शिक्षा परीक्षा (एसइई)को प्रश्नपत्र सिरहास्थित इलाका प्रहरी कार्यालय कल्याणपुरबाट बाहिरिएको केन्द्रीय अनुसन्धान ब्युरो (सिआइबी)ले जनाएको छ । १४ र १५ चैतमा विज्ञान र सामाजिक विषयको प्रश्नपत्र बाहिरिएपछि एसइई स्थगित गरिएको थियो ।
डिआइजी शाहीका अनुसार १४ र १५ गते दुवै विषयको प्रश्नपत्र इलाका प्रहरी कार्यालयमा कार्यरत प्रहरी जवान ब्रह्मदेव सुनरैत यादवले साथी दीपेन्द्रकुमार मण्डललाई सहयोग गर्न निकालेका थिए । यादवले चाबी चोरेर दराज खोलेको र ब्लेडले थैलो चिरेर प्रश्नपत्र निकालेको सिआइबीले जनाएको छ ।
प्रश्नपत्रको फोटो खिचेपछि त्यसलाई पूर्ववत् राखिदिएका थिए । २२ वर्षीय ब्रह्मदेव सप्तरी राजविराज नगरपालिका–१० का हुन् भने २५ वर्षीय दीपेन्द्र राजविराज नगरपालिका–६ का बासिन्दा हुन् । दुवै एकै प्रहरी कार्यालयमा कार्यरत छन् । ‘यसमा इप्रका कल्याणपुर इन्चार्ज तुलसी भट्टराईसहित अन्य कसैको पनि संलग्नता हालसम्म देखिएको छैन,’ शाहीले भने ।
साथीका लागि चोरेको प्रश्नपत्र ब्रह्मदेवकै कारण सप्तरीमा फैलिएको पाइएको छ । उनले आफ्नै दाजु २८ वर्षीय विष्णुदेव यादवलाई इमोमार्फत प्रश्नपत्र पठाएका थिए । त्यसपछि सप्तरीमा अधिकांश विद्यार्थीको हातहातमा प्रश्नपत्र पुगेको थियो भने सामाजिक सञ्जालमा समेत सार्वजनिक भएको थियो ।
सप्तरीबाटै प्रश्नपत्र बाहिरिएको आशंकामा सिआइबीले गरेको थियो । त्यसैले उसको अनुसन्धान सप्तरीमै केन्द्रित थियो । ‘हामीले एकबाट अर्को र अर्कोबाट अर्को गर्दै जरो पहिल्याएका हौँ,’ शाहीले भने, ‘सप्तरीमा पहिलोपटक प्रश्नपत्र पाउने व्यक्ति विष्णुदेव हुन् ।’
विष्णुदेवले राजविराज–१६ निवासी शिक्षक मनोज यादवलाई, मनोजले हनुमाननगर कंकालिनी नगरपालिका–१ का राजेश यादवलाई, राजेशले त्यही ठाउँका उमेश यादवलाई पठाएपछि प्रश्नपत्र छ्यापछ्याप्ती भएको थियो । यी ६ जनालाई नै सार्वजनिक गर्दै सिआइबीले प्रश्नपत्र एकअर्कालाई बेचेको जनाएको छ । विद्यार्थी र अभिभावकबीच पनि प्रश्नपत्र खरिदबिक्री भएको थियो ।
बाँकी विषयका प्रश्नपत्र बाहिरिएको विषयमा भने स्पष्ट जानकारी नभएको डिआइजी शाहीले बताए । कतिपय वस्तु ल्याबमा परीक्षण गर्नुपर्ने भएकाले डिजिटल फरेन्सिक ल्याबमा पठाइएको उनको भनाइ छ । ‘ल्याबबाट रिपोर्ट नआएसम्म अन्य विषय आउट भए–नभएको बताउन सक्ने अवस्था छैन,’ उनले भने ।
दीपेन्द्रको परीक्षा पनि ब्रह्मदेवले नै दिए
डिआइजी शाहीका अनुसार ब्रह्मदेवले साथीका लागि प्रश्नपत्र मात्र निकालेनन्, सिरहाको बरहथवा माध्यमिक विद्यालय विष्णुपुर पुगेर दीपेन्द्रको परीक्षासमेत दिएका थिए । प्लस टु पढेका उनले दीपेन्द्रको प्रवेशपत्रमा आफ्नो फोटो टाँसेर परीक्षा दिएको शाहीको भनाइ छ । ‘प्रवेशपत्र बनाउन प्रधानाध्यापकको छापसमेत उनले किर्ते गरेको पाइएको छ,’ उनले थपे ।
शाहीले आफू प्रहरी प्रमुख सर्वेन्द्र खनालको सन्देश लिएर सप्तरी आएको बताए । ‘प्रहरी भएकै कारण कसैलाई छुट हुँदैन भनेर उहाँले सन्देश पठाउनुभएको छ,’ उनले भने, ‘त्यो सन्देश पुर्याउन पनि म सप्तरी आएको हुँ ।’ उनले प्रहरी, शिक्षक, विद्यार्थी जोसुकै भए पनि संलग्नलाई कारबाही हुने बताए । प्रहरीलाई विभागीय र सामान्य नागरिकसरह दुवै कारबाही गरिने उनको भनाइ थियो । प्रश्नपत्र बाहिरिएको प्रकरण अनुसन्धानका क्रममा करिब ३० जनालाई पक्राउ गरिएको र अन्यलाई छाडिएको सप्तरीका एसपी राजेन्द्र विष्टले बताए । यो समाचार आजको नयाँ पत्रिका दैनिकमा छापिएको छ ।
Comments
अरु समाचार
-
जनकपुरमा जलिरहेको अवस्थामा युवतीको शव बरामद
काठमाडौं । जनकपुरधाममा जलिरहेको अवस्थामा एक युवतीको शव फेला परेको छ । उपमहानगरपालिका–१६ कपिलेश्वरमा गए राति करिब ९ बजे आसपासमा...
-
माइक्रोबस र जिप ठोक्किँदा ८ जना चिनियाँ घाइते
काठमाडौं । कास्कीको पोखरामा माइक्रोबस र जिप ठोक्किँदा ८ जना चिनियाँ नागरिक घाइते भएका छन् । पोखराको शहीदचोकबाट मुस्ताङचोक तर्फ...
-
एन्फा उपाध्यक्ष दावा लामा पक्राउ
काठमाडौं । अखिल नेपाल फुटबल संघ (एन्फा)का उपाध्यक्ष दावा लामा पक्राउ परेका छन् । लामालाई काठमाडौं उपत्यका अपराध अनुसन्धान कार्यालयको...
-
बारामा ट्यांकरको ठक्करबाट प्रहरी जवानको मृत्यु
काठमाडौं। बाराको जितपुर सिमरा उपमहानगरपालिकामा तेल ट्यांकरले मोटरसाइकलमा ठक्कर दिँदा एक प्रहरी जवानको मृत्यु भएको छ । मृत्यु हुनेमा जिल्ला...
-
जातीय भेदभाव गरेको आरोपमा हल्दिबारीका पूर्वउपाध्यक्ष गिरी पक्राउ
काठमाडौं । जातीय आधारमा विभेद र अपमान गरेको आरोपमा हल्दिबारी गाउँपालिकाका पूर्वउपाध्यक्ष डम्बर गिरी पक्राउ परेका जिल्ला प्रहरी कार्यालयले जनाएको...
-
सिरहामा हतियारधारी समूहले लुट्यो रु १५ लाख
काठमाडौं । सिराहामा आज दिउँसो हरियारधानी एक समूहले ‘मनि ट्रान्सफर’को रकम लुटपाट गरेको छ । सदरमुकामबाट विष्णुपुर गाउँपालिकामा रहेको एक...
-
बसको ठक्करबाट ड्युटीमा रहेका ट्राफिक प्रहरीको मृत्यु
काठमाडौं । बसको ठक्करबाट ड्युटीमा रहेका एकजना ट्राफिक प्रहरी जवानको शुक्रबार राती मृत्यु भएको छ। जितपुर सिमरा उपमहानगरपालिकाको अमलेखगञ्ज चोकमा...
-
बैतडीमा ट्र्याक्टर दुर्घटना, दुई जनाको मृत्यु
काठमाडौं । जिल्लाको झौलेकमा शुक्रबार बिहान ट्र्याक्टर दुर्घटना हुँदा दुई जनाको घटनास्थलमै मृत्यु भएको छ । बैतडीको सुर्नयाबाट खोड्पे जाँदै...
-
गायक रवि ओडविरुद्ध पत्नीले हालिन् बलात्कारको जाहेरी, पक्राउ पुर्जी जारी
काठमाडाैँ । गायक रवि ओडविरुद्ध उनकी श्रीमतीले वैवाहिक बलात्कारको आरोपमा प्रहरीमा जाहेरी दिएकी छन्। उनले इलाका प्रहरी कार्यालय झलारीमा जाहेरी...