बालुवाटारमा ओली-देउवाको खासखुसः ‘बाग्मतीमा बानियाँलाई मुख्यमन्त्री, प्रदेश १ मा राईलाई निरन्तरता’
काठमाडाैँ । नेकपा विभाजनले प्रदेश सरकारको समीकरण फेरबदल हुनसक्ने चर्चा चलिरहेका बेला प्रधानमन्त्री केपी ओली र नेपाली कांग्रेसका सभापति शेरबहादुर देउवाबीच सहकार्यको समझदारी जुटेको बताइएको छ ।
‘बाग्मतीमा इन्द्र बानियाँलाई मुख्यमन्त्री बनाउने र १ नम्बर प्रदेशमा शेरधनलाई निरन्तरता दिन ओली-देउवाबीच समझदारी जुटेको हो । तर,देउवालाई यसवारे, पार्टीबाट निर्णय गराउन सजिलो छैन ।’
कांग्रेस उच्च स्रोतले दिएको जानकारीअनुसार ओली र देउवाबीच तत्काल प्रदेश १ र बाग्मती प्रदेशमा मिलेर सरकार बनाउने समझदारी जुटेको हो । यी दुवै प्रदेशमा नेकपाको प्रचण्ड-माधव पक्षले अविश्वासको प्रस्ताव दर्ता गराएको छ । प्रदेशसभाको समीकरण हेर्दा कांग्रेस जता उभियो नतिजा त्यसैको पक्षमा जाने अवस्था छ । स्रोतका अनुसार अविश्वासको प्रस्ताव असफल गराउन र संयुक्त सरकार बनाउन दुवै नेता सहमत भैसकेका थिए । तर,आजका निम्ति सारिएको केन्द्रीय समिति बैठक सभापतिको इच्छाअनुरुप अघि नबढ्ने स्थिति बन्दैछ ।
‘एक नम्बर प्रदेशमा केपी ओलीले छाड्न नमानेको र बाग्मतीमा देउवाले छाड्न नमानेको कुरो बुझिएको छ’, स्रोतले भन्यो, ‘बाग्मतीमा इन्द्र बानियाँलाई मुख्यमन्त्री बनाउने र १ नम्बर प्रदेशमा शेरधनलाई निरन्तरता दिन ओली-देउवाबीच समझदारी जुटेको हो । तर,देउवालाई यसवारे, पार्टीबाट निर्णय गराउन सजिलो छैन ।’
यहि रणनीतिअनुसार नै देउवाले प्रदेश सरकारबारे निर्णय गर्ने अधिकार प्रदेश संसदीय दललाई नै दिन चाहेको स्रोतको भनाइ छ । बरिष्ठ नेता पौडेल,महामन्त्री सशाँक र सिटौला पक्षले नमानेका कारण नै पार्टीबाट निर्णय हुन नसकेको बताइएको छ ।
सडक हाम्रो नहुने भो,सत्ता पनि हाम्रो नहुने भो। सरकारमा वामपन्थी,सडकमा वामपन्थी, प्रतिपक्ष पनि वामपन्थी,प्रदेशमा वामपन्थी,प्रतिपक्ष पनि वामपन्थी ।’
प्रतिनिधिसभा विघटनपछि विकसित घटनाक्रम र कांग्रेसको आन्दोलनलाई लिएर नेता-कार्यकर्ताले सभापति देउवाको आलोचना गर्ने गरेका छन् । शुरुमा आन्दोलनमा जान नचाहेका देउवा बरिष्ठ नेता रामचन्द्र पौडेल पक्षलगायतको अडानका कारण सडकमा ओर्लन बाध्य भएका थिए।
‘कार्यकर्तालाई आन्दोलन गर्न सडकमा पठाएर देउवा सत्ता साझेदारीका लागि बालुवाटार पुग्नु भएको हो भने त्योभन्दा विडम्बना कांग्रेसका लागि के हुन्छ ?’, चिन्ता व्यक्त गर्दै स्रोतले भन्यो, ‘बरु यसले कांग्रेसको भागमा न सत्ता,न सडक हुने स्थिति बन्छ ।’
सभापति देउवामाथि कांग्रेसलाई कमजोर बनाएको पार्टीभित्रै आरोप छ । मुलुक अप्ठेरो अवस्थामा पुगेका बेलासमेत सत्ताको भागबण्डामा लागेको भन्दै बरिष्ठ नेता पौडेललगायतका नेताहरुले सार्वजनिक रुपमै देउवाको आलोचना गर्नुभएको छ ।
केही दिनअघि विराटनगर पुगेर पौडेलले ओलीलाई तह लगाउन यो देशमा एउटा बलियो प्रतिपक्षको आवश्यकता परेको छ भन्नुले पनि देउवा र ओलीबीच सहमति भएको संकेत गर्छ ।
त्यसैले त कांग्रेसका इमान्दार कार्यकर्तालाई चिन्ता छ, ‘सडक हाम्रो नहुने भो,सत्ता पनि हाम्रो नहुने भो। सरकारमा वामपन्थी,सडकमा वामपन्थी, प्रतिपक्ष पनि वामपन्थी,प्रदेशमा वामपन्थी,प्रतिपक्ष पनि वामपन्थी ।’
देउवाको यस्तै दोधारे नीतिका कारण लोकतन्त्र,गणतन्त्रलाई फेरि लयमा फर्काउन वर्षौं लाग्ने भन्दै पौडेल पक्षका एक नेता भन्छन्, ‘त्यसको मूल्य देउवालाई त महँगो पर्छ नै,कांग्रेसकै लागि पनि अबको बाटो सहज छैन ।’
Comments
अरु समाचार
-
धनकुटाको हिलेमा आजदेखि खाना महोत्सव
धनकुटा, ५ वैशाख: पर्यटन प्रवर्द्धनको माध्यमबाट आर्थिक गतिविधि बढाउन धनकुटाको व्यापारिक केन्द्र हिले बजारमा आजदेखि पाँच दिने तेस्रो खाना महोत्सव...
-
इलामको माइजोगमाईमा साना सिँचाइ कार्यक्रम सुरु
काठमाडौं । जिल्लाको माइजोगमाई गाउँपालिकामा खेतीयोग्य जमिनमा सिँचाइ पुयाउने उद्देश्यले सञ्चालित ‘साना सिँचाइ कार्यक्रम’ले पूर्वाधार निर्माणको कामलाई तीव्रता दिएको छ...
-
दमकस्थित लाइफलाइन अस्पतालको भवनमा आगलागी
२८ चैत, दमक । दमकस्थित लाइफलाइन अस्पताल नजिक मङ्गलबार राति आगलागी हुँदा दुई करोडभन्दा बढीको क्षति भएको छ । अस्पताल...
-
सुहाङले इलाम-२ मा ५ हजार मत अन्तरले जित्ने दावी
झापा । कोशी प्रदेशका पूर्व मुख्यमन्त्री एवम् नेकपा एमालेका नेता हिक्मत कार्कीले इलाम–२ को उपनिर्वाचनमा सुहाङ नेम्बाङले करिव ४ देखि...
-
खोटाङमा सञ्चालित बृहत् स्वास्थ्य शिविरबाट छ हजार लाभान्वित
काठमाडौं । खोटाङ सेवा समाजले आयोजना गरेको बृहत् स्वास्थ्य शिविर शुक्रबार साँझ सम्पन्न भएको छ । ‘जन्मभूमिको सम्मान, स्वास्थ्य श्रमदान...
-
गुराँसको राजधानी टिएमजे मनमोहक (फोटो फिचर)
गुराँसको राजधानी तिनजुरे-मिल्के-जलजले यतिबेला मनमोहक देखिएको छ । यस वर्षको सिजनको फुल लालीगुराँस फुलले टीएमजे क्षेत्र मनमोहक देखिएको हो। विशेषगरि ...
-
खाँदबारी–किमाथाङ्का सडकको साढे छ किलोमिटर ट्रयाक खुल्यो
काठमाडौं । राष्ट्रिय गौरवको किमाथाङ्का–खाँदबारी सडकको साढे छ किलोमिटर मार्ग (ट्रयाक) खोलिएको छ । भौगोलिक हिसाबले विकट मानिएको किमाथाङ्का–खाँदबारी सडकको...
-
इलाम–२ मा एमालेका सुहाङलाई माओवादी केन्द्रले सघाउने
काठमाडौं । इलाम–२ को उपनिर्वाचनमा नेकपा एमालेका उम्मेदवार सुहाङ नेम्वाङलाई नेकपा माओवादी केन्द्रले सघाउने भएको छ । माओवादी केन्द्रबाट उम्मेदवारका...
-
विद्यार्थीलाई उत्प्रेरित गर्न पाँच लाखको अक्षयकोष स्थापना
काठमाडौं । दिक्तेल रुपाकोट मझुवागढी नगरपालिका–३ बाम्राङका दलसेर राई र उनकी श्रीमती चामकुमारी राईका छोराछोरीले जिल्लाको बाम्राङस्थित सुर्केडाँडा आधारभूत विद्यालयमा...