पारा तेक्वान्दो टोली पोल्यान्डतर्फ

खेलकुद

काठमाडौँ, २८ भदौ । पाँचौं युरोपियन पारा तेक्वान्दो च्याम्पियनसिपमा सहभागी हुन दुई महिला खेलाडीसहित चार सदस्यीय नेपाली टोली आज पोल्यान्डको वार्सा प्रस्थान गरेको छ ।

आगामी भदौ ३१ देखि असोज १ गतेसम्म हुने प्रतियोगिताअन्तर्गत के–४४ समूहको ४०–५० केजीमा रञ्जना धामी र ५०–६० केजीमा सीता भण्डारीले प्रतिस्पर्धा गर्नेछन् । दुवै खेलाडीले भदौ ३१ गते खेल्नेछन् ।

टोलीको प्रशिक्षकमा कल्याण कुँवर तथा व्यवस्थापकमा दीपक विष्ट रहेका छन् । टोलीलाई राष्ट्रिय खेलकुद परिषद्का सदस्य–सचिव केशवकुमार विष्टले एक कार्यक्रमबीच बिदाइ गर्नुभयो ।

अरुणिमा र विट्स फाइनलमा

आयोजक अरुणिमा र विट्स एकेडेमी प्रथम अरुणिमा कप सिक्स ए साइड अन्तरविद्यालय छात्र फुटबल प्रतियोगितामा फाइनलमा प्रवेश गरेका छन् ।

आज यहाँ भएको खेलमा अरुणिमाले काठमाडौँ इन्टरनेसनललाई ४–० गोलअन्तरले पराजित ग¥यो । विजेताका दीपेश सेढाईंले २ तथा भाष्कर थापा र माणिक लामाले १–१ गोल गरे ।

अर्को सेमिफाइनलमा विट्सले रिम्सलाई ५–३ गोलअन्तरले हरायो । विट्सका अशोक मगरले २ तथा सुजित चौधरी र आयुश तामाङले १–१ गोल गरे । एक गोल आत्माघाती रह्यो । रिम्सबाट आयुश खड्काले २ तथा कृश कार्कीले १ गोल फर्काए । फाइनल बुधबार हुनेछ । रासस

Comments

प्रकाशित मिति : 2016-09-13

पारा तेक्वान्दो टोली पोल्यान्डतर्फ

Comments

अरु समाचार