कोरोना कहर: बुटवलमा अलपत्र मजदुरलाई जनार्दनको पहलमा उद्धार
काठमाडौं । निर्माणाधीन फास्ट ट्रयाकमा काम गर्ने रुकुमको सानीभेरी गाउँपालिका वडानम्बर १ का ३६ जनाको टोली टिपर चढेर सोमबार साँझ घरतर्फ हिँड्यो । तर, रुपन्देहीको बुटवल नपुग्दै उज्यालो भयो । मंगलबार बिहान ६ बजेदेखि लकडाउन सुरु भएको भन्दै चालक त्योभन्दा अगाडि बढ्न मानेन् । बीच सडकमै ओरालिदिएपछि ती मजदुरहरु अलपत्र परे ।
यो खबर रुकुम पश्चिमबाट निर्वाचित सांसद जनार्दन शर्मा ‘प्रभाकर’सम्म आइपुग्यो । ललितपुरस्थित घरमा सेल्फ क्वारेन्टाइनमा रहेका शर्माले प्रमुख जिल्ला अधिकारी महादेव पन्थसँग कुरा गरी उद्धारको पहल गरे ।
कोरोना भाइरसको संक्रमण रोकथामका लागि सरकारले सोमबार रातिबाट निर्णय गरेर मंगलबार बिहान ६ बजेखि देशभर लकडाउन गर्दा कतिपय मानिसहरु बीच बाटोमै अलपत्र परेका छन् । त्यसकै एउटा उदाहरण हो रुपन्देहीको यो घटना ।
नेकपा नेता एवम् पूर्वगृहमन्त्री शर्मा भन्छन्, ‘लकडाउनको निर्णय गरेर सरकारले ठीक गर्यो, तर यो निर्णयसँगै यात्रुहरुलाई बीचबाटोमै अलपत्र पार्न पाइँदैन भनेर सरकारले अर्को सूचना पनि जारी नगर्दा अलि समस्या देखियो ।’
यसरी गरियो उद्धार
टिपरले बीच बाटोमै छाडेपछि रुकुमका ३६ जना मजदुरहरु बुटवलमा अलपत्र परे । उनीहरुबाट कोरोना सर्ने हो कि भनेर स्थानीयबासी पनि डराए । अप्ठ्यारोमा परेको महसुस भएपछि उनीहरुले आफ्नो जिल्लाको नेता जनार्दन शर्मालाई फोन गरेर जानकारी गराए ।
घटनाबारे शर्माले अनलाइनखबरसँग भने, ‘हामी कहाँ छौं भन्ने पनि उनीहरुलाई थाहा थिएन । मैले तिमीहरुको नजिक कोही स्थानीयबासी छ भने फोन देऊ भनें । उनीहरुले एकजना पसल सन्चालक नारायण पन्थीलाई फोन दिए । नारायण जीले उनीहरुसँग भिडियोमा वार्ता गर्ने व्यवस्था मिलाइदिनुभयो । भिडियोमा हेर्दा त उनीहरु रुकुमका, मेरै चिनजानका रहेछन् ।’
शर्माले उद्धार गर्ने आश्वासन दिँदै प्रमुख जिल्ला अधिकारी महादेव पन्थलाई फोन गरे । पन्थले छुट्टै गाडीको व्यवस्था मिलाइदिएर दाङसम्म पुर्याइदिने वचन दिएको शर्माले बताए ।
‘उनीहरुलाई बुटवलबाट दाङको लमहीसम्म पुर्याउने व्यवस्था भइसक्यो । अब लमहीबाट रुकुमसम्म पुर्याउने गाडीको व्यवस्था मिलाउँदै छु,’ शर्माले भने । त्यसका लागि दाङका प्रमुख जिल्ला अधिकारीसँग समन्वयको कोसिस गरिरहेको शर्माको भनाइ छ ।
रुपन्देहीबाट रुकुमेली जनतालाई सम्पर्क गराइदिएर उद्धारको लागि सहयोग गरेको भन्दै शर्माले पसल सन्चालक पन्थीलाई फेसबुकमार्फत् धन्यवाद दिएका छन् ।
लकडाउनका कारण आफूहरु बीचबाटोमै अलपत्र परेको भन्दै उद्धार गरिदिन भनेर आफूलाई पाँच ठाउँबाट फोन आइसकेको शर्माले बताए ।
‘होलटाइमर भन्ने फिल्म सुटिङ गर्न गएको समूह कैलालीको सुख्खडमा अलपत्र परेछ । विद्युतको सर्वेक्षण गर्न किमांथाका गएको प्राविधिक टोली पनि अलपत्र परेछ,’ शर्माले भने, ‘दाङको दमारगाउँबाट र जोमसोममा ट्रेकिङमा गएका एकजना विदेशी पर्यटक पनि अलपत्र परेकाले उद्धार गरिदिन भनेर मलाई फोन आयो, मैले सकेसम्म सबैको उद्धारको कोसिस गर्न सम्बन्धित सीडीओहरुमार्फत् समन्वय गरिरहेको छु ।’
Comments
अरु समाचार
-
व्यापार र रोजगारीका लागि ताक्लाकोट जानेको सङ्ख्या बढ्दै
सिमकोट । रोजगारी र व्यापारका निम्ति चीनको स्वशासित क्षेत्र पुराङ काउन्टीको ताक्लाकोट जान सीमा पास लिने र नवीकरण गर्नेको सङ्ख्या...
-
कोशी, बागमती र गण्डकी प्रदेशको केही पहाडी भूभागमा हल्का वर्षा
काठमाडौँ । जल तथा मौसम विज्ञान विभाग मौसम पूर्वानुमान महाशाखाले हाल नेपालमा पश्चिमी वायु तथा स्थानीय वायुको प्रभाव रहेको जनाएको...
-
बालविवाह रोक्न निमन्त्रणा ‘कार्ड’ मै बेहुला-बेहुलीको जन्ममिति अनिवार्य
काठमाडाैँ । रुकुमपश्चिमको आठबीसकोट नगरपालिका-३ ले बालविवाह न्यूनीकरण तथा मदिरा र सुर्तीजन्य पदार्थ बिक्री वितरण तथा सेवन नियन्त्रण गर्न सक्रियता...
-
उच्च पहाडी तथा हिमाली भूभागका धेरै स्थानमा हल्का वर्षा र हिमपात
काठमाडौँ । जल तथा मौसम विज्ञान मौसम पूर्वानुमान महाशाखाले ।हाल नेपालमा पश्चिमी वायुको सामान्य प्रभाव रहेको जनाएको छ। महाशाखाका अनुसार...
-
केही प्रदेशका पहाडी भूभागमा आंशिक बदली हुने
काठमाडौँ । जल तथा मौसम विज्ञान विभाग, मौसम पूर्वानुमान महाशाखाले हाल नेपालमा पश्चिमी वायुको आंशिक प्रभाव रहेको जनाएको छ ।महाशाखाका...
-
केही पहाडी भूभागमा सामान्य बदली, अन्यमा मौसम सफा
काठमाडौँ ,। जल तथा मौसम विज्ञान विभाग, मौसम पूर्वानुमान महाशाखाले हाल नेपालमा पश्चिमी न्यून चापीय प्रणालीको आंशिक प्रभाव रहेको जनाएको...
-
भोलिदेखि सुरु हुने दादुरा-रुवेलाविरुद्धको खोप सुरक्षित र प्रभावकारी भएको दाबी
काठमाडौँ । आइतवारदेखि सुरु हुने दादुरा–रुवेलाविरुद्धको खोप प्रभावकारी रहेको बताइएको छ । स्वास्थ्य सेवा विभाग परिवार कल्याण महाशाखाले खोप सुरक्षित...
-
नेपालमा पश्चिमी न्यून चापीय प्रणालीको प्रभाव,आंशिकदेखि साधरणतया बदली
काठमाडौँ । हाल नेपालमा पश्चिमी न्यून चापीय प्रणालीको प्रभाव रहेको मौसम पूर्वानुमान महाशाखाले जनाएको छ। जसको प्रभावले देशभर मौसममा आंशिकदेखि...
-
दादुरा–रुवेलाविरुद्धको खोप अभियान २५ दिनसम्म सञ्चालन हुने
काठमाडौँ । सरकारले देशभरि दादुरा–रुवेलाको सङ्क्रमणको जोखिमलाई मध्यनजर गर्दै यही फागुन १३ गतेदेखि चैत ७ गतेसम्म खोप अभियान सञ्चालन गर्दैछ...