प्रदेश १ र ३ को नाम कोशी र वाग्मती नामाकरण गर्न नेकपाको ह्वीप
काठमाडौं । सत्तारुढ नेपाल कम्युनिस्ट पार्टी -नेकपा)ले प्रदेश १ र ३ को नाम नदीबाट राख्न सम्बन्धित प्रदेशका नेतालाई केन्द्रबाटै निर्देशन पठाएको छ ।
स्रोतका अनुसार प्रदेश १ को नाममा नेकपाका सांसदहरु नै विभाजित भएर मतदानको अवस्था आउन लागेको भन्दै केन्द्रले हस्तक्षेप गरेको हो ।
संविधानतः प्रदेशको नाम र राजधानी प्रदेशसभाको दुई तिहाई बहुमतले तोक्नुपर्ने हुन्छ । तर, प्रदेशका नेकपा नेताहरु आत्मनिर्णय गर्न नसकेपछि केन्द्रको आदेश पर्खनतिर लागेका छन् ।
नेकपा केन्द्रीय कार्यालयले औपचारिक वा लिखित निर्देशन नपठाए पनि पार्टीको प्रदेश कमिटीका पदाधिकारी र मुख्यमन्त्री शेरधन राईलाई मौखिक निर्देशन दिई प्रदेशको नाम कोशी र राजधानी बिराटनगर बनाउन भनेको हो । नेकपा प्रदेशसभा संसदीय दलको बैठक शुक्रबार बस्दैछ ।
स्रोतका अनुसार सोही प्रदेशमा घर भएका पार्टी अध्यक्ष केपी शर्मा ओलीले नाम र राजधानीमा चासो राखेपछि प्रदेश सभा सदस्यलाई हृवीप लगाएर भने पनि सोही निर्णय पारित गराउन लागिएको हो । प्रदेशसभामा नेकपाको दुई तिहाई बहुमत रहेकाले उसले जे चाहृयो त्यही पारित हुने अवस्था छ ।
नेकपाभित्र पूर्वमाओवादी पक्षका सांसदहरु भने प्रदेश १ को नाम किरात राख्नुपर्ने पक्षमा थिए । खोटाङका रामकुमार राई लगायतका केही सांसदले त किरात प्रदेश नाम नराखिए बिद्रोह गर्ने चेतावनी समेत दिएका थिए । पूर्वएमालेका पनि कतिपय सांसद किरात-कोशी वा किरात-सगरमाथाको पक्षमा थिए ।
किरातमा सहमति नभए पनि सगरमाथा प्रदेश र इटहरी राजधानी राख्ने पक्षमा नेकपाका बहुमत सांसद भए पनि अन्ततः पार्टीले कोशी प्रदेश र बिराटनगर राजधानी कायम गर्न निर्देशन दिएको एक नेताले बताए ।
यद्यपि राजधानी भने सुनसरी र मोरङका १८ स्थानीय तह समेटेर वृहत विराटक्षेत्र भनिने र प्रदेशसभा तथा प्रदेश सरकारका कार्यालय अलग-अलग ठाउँमा राखिने सम्भावना रहेको स्रोतले बतायो ।
नेकपाभित्र प्रदेशको नाम र राजधानीलाई लिएर तीन दिनदेखि बैठक र छलफल भइरहेका थिए । स्रोतका अनुसार अध्यक्ष तथा प्रधानमन्त्री ओलीले प्रदेश इन्चार्ज भीम आचार्य, अध्यक्ष देवराज घिमिरे र मुख्यमन्त्री शेरधन राईलाई मौखिक निर्देशन दिएपछि अवस्था अर्कै भयो । यसप्रति नेकपाका सांसदहरुले असन्तुष्टि पोखेका छन् ।
यसैबीच प्रदेश ३ को नाम र राजधानीमा पनि प्रधानमन्त्री तथा पार्टी अध्यक्ष ओलीको निर्देशन नै अन्तिम हुने नेकपा स्रोतले जनाएको छ । प्रदेश राजधानी हेटौंडा नै कायम हुने लगभग निश्चित भएको छ । यसअघि नेकपाका अधिकांश सांसदले काभ्रे राजधानी भन्दै आए पनि काभ्रेमा राजधानी राखिने सम्भावित ठाउँ आइटी पार्कमा सुरक्षण मुद्रण स्थापना गर्ने निर्णय भइसकेको छ ।
नेकपाका दुवै अध्यक्ष ओली र प्रचण्ड राजधानी हेटौंडाबाट सारेर पुनः आन्दोलन निम्त्याउन चाहँदैनन् । हेटौंडा नेकपाको राजनीतिक गढ भएकाले पनि पार्टीलाई असर पर्ने गरी हेटौंडाबाट राजधानी सार्ने पक्षमा छैनन् । स्रोतका अनुसार अध्यक्ष ओलीले मुख्यमन्त्री डोरमणि पौडेललाई राजधानी हेटौंडा नै प्रस्ताव गर्न ‘अनुमति’ दिइसकेका छन् ।
प्रदेश ३ को नाममा भने अझै पनि बहस चलिरहेको छ । नेकपा स्रोतका अनुसार प्रदेशको नाम अन्य प्रदेशमा जस्तै नदीबाटै राखिने सम्भावना छ । त्यसो भएमा ३ नम्बर प्रदेशको नाम बागमती हुनेछ । यद्यपि नेकपाकै कतिपय सांसदले ताम्सालिङ, नेपाल मण्डल लगायतका नामहरु प्रस्ताव गरेका छन् ।
प्रदेश १ र ३ दुबैमा प्रतिपक्षी बेञ्चमा रहेको नेपाली कांग्रेस भने राजधानी र नामका विषयमा मौन बसेको छ
Comments
अरु समाचार
-
धनकुटाको हिलेमा आजदेखि खाना महोत्सव
धनकुटा, ५ वैशाख: पर्यटन प्रवर्द्धनको माध्यमबाट आर्थिक गतिविधि बढाउन धनकुटाको व्यापारिक केन्द्र हिले बजारमा आजदेखि पाँच दिने तेस्रो खाना महोत्सव...
-
इलामको माइजोगमाईमा साना सिँचाइ कार्यक्रम सुरु
काठमाडौं । जिल्लाको माइजोगमाई गाउँपालिकामा खेतीयोग्य जमिनमा सिँचाइ पुयाउने उद्देश्यले सञ्चालित ‘साना सिँचाइ कार्यक्रम’ले पूर्वाधार निर्माणको कामलाई तीव्रता दिएको छ...
-
दमकस्थित लाइफलाइन अस्पतालको भवनमा आगलागी
२८ चैत, दमक । दमकस्थित लाइफलाइन अस्पताल नजिक मङ्गलबार राति आगलागी हुँदा दुई करोडभन्दा बढीको क्षति भएको छ । अस्पताल...
-
सुहाङले इलाम-२ मा ५ हजार मत अन्तरले जित्ने दावी
झापा । कोशी प्रदेशका पूर्व मुख्यमन्त्री एवम् नेकपा एमालेका नेता हिक्मत कार्कीले इलाम–२ को उपनिर्वाचनमा सुहाङ नेम्बाङले करिव ४ देखि...
-
खोटाङमा सञ्चालित बृहत् स्वास्थ्य शिविरबाट छ हजार लाभान्वित
काठमाडौं । खोटाङ सेवा समाजले आयोजना गरेको बृहत् स्वास्थ्य शिविर शुक्रबार साँझ सम्पन्न भएको छ । ‘जन्मभूमिको सम्मान, स्वास्थ्य श्रमदान...
-
गुराँसको राजधानी टिएमजे मनमोहक (फोटो फिचर)
गुराँसको राजधानी तिनजुरे-मिल्के-जलजले यतिबेला मनमोहक देखिएको छ । यस वर्षको सिजनको फुल लालीगुराँस फुलले टीएमजे क्षेत्र मनमोहक देखिएको हो। विशेषगरि ...
-
खाँदबारी–किमाथाङ्का सडकको साढे छ किलोमिटर ट्रयाक खुल्यो
काठमाडौं । राष्ट्रिय गौरवको किमाथाङ्का–खाँदबारी सडकको साढे छ किलोमिटर मार्ग (ट्रयाक) खोलिएको छ । भौगोलिक हिसाबले विकट मानिएको किमाथाङ्का–खाँदबारी सडकको...
-
इलाम–२ मा एमालेका सुहाङलाई माओवादी केन्द्रले सघाउने
काठमाडौं । इलाम–२ को उपनिर्वाचनमा नेकपा एमालेका उम्मेदवार सुहाङ नेम्वाङलाई नेकपा माओवादी केन्द्रले सघाउने भएको छ । माओवादी केन्द्रबाट उम्मेदवारका...
-
विद्यार्थीलाई उत्प्रेरित गर्न पाँच लाखको अक्षयकोष स्थापना
काठमाडौं । दिक्तेल रुपाकोट मझुवागढी नगरपालिका–३ बाम्राङका दलसेर राई र उनकी श्रीमती चामकुमारी राईका छोराछोरीले जिल्लाको बाम्राङस्थित सुर्केडाँडा आधारभूत विद्यालयमा...