रुकुम (पूर्व) मा एसइई लक्षित रेडियोमार्फत दुर शिक्षा रेडियो कार्यक्रम सञ्चालन
सर्जना कार्की\रुकुम (पुर्व) । रुकुम (पूर्व) मा माध्यामिक शिक्षा परिक्षा (एसइई) लाई लक्षित गरी दुर शिक्षा रेडियो कार्यक्रम सञ्चालन हुने भएको छ ।
तत्काललाई जिल्लाको भुमे गाउँपालिकाले रेडियोमार्फत दुर शिक्षा कार्यक्रम सञ्चालन गर्न लागेको हो । विश्वभरी महामारीको रुपमा फैलिएको कोरोना भाइरसका कारण गत वर्षको चैत ६ गते हुने भनिएको इसइई परिक्षा स्थगित भएपछि तीनै विद्यार्थीलाई लक्षित गरी गाउँपालिकाले दुर शिक्षा रेडियो कार्यक्रम सञ्चालनको तयारी थालेको हो ।
लकडाउनमा विद्यार्थीको परिक्षासँगै विद्यालय सबै बन्द भएपछि विद्यार्थीहरुको पढाइमा असर परेको भन्दै गाउँपालिकाले यस्तो अवधारणा अघि सारेको गाउापालिका अध्यक्ष रामसुर बुढामगरले बताउनुभयो । लकडाउन खुल्ने बित्तिकै परिक्षा तालिका सार्वजनिक गर्ने शिक्षा मन्त्रालयको तयारीलाई मध्यनजर गर्दै गाउँपालिकाले रेडियोमार्फत विद्यार्थीलाई टिउसन कक्षा सञ्चालन गर्न लागेको उहाँले बताउनुभएको छ ।
‘परिक्षाको तयारीमा रहेका विद्यार्थीले लामो समय बिदामा बस्दा सिकेका कुरासमेत बिर्सन्छन्’, अध्यक्ष बुढामगरले भन्नुभयो, परीक्षामा समस्या आउने भएकाले रेडियोमार्फत दुर शिक्षा कार्यक्रम सञ्चालन गर्न लागेका छौ, यो कार्यक्रम जिल्लामा प्रभावकारी हुने छ ।’
तत्काल जिल्ला सदरमुकाम रुकुमकोटमा रहेको रेडियो पूर्वी रुकुमबाट पाँच विषयको कक्षा सञ्चालन हुने उहाँको भनाई छ । कक्षा सञ्चालनका लागी हप्ताको पाँच दिन विषय शिक्षकले प्रशिक्षण दिने, दुई दिन स्टुडियोबाट विद्यार्थीहरुलाई ज्ञानमुलक जानकारीहरु प्रदान गर्ने र विद्यार्थीले सामाजिक संजाल वा टेलिफोनमार्फत जिज्ञासा राख्न सक्ने व्यवस्था मिलाउने बुढाले बताउनुभयो ।
परीक्षाको तयारी गराउँदा जसरी विद्यालयमा शिक्षकले पढाउनुहुन्थ्यो त्यसरीनै रेडियोबाट विषयगत शिक्षकमार्फत पढाउने तयारी भईरहेको गाउँपालिकाले जनाएको छ । एसइई तयारी गरिरहेका विद्यार्थीका लागि अङ्ग्रेजी, गणित, विज्ञान र अन्य विद्यार्थीको लागि नेपाली व्याकरण, अङग्रेजी ग्रामर र नैतिक शिक्षा विषयको कक्षा रेडियोबाट सञ्चालन हुने छन ।
यस कार्यक्रम सञ्चालन गर्नको लागि जिल्लाका अन्य दुई सिस्ने र भुमे गाउँपालिकासँग पनि समन्वयको प्रयास भइरहेको गाउँपालिकाले जनाएको छ । गाउँपालिका अध्यक्ष बुढामगरले यस कार्यक्रम सञ्चालन गर्न गाउँपालिकाले लकडाउनका कारण खर्च हुन नसकेको शिक्षा तर्फको ६ लाख ८५ हजार बजेट विनियोज गरेको र अपुग भएमा अरु बजेट पनि व्यवस्थापन गर्ने बताइएको छ । देर शिक्षा रेडियो कार्यक्रम सञ्चालन गर्र्दै गर्दा स्रोत साधनको अभाव भएमा पनि त्यसको व्यवस्थापन गाउँपालिकाले गर्ने भएको छ ।
रेडियो कार्यक्रममार्फत पठाउने शिक्षकलाई गाउँपालिकाले पारिश्रमिक उपलब्ध गराउने गाउँपालिकाका प्रमुख प्रशासकिय अधिकृत चन्द्रसिंह श्रेष्ठले बताउनुभयो । रेडियोमार्फत कक्षा सञ्चालन गर्ने शिक्षकका लागी गाउँपालिकाले प्रतिकक्षा एक हजार पाँच सय रुपैयाँ पारिश्रमिक दिने र टाढाका शिक्षकका लागि यातायातको व्यवस्था पनि गर्ने अधिकृत श्रेष्ठले जानकारी दिनुभयो । विद्यालय खोल्न वा टिउसन कोचिङ कक्षा सञ्चालन गर्न सम्भव नरहेकाले रेडियोको विकल्प खोजिएको अधिकृत श्रेष्ठको भनाई छ ।
रेडियोबाट प्रसारण हुने उक्त कार्यक्रमबाट रुकुम (पूर्व) का तिन वटै स्थानीय तहका विद्यार्थी, छिमेकि जिल्ला रुकुम (पश्चिम), रोल्पा, जाजरकोट र सल्यानका विद्यार्थी लाभान्वित हुने छन् । परीक्षा तयारी कक्षा नै सञ्चालन हुने भएकाले गाउँपालिकाले थालेको रेडियो दुर शिक्षा कार्यक्रम सबैको लागि उपयोगि हुने गाउँपालिकाले विश्वास लिएको छ । अबको हप्तादिनमै कार्यक्रम सञ्चालन गर्ने बताइएको छ । गाउँपालिकाले विद्यार्थीलाई लकडाउनको पूर्ण पालना गर्दै तिव्र रुपमा परिक्षाको तयारी गर्न पनि भनेको छ ।
Comments
अरु समाचार
-
ग्लोबल आइएमई बैंकको उच्चशिक्षा कार्यक्रमः भारतमा उच्च शिक्षाका लागि जाने विद्यार्थीलाई शैक्षिक कर्जा
काठमाडाैँ । ग्लोबल आइएमई बैंक लिमिटेड र हब इन्टरनेशनल एजुकेशन प्रा. लि. बिच भारतमा उच्च शिक्षाका लागि जाने विद्यार्थीहरुलाई शैक्षिक...
-
सामुदायिक विद्यालयमा विद्यार्थी बढाउन कक्षा एकमा अङ्ग्रेजी
काठमाडौं । कैलालीको जानकी गाउँपालिकाले सामुदायिक विद्यालयमा विद्यार्थीको आकर्षण बढाउन यो शैक्षिक वर्षमा कक्षा १ देखि ३ सम्म अङ्ग्रेजी माध्यममा...
-
विद्यार्थी कम भएका सामुदायिक विद्यालय समायोजन
काठमाडौं । रुकुम पश्चिमको सानीभेरी गाउँपालिकाले १६ वटा सामुदायिक विद्यालयलाई समायोजन गरेको छ । गाउँ कार्यपालिकाको बैठकले विद्यार्थी सङ्ख्या न्यून...
-
विश्वविद्यालयहरूमा दलीय हस्तक्षेप हुँदैनः शिक्षामन्त्री श्रेष्ठ
काठमाडौं । शिक्षा, विज्ञान तथा प्रविधिमन्त्री सुमना श्रेष्ठले आफू र आफ्नो पार्टीका तर्फबाट विश्वविद्यालयहरूमा कुनै हस्तक्षेप नहुने बताएकी छन् ।...
-
प्रधानमन्त्री प्रचण्डको आह्वान– पढ्ने उमेरका सबै बालबालिकालाई विद्यालय पठाऔँ
काठमाडाैँ । आजदेखि विद्यालय भर्ना अभियान शैक्षिक सत्र २०८१ का शुरु भएको छ । प्रधानमन्त्री पुष्पकमल दाहाल प्रचण्डले विद्यालय जाने...
-
डा. अनिलको पुस्तक बिक्रीबाट प्राप्त रकमबाट देशैभर छात्रवृत्ति प्रदान गरिने
काठमाडौं । मुटुरोग विशेषज्ञ डा.ओम मूर्ति अनिलद्वारा लिखित ‘जीवन्त सम्बन्ध’ बिक्रीबाट प्राप्त रकम देशका ७७ जिल्लाका गरिब तथा जेहेन्दार विद्यार्थीलाई...
-
नवप्रवर्तनमा आधारित समयसापेक्ष पाठ्यक्रम लागू गर्नुपर्छः प्रधानमन्त्री ‘प्रचण्ड’
काठमाडौं । प्रधानमन्त्री पुष्पकमल दाहाल ‘प्रचण्ड’ ले नवप्रवर्तनमा आधारित समयसापेक्ष पाठ्यक्रम तयार गरेर लागू गर्नुपर्नेमा जोड दिएका छन् । मध्यपश्चिम...
-
विद्यार्थीलाई उत्प्रेरित गर्न पाँच लाखको अक्षयकोष स्थापना
काठमाडौं । दिक्तेल रुपाकोट मझुवागढी नगरपालिका–३ बाम्राङका दलसेर राई र उनकी श्रीमती चामकुमारी राईका छोराछोरीले जिल्लाको बाम्राङस्थित सुर्केडाँडा आधारभूत विद्यालयमा...
-
चीनले बनाइदियो रसुवामा भव्य विद्यालय
काठमाडाैँ । चीनले रसुवामा सुविधा सम्पन्न विद्यालय बनाइदिएको छ । उक्त विद्यालय अस्ति शुक्रबार नेपाल सरकारलाई हस्तान्तरण गरिएको छ ।...