विराटनगर महानगरको आफ्नै पीसीआर ल्याब, अब आजको आजै नतिजा
विराटनगर । विराटनगर महानगर क्षेत्रभित्र संक्रमितको स्वाब परीक्षणको नतिजा अहिले पनि घटीमा पाँच दिनमा आउने गरेको छ ।
संक्रमितको व्यवस्थापन प्रदेश सरकारको जिम्मेवारी भए पनि बेवास्ताका कारण स्थानीय तह आफैंले आइसोलेसन सञ्चालन गर्न थालेका छन् ।
मोरङमा विराटनगर महानगरपालिका र रंगेली नगरपालिकाले आफ्नै आइसोलेसन सुरु गरिसकेका छन् । विराटनगर महानगरपालिकाको वडा १९ स्थित इलाका स्वास्थ्य कार्यालयमा सञ्चालित आइसोलेसनबाट बिहीबार १९ जना कोरोना ठीक भई घर फर्किएका छन् । उनीहरूलाई बिदाइ गर्न महानगरपालिकाका मेयर भीम पराजुली आफैं पुगेका थिए ।
स्थानीय तहले संकलन गरेका स्वाब प्रदेशको ल्याबमै थुप्रिन थालेपछि विराटनगर महानगरलाई आफ्नै ल्याब सञ्चालन गर्न दबाब परेको थियो । “अब आफ्नै मेसिनबाट चाँडो नतिजा आउने गरी प्रक्रियासमेत थालेका छौं, एउटा मेसिन आइसकेको छ,” मेयर पराजुलीले भने, “एउटा पीसीआर मेसिन र चाँडो रिजल्ट दिने अर्को मेसिन खरिद गर्दै छौं । आज बेलुका पीसीआर मेसिन आइपुग्छ । चिकित्सकको परामर्श समितिले नै मेसिन छनोट गरी प्रक्रियागत रुपमा खरिद गरेका हौं ।” कोसी अस्पतालभित्रकै ल्याबमा दुवै मेसिन राख्ने र सञ्चालन गर्ने विषयमा सहमति हुने मेयर पराजुलीले बताएका छन् ।
महानगरले संकलन गरेका स्वाब त्यहीं परीक्षण तथा चाँडो नतिजा दिलाउने प्रबन्ध गर्दै छ । महानगरका चिकित्सक तथा स्वास्थ्यकर्मीले संकलन गरेको स्वाबको नतिजा पाउन अब पाँच दिनसम्म पर्खनुपर्ने अवस्था नरहने मेयर पराजुलीले सुनाए । चिकित्सक कामना शर्मा र सुशील तपडियासहितको परामर्श समूहले महानगरलाई मेसिनको विषयमा सुझाव दिएका थिए ।
मेसिन खरिद गर्न विराटनगरका उद्योगी तथा व्यवसायीले संस्थागत र व्यक्तिगत रुपमा समेत ७ लाख रुपैयाँसम्म सहयोग गरेका छन् । ल्याबको संरचना तयार गर्न विराटनगर महानगरपालिकाले कोसी अस्पताललाई २५ लाख रुपैयाँ उपलब्ध गराएको थियो । महानगरले खरिद गरेको मेसिन २८ लाख रुपैयाँ र थप भ्याटको हो । महानगरलाई मेसिन खरिद गर्न मोरङ व्यापार संघ, उद्योग संगठन मोरङ, उद्योगी तुलसीराम अग्रवाल, राजेन्द्र राउत, प्रदीप मुरारका, गोल्छा हाउस, प्रदेश सांसद केदार कार्की, कांग्रेस नगरका कार्यवाहक सभापति अरुण न्यौपानेलगायतले आर्थिक सहयोग गरेका छन् ।
स्थानीय तहबाट प्रदेश जनस्वास्थ्य प्रयोगशाला र कोसीमा पठाइएको स्वाबको नतिजा पाँचदेखि ६ दिनसम्म नआउँदा कन्ट्याक्ट ट्रेसिङमा परी नमुना दिएका तथा अन्यलाई समेत तनाव हुने गरेको छ । आज रातिदेखि विराटनगरमा लकडाउन सकिँदै छ । यस विषयमा समेत थप बैठक बेसर निर्णय हुने बताइएको छ ।
गत जेठ ५ गते विराटनगरको कोसी कोभिड-१९ उपचार केन्द्रमा २५० शय्या क्षमता पुर्याउने तयारी सरकारले गरेको थियो । एक करोड रुपैयाँमा कामसमेत सुरु भएको थियो । तर, सामाजिक विकास मन्त्रालयले गर्ने कि भौतिक पूर्वाधार मन्त्रालयले गर्ने भन्ने अन्योल देखिँदा काम भने सम्पन्न भएको छैन ।
सामाजिक विकास मन्त्रालयले बिहीबारबाट भने दुई भेन्टिलेटर जडान भई सञ्चालनमा आएको जनाएको छ । यसैगरी आईसीयूसमेत सञ्चालन भएको जनाइएको छ । निजी क्षेत्रले तीन महिनाअघि भेन्टिलेटर सहयोग गरेका थिए ।
एकजना बिरामीलाई भेन्टिलेटर र आईसीयूको सुविधा नदिइँदा मृत्यु भएको भन्दै परिवारले उच्च अदालत विराटनगरमा रिट दिएपछि अदालतले उपचारमा भएका प्रगतिको र व्यवस्थापनको सबै विवरण अदालतमा पेस गर्न प्रदेश सरकारलाई आदेश दिएको छ ।
Comments
अरु समाचार
-
धनकुटाको हिलेमा आजदेखि खाना महोत्सव
धनकुटा, ५ वैशाख: पर्यटन प्रवर्द्धनको माध्यमबाट आर्थिक गतिविधि बढाउन धनकुटाको व्यापारिक केन्द्र हिले बजारमा आजदेखि पाँच दिने तेस्रो खाना महोत्सव...
-
इलामको माइजोगमाईमा साना सिँचाइ कार्यक्रम सुरु
काठमाडौं । जिल्लाको माइजोगमाई गाउँपालिकामा खेतीयोग्य जमिनमा सिँचाइ पुयाउने उद्देश्यले सञ्चालित ‘साना सिँचाइ कार्यक्रम’ले पूर्वाधार निर्माणको कामलाई तीव्रता दिएको छ...
-
दमकस्थित लाइफलाइन अस्पतालको भवनमा आगलागी
२८ चैत, दमक । दमकस्थित लाइफलाइन अस्पताल नजिक मङ्गलबार राति आगलागी हुँदा दुई करोडभन्दा बढीको क्षति भएको छ । अस्पताल...
-
सुहाङले इलाम-२ मा ५ हजार मत अन्तरले जित्ने दावी
झापा । कोशी प्रदेशका पूर्व मुख्यमन्त्री एवम् नेकपा एमालेका नेता हिक्मत कार्कीले इलाम–२ को उपनिर्वाचनमा सुहाङ नेम्बाङले करिव ४ देखि...
-
खोटाङमा सञ्चालित बृहत् स्वास्थ्य शिविरबाट छ हजार लाभान्वित
काठमाडौं । खोटाङ सेवा समाजले आयोजना गरेको बृहत् स्वास्थ्य शिविर शुक्रबार साँझ सम्पन्न भएको छ । ‘जन्मभूमिको सम्मान, स्वास्थ्य श्रमदान...
-
गुराँसको राजधानी टिएमजे मनमोहक (फोटो फिचर)
गुराँसको राजधानी तिनजुरे-मिल्के-जलजले यतिबेला मनमोहक देखिएको छ । यस वर्षको सिजनको फुल लालीगुराँस फुलले टीएमजे क्षेत्र मनमोहक देखिएको हो। विशेषगरि ...
-
खाँदबारी–किमाथाङ्का सडकको साढे छ किलोमिटर ट्रयाक खुल्यो
काठमाडौं । राष्ट्रिय गौरवको किमाथाङ्का–खाँदबारी सडकको साढे छ किलोमिटर मार्ग (ट्रयाक) खोलिएको छ । भौगोलिक हिसाबले विकट मानिएको किमाथाङ्का–खाँदबारी सडकको...
-
इलाम–२ मा एमालेका सुहाङलाई माओवादी केन्द्रले सघाउने
काठमाडौं । इलाम–२ को उपनिर्वाचनमा नेकपा एमालेका उम्मेदवार सुहाङ नेम्वाङलाई नेकपा माओवादी केन्द्रले सघाउने भएको छ । माओवादी केन्द्रबाट उम्मेदवारका...
-
विद्यार्थीलाई उत्प्रेरित गर्न पाँच लाखको अक्षयकोष स्थापना
काठमाडौं । दिक्तेल रुपाकोट मझुवागढी नगरपालिका–३ बाम्राङका दलसेर राई र उनकी श्रीमती चामकुमारी राईका छोराछोरीले जिल्लाको बाम्राङस्थित सुर्केडाँडा आधारभूत विद्यालयमा...