ताजा समाचार

हरिबहादुरसँगको घम्साघम्सीमा मारियो चितुवा

गण्डकी प्रदेश
- न्युज-नेपाल
       

काठमाडाैँ । बेंसीशहर नगरपालिका–९ स्थित साम्दी थापा गाउँमा आइतबार बिहान मानिससँगको भिडन्तमा एक चितुवा मारिएको छ।

बिहान ६ बजेतिर गाउँ पसेर बालकमाथि आक्रमण गर्न खोजेपछि ६३ वर्षीय हरिबहादुर थापाले हँसिया प्रहार गर्दा चितुवा मारिएको हो।

थापा र चितुवाबीच केही बेर घम्साघम्सी नै परेको थियो। भिडन्तमा थापा घाइते भएको प्रमुख जिल्ला अधिकारी कृष्णप्रसाद शर्माले जानकारी दिए।

अहिले घाइतेको प्रारम्भिक उपचार लमजुङ सामुदायिक अस्पतालमा भइरहेको बताइएको छ। मृत चितुवा डिभिजन वन कार्यालय लमजुङलाई बुझाइएको छ।

‘वन ऐनअनुरुप उहाँहरुले त्यसको व्यवस्थापन गर्नुहुनेछ’, प्रजिअ शर्माले भने।

Comments

प्रकाशित मिति : 2020-08-23

अरु समाचार

© NewsNepal 2018 - All Right Reserved.
newsnepal.com 2017.hlon.org