ताजा समाचार

रसुवागढी नाकामा ४ किलो सुनसहित नेपाली नागरिक पक्राउ

रसुवा । नेपाल-चीन अन्तराष्ट्रिय नाका रसुवागढीमा चार किलो सुनसहित एक नेपाली नागरिक पक्राउ परेका छन् ।

स्याउ बोकेको कन्टेनरमा सुन लुकाएर ल्याउन खोज्दा चिनियाँ नाका तर्फ समीर परियार नामका एकजना सवारी चालक पक्राउ परेका हुन् । चिनियाँ पक्षले भन्सार कार्यालयमा आधुनिक एक्सरे मेसिन जडान गरेर जाँचमा कडाई गर्न थालेपछि पहिलो पटक सुनसहित नेपाली नागरिक पक्राउ परेका हुन् ।

रसुवाको कालिका गाँउपालिका-०५ का समीर परियारले गएको जेठ २० मा स्याउ बोकेको कन्टेनरमा सुन तस्करी गर्न खोज्दा चिनिया पक्षले पक्राउ गरेपनि नेपाली पक्षलाई कुनै जानकारी नदिएको प्रमुख जिल्ला अधिकारी अर्जुन भण्डारीले जनाए ।

चिनियाँ स्रोतका अनुसार अहिले परियारमाथि अनुसन्धान भइरहेको छ । चीनको सिगात्से भन्ने ठाउँमा लगेर उनलाई चिनियाँ पक्षले अनुसन्धान गरिरहेको भएपनि नेपाली पक्षलाई कुनै जानकारी नदिएको प्रजिअ भण्डारीले जनाए ।

नेपाल-चीनबीच मैत्रीपूर्ण सम्बन्ध रहेको भन्दै भण्डारीले भने, हामीलाई यस्तो कुनै जानकारी आएको छैन् । नाकामा हुने विभिन्न तस्करी र अवाञ्छित गतिविधि रोक्न दुवै तर्फका प्रशासनले बेलाबेलामा समन्वय गरेर अगाडी बढेको वताए ।

नेपाली भुमितर्फ पटकपटक सुनसहित मान्छे पक्राउ परेपनि चिनियाँ नाकातर्फ सुनसहित तस्करी पक्राउ परेको भने पहिलो घटना भएको जनाइएको छ ।

सिन्धुपाल्चोकको तातोपानी नाका महाभुकम्पका कारण बन्द भएपछि रसुवागढी नाकालाई अन्तराष्ट्रिय नाकाको रुपमा अगाडी बढाइएको थियो । भने अहिले तातोपानी नाकासमेत संचालनमा आइसकेको छ ।

Comments

अरु समाचार

© NewsNepal 2018 - All Right Reserved.
news-nepal.com 2017.hlon.org