रोल्पाका स्थानीय तहमा हेलिप्याड
रोल्पा। रोल्पाका स्थानीय तहमा नेपाली सेनाले हेलिप्याड निर्माण गरेको छ।
विपद् र स्वास्थ्यसँग जोडिएका विषयका साथै सुत्केरी महिलाको आपतकालीन उद्वारमा सहज होस् भन्ने उद्देश्यले नेपाली सेनाले उक्त होलिप्याड बनाएको हो।
जिल्लाका सुनछहरी गाउँपालिकाको पोवाङ, रुन्टीगढी गाउँपालिकाको होलेरी, परिवर्तन गाउँपालिकाको धामाचौर र गङ्गादेव गाउँपालिकाको सुखाओडारमा हेलिप्याड निर्माण गरिएको हो। सेनाको खड्गदल गण लिवाङले सो हेलिप्याड निर्माण गरेको हो। प्रदेश सरकारको सहयोगमा पहिलो चरणमा जिल्लाका पाँच स्थानीय तहमा निर्माण गरिएको सो हेलिप्याडमध्ये चार स्थानको जिम्मा नेपाली सेनाले लिएको हो। रोल्पा नगरपालिकाको लिवाङको हेलिप्याड भने नगरपालिका आफैंले बनाइरहेको छ।
“विपद्सँग सम्बन्धित विषय नेपाली सेनाको पनि सरोकारको विषय भएकाले हेलिप्याड निर्माण गरेका हौँ,” खड्गदल गण रोल्पाका गणपति सुधिर केसीले भने, “लकडाउनको असहजताबीच निर्माण कार्य सम्पन्न गरेका छौँ।”
जिल्ला प्रशासन कार्यालयको कार्यदेशअनुसार खड्गदल गण रोल्पा उक्त निर्माण कार्यमा सरिक भएको थियो। सार्वजनिक खरिद ऐन बमोजिम उक्त हेलिप्याड निर्माण गरिएको हो। प्रति हेलिप्याड पाँच लाख रुपैयाँका दरले निर्माण गरिएको सेनाले जनाएको छ। सो निर्माणका लागि प्रदेश सरकारले अघिल्लो वर्ष नै बजेट विनियोजन गरे पनि विविध कारणवश निर्माण हुन सकेको थिएन। निर्माण कार्य नहुँदा अघिल्लो वर्ष बजेट फिर्ता गएपछि यस वर्ष नेपाली सेनालाई निर्माण कार्यको जिम्मा दिइएको हो।
रोल्पा नगरपालिकाले नाइट भिजन हेलिप्याड निर्माण गरेको छ। अघिल्लो वर्ष १५ लाख रुपैयाँ बजेट खर्चेर बनाइएको हेलिप्याड वर्षासँगै भत्किएपछि यस वर्ष पनि सोही हेलिप्याड निर्माणका लागि बजेट छुट्याएको नगरपालिकाका प्रमुख पूर्ण केसीले बताए। उक्त हेलिप्याडका लागि यस वर्ष २० लाख रुपैयाँ बजेट विनियोजन गरिएको छ। वर्षातको मौसमसँगै रोल्पाका अधिकांश सडकहरुमा आउने पहिरोले ६ महिनासम्म सडक अवरुद्ध हुँदा बिरामी, सुत्केरी महिला तथा विपद्मा परेकाहरुले अकालमा ज्यान गुमाउने गरेका छन्।
Comments
अरु समाचार
-
लुम्बिनीको मुख्यमन्त्रीमा महराको दाबी, प्रदेश प्रमुखलाई बुझाए बहुमत सदस्यको हस्ताक्षर
काठमाडौं । लुम्बिनी प्रदेशमा मुख्यमन्त्रीको दाबी गर्दै माओवादी संसदीय दलका नेता जोखबहादुर महराले बहुमत सदस्यको हस्ताक्षर प्रदेश प्रमुखको कार्यलयमा बुझाएका...
-
कोशी, बागमती र गण्डकी प्रदेशको केही पहाडी भूभागमा हल्का वर्षा
काठमाडौँ । जल तथा मौसम विज्ञान विभाग मौसम पूर्वानुमान महाशाखाले हाल नेपालमा पश्चिमी वायु तथा स्थानीय वायुको प्रभाव रहेको जनाएको...
-
उच्च पहाडी तथा हिमाली भूभागका धेरै स्थानमा हल्का वर्षा र हिमपात
काठमाडौँ । जल तथा मौसम विज्ञान मौसम पूर्वानुमान महाशाखाले ।हाल नेपालमा पश्चिमी वायुको सामान्य प्रभाव रहेको जनाएको छ। महाशाखाका अनुसार...
-
केही प्रदेशका पहाडी भूभागमा आंशिक बदली हुने
काठमाडौँ । जल तथा मौसम विज्ञान विभाग, मौसम पूर्वानुमान महाशाखाले हाल नेपालमा पश्चिमी वायुको आंशिक प्रभाव रहेको जनाएको छ ।महाशाखाका...
-
केही पहाडी भूभागमा सामान्य बदली, अन्यमा मौसम सफा
काठमाडौँ ,। जल तथा मौसम विज्ञान विभाग, मौसम पूर्वानुमान महाशाखाले हाल नेपालमा पश्चिमी न्यून चापीय प्रणालीको आंशिक प्रभाव रहेको जनाएको...
-
भोलिदेखि सुरु हुने दादुरा-रुवेलाविरुद्धको खोप सुरक्षित र प्रभावकारी भएको दाबी
काठमाडौँ । आइतवारदेखि सुरु हुने दादुरा–रुवेलाविरुद्धको खोप प्रभावकारी रहेको बताइएको छ । स्वास्थ्य सेवा विभाग परिवार कल्याण महाशाखाले खोप सुरक्षित...
-
नेपालमा पश्चिमी न्यून चापीय प्रणालीको प्रभाव,आंशिकदेखि साधरणतया बदली
काठमाडौँ । हाल नेपालमा पश्चिमी न्यून चापीय प्रणालीको प्रभाव रहेको मौसम पूर्वानुमान महाशाखाले जनाएको छ। जसको प्रभावले देशभर मौसममा आंशिकदेखि...
-
दादुरा–रुवेलाविरुद्धको खोप अभियान २५ दिनसम्म सञ्चालन हुने
काठमाडौँ । सरकारले देशभरि दादुरा–रुवेलाको सङ्क्रमणको जोखिमलाई मध्यनजर गर्दै यही फागुन १३ गतेदेखि चैत ७ गतेसम्म खोप अभियान सञ्चालन गर्दैछ...
-
चिराइतो मूल्य बढ्दो, उत्पादन घढ्दो
काठमाडौं । पछिल्लो समयमा चिराइतोको बजार मूल्य क्रमिक रुपमा बढ्दै गएको छ । तर उत्पादन भने घढ्दै गएको छ ।...