क्रिकेट संघको केन्द्रीय समितिमा छुम्बी लामा नियुक्त
काठमाडाैँ । राष्ट्रिय खेलकुद परिषद्ले छुम्बी लामा र धर्मराज गिरीलाई नेपाल क्रिकेट संघ (क्यान) को केन्द्रीय सदस्यमा नियुक्त गरेको छ।
परिषद्का सदस्यसचिव रमेशकुमार सिलवालले लामा र गिरीलाई गत असार १० गते क्यानको केन्द्रीय सदस्य बनाउने निर्णय गरेका थिए। सोहि निर्णयअनुसार मंगलबार दुवै जनाले नियुक्त पाएको परिषद्ले जनाएको छ।
क्यानको विधानअनुसार २ जना केन्द्रीय सदस्य परिषद्ले नियुक्त गर्ने प्रावधान छ। सोहि प्रावधानअनुसार क्यानको निर्वाचन भएको १० महिनापछि परिषद्ले आफ्नोतर्फबाट केन्द्रीय सदस्य चयन गरेको हो।
लामा २०६८ सालदेखि क्रिकेटमा सक्रिय छन्। क्यानको अध्यक्षमा टंक आङ्बुहाङ निर्वाचित भएपछि लामाले सुरुमा क्यानको कार्यालय प्रमुखको जिम्मेवारी पाएका थिए। त्यसपछि क्यानले भावना घिमिरेलाई सिईओ नियुक्त गरेपछि लामालाई प्रमुख कार्यसंचालन अधिकृतको जिम्मेवारी दिइएको थियो।
क्यानलाई अन्तर्राष्ट्रिय क्रिकेट काउन्सिल (आइसिसी) ले निलम्बन गरेपछि क्रिकेट गतिविधि संचालन गर्न लामाले परिषद्को तर्फबाट काम गरेका थिए। लामाले विश्व क्रिकेट लिग च्याम्पियनसिपअन्तर्गत नेपालमा आयोजना भएका केन्या र नामिबियाविरुद्धको खेल गराउन काम गरेका थिए।
लामाले परिषद्सँगको सहकार्यमा मूलपानी क्रिकेट मैदानको मर्मत गर्न पनि पहलकदमी लिएका थिए।
लामा पोखरा प्रिमियर लिग टी-२० फ्रेन्चाइज क्रिकेट प्रतियोगिताका कार्यकारी निर्देशक हुन्। लामाको नेतृत्वमा लिगका दुई संस्करणका खेल आयोजना भएका छन्। यस्तै उनी कार्यकारी निर्देशक रहेको क्विन्स इभेन्टले नेपालमा पहिलो पटक महिला क्रिकेट लिग गराउने क्रममा वुमेन्स च्याम्पियन्स लिग आयोजना गरेको थियो।
क्यानको पछिल्लो निर्वाचनमा लामाले हालका अध्यक्ष चतुरबहादुर चन्दविरुद्धको प्यानल बनाउन भूमीका निर्वाह गरेका थिए। त्यसैले लामा अहिलेको क्यानमा प्रतिपक्षीको भूमीकामा रहन सक्छन्।
Comments
अरु समाचार
-
काश दाहाल स्मृति भलिबल प्रतियोगिता हुने
काठमाडौं । प्रज्ञा–स्मृति प्रतिष्ठानको आयोजनामा ललितपुरको महाकाल गाउँपालिकामा यही वैशाख २२ देखि २५ गतेसम्म प्रकाश दाहाल स्मृति बागमती प्रदेशस्तरीय अन्तरपालिका...
-
‘सूर्य नेपाल काठमाडौं ओपन’ मंगलबारदेखि सुरु हुँदै, राम्रो स्कोर निस्किने अपेक्षा
काठमाडौं । सूर्य नेपाल गल्फ टुर २०२३\२४ अन्तर्गतको सातौं प्रतियोगिता सूर्य नेपाल काठमाडौं ओपन मंगलवारदेखि सुरु हुने भएको छ। रोयल...
-
बेलिङह्याम चम्किँदा एल क्लासिकोमा रियल विजयी
काठमाडाैं । एल क्लासिकोमा रियल मड्रिडले बार्सिलोनालाई पराजित गरेको छ । आइतबार राति सम्पन्न खेलमा रियलले चिर प्रतिद्वन्द्वी बार्सिलोनालाई ३–२...
-
आईपीएलमा आज दुई खेल, गएराति हैदराबादले दिल्लीलाई हरायो
काण्ठमाण्डौ। इण्डियन प्रिमियर लिग ९आईपीएल० क्रिकेटमा सनराइजर्स हैदराबादले दिल्ली क्यापिटल्सलाई ६७ रनले पराजित गरेको छ । हैदराबादले दिएको दुई सय...
-
एसीसी प्रिमियर कपः नेपालले आज तेस्रो स्थानको लागि हङकङसँग प्रतिस्पर्धा गर्दै
काठमाडौं। एसीसी प्रिमियर कप अन्तर्गत शनिबार नेपालले तेस्रो स्थानको लागि हङकङसँग प्रतिस्पर्धा गर्दैछ। पहिलो सेमिफाइनलमा नेपाल यूएई र दोस्रो सेमिफाइनलमा...
-
एसीसी प्रिमियर कपः सेमिफाइनलमा आज नेपाल र यूएई भिड्दै
काठमाण्डौ । एसीसी प्रिमियर कप क्रिकेटको सेमिफाइनलका खेल आज हुँदैछन् । पहिलो सेमिफाइनमा नेपालले आज यूएईसँग खेल्दैछ । खेल ओमानको...
-
आईपिएल: पञ्जाब किंग्सलाइ मुम्बई इन्डियन्सले ९ रनले हरायो
काठमाडौं। पञ्जाब किंग्समाथि मुम्बई इन्डियन्सले ९ रनको जित निकालेको छ। इन्डियन प्रिमियर लिग (आईपिएल) अन्तर्गत गएराति टस हारेर सुरुमा ब्याटिङको...
-
सिटीलाई पेनाल्टी सुटआउटमा हराउँदै रियल सेमिफाइनलमा
काठमाडौँ। साविक विजेता म्यानचेस्टर सिटीलाई पेनाल्टी सुटआउटमा हराउँदै रियल मड्रिड यूईएफए च्याम्पियन्स लिगको सेमिफाइनलमा पुगेको छ। इतिहाद स्टेडियममा बुधबार सम्पन्न...
-
साउदी अरेबियालाई छ विकेटले पराजित गर्दै नेपाल सेमिफाइलन प्रवेश
काठमाडौं । एसिसी प्रिमियर कप क्रिकेट प्रतियोगिताअन्तर्गत समूह चरणको आफ्नो अन्तिम खेलमा नेपालले साउदी अरेबियालाई छ विकेटले पराजित गरेको छ...