सरकारपक्षीय नेकपाको पूर्ववत् अडानबीच आज प्रदेश १ को प्रदेशसभा बैठक
विराटनगर । सरकारपक्षीय नेकपाको पूर्ववत् अडानबीच आज प्रदेश १ को प्रदेशसभा बैठक डाकिएको छ ।
माघ २५ गतेको बैठकको कार्यसूचीमा मुख्यमन्त्री शेरधन राईविरुद्धको अविश्वास प्रस्ताव टेबुल हुन नपाई प्रदेशसभा बैठक आज आइतबारका लागि तोकिएको थियो । सभामुख प्रदीपकुमार भण्डारीले अविश्वासको प्रस्ताव टेबुल हुने कार्यसूची लिएर बैठक सुरु गरेर त्यसलाई टेबुल नै नगराई हठात रुपमा स्थगन गरेका थिए । प्रदेशसभाको बैठक सुरु हुनासाथ सत्तापक्षीय नेकपाका प्रमुख सचेतक बुद्धिकुमार राजभण्डारीले संसदीय दलले कारबाही गरेका प्रचण्ड-नेपाल समूहका सांसद्लाई कारबाही गर्न सभामुखको ध्यानाकर्षण गराएका थिए ।
अविश्वासको प्रस्ताव टेबुल भई प्रक्रियामा लगेर संसद् बैठक सुचारु गर्नुपर्नेमा प्रमुख विपक्षी कांग्रेससमेत सकारात्मक भएपछि सत्तासीन नेकपाले बैठक टार्ने र चल्नै नदिने रणनीति लिएको छ । नेकपाका प्रमुख सचेतक राजभण्डारीले संसदीय दलको विधानविपरीत आफ्नै दलका नेता तथा मुख्यमन्त्रीविरुद्ध अभियान चलाउने सांसदलाई निलम्बन गरिएकाले बैठकमा सहभागी हुन दिन नहुने आफूहरूको अडान रहेको बताउँछन् ।
यता, प्रमुख विपक्षी नेपाली कांग्रेसका प्रमुख सचेतक केदार कार्कीले दलको विवादलाई प्रदेशसभामा ल्याएर संसद्लाई नै बन्धक बनाउनु उपयुक्त नभएको टिप्पणी गर्छन् । भन्छन्, “प्रदेशसभा बैठक सञ्चालन हुनुपर्छ । बन्धक बनाउन पाइँदैन । जे हुन्छ त्यहिँभित्र हुन्छ ।” सत्तापक्षले नै संसद बैठक सञ्चालन हुन नदिनु उदेकलाग्दो भएको कार्कीको कथन छ ।
मुख्यमन्त्री शेरधन राईले विराटनगरको एक टेलिभिजनमा अन्तर्वार्ता दिँदै प्रदेशसभा नै विघटनसमेत हुन सक्ने चेतावनीसमेत दिएका छन् ।
यसको प्रतिउत्तरमा नेकपाका प्रचण्ड-नेपाल समूहबाट मुख्यमन्त्री प्रस्ताव गरिएका नेता भीम आचार्यले संघीय राजधानी काठमाडौंमा पत्रकार सम्मेलन गरी मुख्यमन्त्री राईले प्रदेशसभा विघटन नै गर्न नसक्ने र सके गरेर देखाउन चुनौती दिएका छन् ।
Comments
अरु समाचार
-
धनकुटाको हिलेमा आजदेखि खाना महोत्सव
धनकुटा, ५ वैशाख: पर्यटन प्रवर्द्धनको माध्यमबाट आर्थिक गतिविधि बढाउन धनकुटाको व्यापारिक केन्द्र हिले बजारमा आजदेखि पाँच दिने तेस्रो खाना महोत्सव...
-
इलामको माइजोगमाईमा साना सिँचाइ कार्यक्रम सुरु
काठमाडौं । जिल्लाको माइजोगमाई गाउँपालिकामा खेतीयोग्य जमिनमा सिँचाइ पुयाउने उद्देश्यले सञ्चालित ‘साना सिँचाइ कार्यक्रम’ले पूर्वाधार निर्माणको कामलाई तीव्रता दिएको छ...
-
दमकस्थित लाइफलाइन अस्पतालको भवनमा आगलागी
२८ चैत, दमक । दमकस्थित लाइफलाइन अस्पताल नजिक मङ्गलबार राति आगलागी हुँदा दुई करोडभन्दा बढीको क्षति भएको छ । अस्पताल...
-
सुहाङले इलाम-२ मा ५ हजार मत अन्तरले जित्ने दावी
झापा । कोशी प्रदेशका पूर्व मुख्यमन्त्री एवम् नेकपा एमालेका नेता हिक्मत कार्कीले इलाम–२ को उपनिर्वाचनमा सुहाङ नेम्बाङले करिव ४ देखि...
-
खोटाङमा सञ्चालित बृहत् स्वास्थ्य शिविरबाट छ हजार लाभान्वित
काठमाडौं । खोटाङ सेवा समाजले आयोजना गरेको बृहत् स्वास्थ्य शिविर शुक्रबार साँझ सम्पन्न भएको छ । ‘जन्मभूमिको सम्मान, स्वास्थ्य श्रमदान...
-
गुराँसको राजधानी टिएमजे मनमोहक (फोटो फिचर)
गुराँसको राजधानी तिनजुरे-मिल्के-जलजले यतिबेला मनमोहक देखिएको छ । यस वर्षको सिजनको फुल लालीगुराँस फुलले टीएमजे क्षेत्र मनमोहक देखिएको हो। विशेषगरि ...
-
खाँदबारी–किमाथाङ्का सडकको साढे छ किलोमिटर ट्रयाक खुल्यो
काठमाडौं । राष्ट्रिय गौरवको किमाथाङ्का–खाँदबारी सडकको साढे छ किलोमिटर मार्ग (ट्रयाक) खोलिएको छ । भौगोलिक हिसाबले विकट मानिएको किमाथाङ्का–खाँदबारी सडकको...
-
इलाम–२ मा एमालेका सुहाङलाई माओवादी केन्द्रले सघाउने
काठमाडौं । इलाम–२ को उपनिर्वाचनमा नेकपा एमालेका उम्मेदवार सुहाङ नेम्वाङलाई नेकपा माओवादी केन्द्रले सघाउने भएको छ । माओवादी केन्द्रबाट उम्मेदवारका...
-
विद्यार्थीलाई उत्प्रेरित गर्न पाँच लाखको अक्षयकोष स्थापना
काठमाडौं । दिक्तेल रुपाकोट मझुवागढी नगरपालिका–३ बाम्राङका दलसेर राई र उनकी श्रीमती चामकुमारी राईका छोराछोरीले जिल्लाको बाम्राङस्थित सुर्केडाँडा आधारभूत विद्यालयमा...