फेस्टिभलमा नेपालका १९ फिल्मको सहभागिता
काठमाडौं- अखिल नेपाल चलचित्रकर्मी संघको आयोजनामा आगामी २७ पुषबाट माघ २ सम्म धरानमा हुने ‘इन्टरनेशलन फिल्म फेस्टिबल अफ नेपाल–२०१७’ (इफोन) मा विभिन्न १६ देशका ४८ ओटा चलचित्र चयन भएका छन्।
अखिल नेपालच चलचित्रकर्मी संघको आयोजनामा हुन लागेको यो फेस्टिबलमा नेपालबाट अन्तर्राष्ट्रिय र नेपाल पानोरमामा गरी चलचित्र, बृत्तचित्र र लघु चलचित्र गरी १९ ओटा फिल्म चयन भएको महोत्सब संयोजक केपी पाठकले जानकारी गराए। जस अन्तर्गत अन्तर्राष्ट्रिय कम्पिटिसन अन्तर्गत फिक्सन फिभरमा नेपालबाट मिन भाम निर्देशित ‘कालो पोथी’ र मनोज पण्डित निर्देशित ‘छायाँ’ परेको छ।
यस्तै डकुमेन्ट्री तर्फ अन्तर्राष्ट्रिय प्रतिस्पर्धामा नेपालबाट दुई ओटा वृत्तचित्र परेका छन्। अन्तर्राष्ट्रिय महोत्सवमा दर्जन भन्दा बढी अवार्ड जितेको गणेश पाण्डे निर्देशित वृत्तचित्र ‘भाग्यले बाँचेकाहरु’ र भोजराज भाट निर्देशित वृत्तचित्र ‘सुनकली’ चयन भएको पनि संयोजक पाठकले जनाए।
नेपाल पानोरमा तर्फ फिल्म विधामा हिमग्यापी टासी निर्देशित नवल खड्काको फिल्म ‘भिमदत्त’, अरुण प्रधान निर्देशित पहिलो याख्खा भाषाको फिल्म ओम्ला, दिनेश पाल्पाली निर्देशित फिल्म बालकृष्ण सम चयन भएका छन्।
नेपाल पानोरमा अन्तर्गत वृत्तचित्रको प्रतिस्पर्धामा सचिन घिमिरे र गौरब केसी निर्देशित मानवशास्त्री डोरबहादुर बिष्टको जीवनीमा आधारित वृत्तचित्र ‘म अलप हुन चाहन्छु’ चयन भएको छ। यो वृत्तचित्र महोत्सवको उद्घाटन समारोहमा प्रदर्शन गरिने भएको छ। यस्तै रामबहादुर रसाईली निर्देशित अपाङको पीडा, दिनेश खड्गी शाही निर्देशित ‘लाईफ डजन्ट रिवाईन्ड’ वृत्तचित्र पनि यो प्रतिस्पर्धामा रहेको छ। अखण्ड भण्डारी निर्देशित चेपाङ समुदायको जीवनीमा आधारित वृत्तचित्र ‘द केभ स्माइल’ अप्रतिस्पर्धी विधामा परेको छ।
नेपाल पानोरमाकै लघु फिल्मको प्रतिस्पर्धामा सुसन प्रजापति निर्देशित ‘लाज’, कला संग्रौला निर्देशित ‘बुट्टेजामा’, प्रशन्न माली निर्देशित ‘तिर्खा’, भिम विश्वकर्मा निर्देशित ‘शून्य’, राकेश महर्जन निर्देशित ‘कल्ली’, सुवास गजुरेल निर्देशित ‘हरेरामकी आमा’, सेनामा ग्याङजो तामाङ निर्देशित ‘झा लो’, प्रेम राउत र सागर बिक्रम कडरी निर्देशित ‘डोम समाज’ यो फेस्टिभलमा चयन भएका छन्।
महोत्सबको उद्घाटन आगामी २७ पुस बिहान १० बजे विपि कोईराला स्वास्थ्य विज्ञान प्रतिष्ठान धरानको प्रेक्षालयमा हुनेछ। फेस्टिभल ५ दिनसम्म चल्नेछ।
Comments
अरु समाचार
-
‘जानकी साहित्यिक पुरस्कार’ भण्डारीलाई
काठमाडौं । विक्रम संवत् २०८० को जानकी साहित्यिक पुरस्कार गुल्मीका साहित्यकार ठाकुर शर्माभण्डारीलाई प्रदान गरिने भएको छ । ‘जानकी प्रतिष्ठान’...
-
नेपथ्यको नयाँ वर्ष स्वागत पूर्वेली सहर बिर्तामोडबाट
काठमाडौं । बिक्रम सम्वत २०८१ को पहिलो सूर्योदयभन्दा अघिल्लो साँझ नेपथ्य पूर्वी नेपालको बिर्तामोडमा प्रस्तुत हुने भएको छ । झापा...
-
डा. अनिलको पुस्तक बिक्रीबाट प्राप्त रकमबाट देशैभर छात्रवृत्ति प्रदान गरिने
काठमाडौं । मुटुरोग विशेषज्ञ डा.ओम मूर्ति अनिलद्वारा लिखित ‘जीवन्त सम्बन्ध’ बिक्रीबाट प्राप्त रकम देशका ७७ जिल्लाका गरिब तथा जेहेन्दार विद्यार्थीलाई...
-
गायक रवि ओडविरुद्ध पत्नीले हालिन् बलात्कारको जाहेरी, पक्राउ पुर्जी जारी
काठमाडाैँ । गायक रवि ओडविरुद्ध उनकी श्रीमतीले वैवाहिक बलात्कारको आरोपमा प्रहरीमा जाहेरी दिएकी छन्। उनले इलाका प्रहरी कार्यालय झलारीमा जाहेरी...
-
राजेशपायल राई रिहा
काठमाडौं । गायक राजेशपायल राई रिहा भएका छन् । गएराति २ बजे काठमाडौंको मदनभण्डारी कलेजनजिकैबाट मदिरा पिएर हो–हल्ला गरेको आरोपमा...
-
कविद्वय ठाकुर बेलबासे र खेमनाथ दाहाललाई ‘व्यथित काव्य सम्मान-२०८०’
काठमाडौं । साहित्यिक पत्रकार सङ्घले कवि ठाकुर बेलबासे र कवि खेमनाथ दाहाललाई ‘व्यथित काव्य सम्मान-२०८०’ प्रदान गर्ने भएको छ।...
-
षड्यन्त्र र घेराबन्दी गरिएको भन्दै ‘काँडेतार’ चलचित्र कुनै पनि हलमा नचलाउने घोषणा
काठमाडौ । शुक्रबारबाट प्रदर्शनमा आएको नेपाली चलचित्र ‘काँडेतार’को निर्माण पक्षले देशैभरिका सिनेमा हलमा आजैदेखि आफ्नो चलचित्र नचलाउने निर्णय लिएको छ।...
-
इलामको रमणीय पाखामा नेपथ्य गुञ्जदै
काठमाडौं । सात दसकअघि मुलुकका मूर्धन्य साहित्यकारहरु भेलाभएर इतिहास रचेको पूर्वी नेपालको एउटा रमणीय मैदानमा आउँदो साता नेपाली लोकरक भाका...
-
मुस्ताङका तीन गाउँले थकालीले ‘त्युङ्ला पर्व’ मनाए (फाेटाेफिचर)
काठमाडौं । काठमाडौंमा मुस्ताङका तीन गाउँले थकालीले त्युङ्ला पर्व मनाएका छन् । काठमाडाैँकाे स्वयम्भु स्थित तीन गाउँले थकाली सेवा समाजकाे...