संसदमा किन बस्दैनन् सांसद ?
काठमाडौं, २६ पुस । संसद् बैठकमा सोमबार चार सय चार सांसदले हाजिर गरेका थिए । तर, स्थानीय तह निर्वाचनसँग सम्बन्धित महत्वपूर्ण विधेयकमाथि विचार गरियोस् भनी स्वीकृतिका लागि प्रस्तुत गर्दा संसद्मा गणपूरक संख्या नै पुगेन । नेमकिपाका सांसद डिल्ली काफ्लेले गणपूरक संख्या अपुग रहेको भन्दै गणना गर्न माग गरेपछि कोरम नै पुगेन । त्यसवेला संसद् बैठक कक्षभित्र एक सय १६ सांसद मात्र उपस्थित थिए । दुई सय ८८ सांसद भने हाजिर गरेर ‘टाप’ कसिसकेका थिए । केही सांसद भने संसद् भवनबाहिर घाम तापेर गफिँदै थिए । लगातार १५ मिनेट घन्टी बजाइएपछि केही सांसद बैठक कक्षमा फर्किएका थिए । संसद्मा गणपूरक संख्या पुर्याउने दायित्व सत्तापक्षको भए पनि सत्तापक्षकै कतिपय सांसद हाजिर गर्ने र बाहिरिने गरेकाले पटक–पटक संसद् बैठकमा कोरम नपुग्ने गरेको छ ।
नियमित चल्यो संसद् १६ मंसिरदेखि लगातार अवरुद्ध हुँदै आएको संसद्को सोमबारको बैठक भने नियमित रूपमा चलेको छ । आइतबार प्रमुख प्रतिपक्षी दलको विरोधका बाबजुद पनि सरकारले संविधान संशोधन विधेयक पेस गर्नुपरेको थियो । तर, सोमबार भने विपक्षी पार्टीहरूको कुनै विरोध देखिएन । संसद् अन्य सामान्य वेलामा जस्तै नियमित चलेको थियो । सोमबारको संसद् बैठकले कार्यव्यवस्था परामर्श समितिका सदस्यहरूको नाम हेरफेरको प्रस्तावदेखि प्रत्यक्ष प्रश्नोत्तरसम्बन्धी आन्तरिक कार्यविधिसमेत अनुमोदन गरेको थियो ।
नियमित चल्यो संसद्
१६ मंसिरदेखि लगातार अवरुद्ध हुँदै आएको संसद्को सोमबारको बैठक भने नियमित रूपमा चलेको छ । आइतबार प्रमुख प्रतिपक्षी दलको विरोधका बाबजुद पनि सरकारले संविधान संशोधन विधेयक पेस गर्नुपरेको थियो । तर, सोमबार भने विपक्षी पार्टीहरूको कुनै विरोध देखिएन । संसद् अन्य सामान्य वेलामा जस्तै नियमित चलेको थियो । सोमबारको संसद् बैठकले कार्यव्यवस्था परामर्श समितिका सदस्यहरूको नाम हेरफेरको प्रस्तावदेखि प्रत्यक्ष प्रश्नोत्तरसम्बन्धी आन्तरिक कार्यविधिसमेत अनुमोदन गरेको थियो ।
स्थानीय तह निर्वाचन विधेयक स्वीकृत
सरकारले निर्वाचनका लागि संसद्मा पेस गरेको स्थानीय तह निर्वाचन विधेयक स्वीकृत भएको छ । विधेयकमाथिको सैद्धान्तिक छलफलपछि सोमबारबाट विधेयक संशोधनको प्रक्रियामा अगाडि बढेको छ । अब विधेयकमाथि सांसदहरूले आफूलाई लागेका विषयमा संशोधनका लागि समय पाउनेछन् । विधेयक स्वीकृतिका लागि सभामुखले प्रस्ताव पेस गर्दा संसद्मा सांसदहरूको गणपूरक संख्या नपुगेपछि केही बेर घन्टी बजाएर सांसदलाई बोलाउनुपरेको थियो । कानुन, न्याय तथा संसदीय मामिलामन्त्री अजयशंकर नायकले ‘स्थानीय तह निर्वाचन विधेयक, २०७३’ र ‘निर्वाचन (कसुर तथा सजाय) विधेयक, २०७३’ प्रस्तुत गरेका थिए । त्यसअघि स्वतन्त्र, निष्पक्ष र भयरहित वातावरणमा निर्वाचन सम्पन्न गर्न ती विधेयक आवश्यक भएको बताउँदै मन्त्री नायकले दुवै विधेयक सदनसमक्ष प्रस्तुत गर्न अनुमति मागेका थिए ।
भूकम्पपीडितलाई राहत दिन माग
संसद् बैठकमा कांग्रेस सांसद रामहरि खतिवडाले भूकम्पपीडितले पहिलो किस्ताको राहत रकम नै नपाएको गुनासो गरे । विशेष समयमा बोल्दै उनले अहिले कतिपय भूकम्पपीडितको पाल र खाने थाल नभएको भन्दै ४५ दिनभित्र राहत पु¥याउने सरकारको योजना कहिले कार्यान्वयन हुने भन्दै जिज्ञासा राखेका थिए । ‘प्रधानमन्त्रीले ४५ दिनभित्र राहत रकम पाउने बताउनुभएको थियो,’ खतिवडाले भने, ‘त्यो ४५ दिन कहिले पुग्छ भनेर भूकम्पपीडित आश गरेर बसिरहेका छन् ।’ उनले पुनर्निर्माण प्राधिकरणमा एक लाख ८० हजारभन्दा बढीले गुनासो गरेको भन्दै गुनासोको तत्कालै निक्र्योल गर्न पनि माग गरे । ‘गुनासो फर्म कहाँ छ ?’ खतिवडाको प्रश्न थियो, ‘प्राधिकरणले त्यसको निक्र्योल छिटो गरी राहत दिनुपर्छ ।’
दलित छात्रावास बनाउन माग
माओवादी केन्द्रका सांसद उमेश यादवले दलित र गैरदलितका बीचमा अझै विभेद रहेको भन्दै त्यस्तो विभेद हटाउन माग गरे । विद्यार्थीहरूको हकमा त्यस्तो विभेद चर्काे रहेको र बस्ने वाससमेत विद्यार्थीले नपाएको गुनासो गरे । उनले दलित विद्यार्थीले बस्ने ठाउँसमेत नपाएको भन्दै दलित छात्रावासको व्यवस्था गर्न सरकारसँग माग गरे ।
पृथ्वी जयन्तीमा सार्वजनिक बिदाको माग
राप्रपाका सांसद कुन्तीकुमारी शाहीले २७ पुसको पृथ्वी जयन्तीमा सरकारले सार्वजनिक बिदा दिनुपर्ने माग गरिन् । उनले सार्वभौमसत्ताको कुरा गर्ने नेपालीले आधुनिक नेपाल निर्माणमा योगदान पु्र्याएका पृथ्वीनारायण शाहको जन्मजयन्तीमा सार्वजनिक बिदा दिनुपर्ने जिकिर गरिन् । सदन, सरकार र संविधान निर्माणसम्म विदेशी हस्तक्षेप रहेको आरोप लागिरहेका वेला स्वाधीन नेपाल निर्माणमा योगदान पुर्याएका पृथ्वीनारायणको जन्मजयन्तीमा सार्वजनिक बिदा दिनुपर्ने उनको भनाइ थियो ।
माओवादीको ह्विप नै थियो ५४ को हाजिर, ३५ मात्र बैठकमा बसे
माओवादी केन्द्रका ८१ सांसद छन् । केन्द्रले आइतबार र सोमबारको संसद् बैठकमा अनिवार्य उपस्थित हुन आफ्ना सांसदलाई ह्विप जारी गरेको थियो । संसद्को हाजिरी पुस्तिकामा ५४ सांसदले हाजिर गरेको देखिएको छ । तर, बैठकमा विधेयक स्वीकृतका लागि निर्णयार्थ प्रस्तुत गर्ने वेला ३५ सांसद मात्र बैठक कक्षमा थिए । ‘पार्टीले ह्विप जारी गरेको थियो, सुरुमा ५४ जना हुनुहुन्थ्यो, पछि ३५ जना मात्र देखिनुभयो,’ माओवादी केन्द्रका मुख्य सचेतक टेकबहादुर बस्नेतले भने, ‘कतिपयले बिरामीका कारण सोधेर जानुभएको थियो, केहीले लापरबाही गर्नुभयो ।’ दलको ह्विप उल्लंघन गर्ने सांसदलाई अबको संसदीय दलको बैठकमा स्पष्टीकरण सोधेर कारबाही गरिने बस्नेतले बताए ।नयाँपत्रिकाबाट
Comments
अरु समाचार
-
आफ्ताब आलमलाई जन्मकैदको फैसला
रौतहट । जिल्ला अदालत रौतहटले कांग्रेस नेता मोहम्मद अफताब आलमलाई जन्मकैदको सजाय सुनाएको छ । बिहीबार न्यायाधीश मातृकाप्रसाद आचार्यको इजलासले...
-
कम्युनिस्ट आन्दोलनमा लागेका विद्यार्थीले मनमोहनको सादगीपूर्ण जीवनीबारे बुझ्नुपर्छ: ईश्वर पोखरेल
काठमाडाैँ । नेकपा एमालेका वरिष्ठ उपाध्यक्ष ईश्वर पोखरेलले मनमोहन अधिकारीलाई कम्युनिस्ट आन्दोलनको निरन्तरताको पर्यायका रूपमा बुझ्न आवश्यक रहेको बताएका छन्...
-
सरकारको स्थायित्वबारे चलाइएका हल्ला निराधार हुन्: विष्णु पौडेल
काठमाडाैँ । नेकपा एमाले उपाध्यक्ष विष्णु पौडेलले वर्तमान पुष्पकमल दाहाल प्रचण्ड नेतृवको सरकारको स्थायित्वबारे बजारमा चलाइएका हल्लाका पछि नलाग्न आग्रह...
-
अर्थमन्त्रीले पुनले लिए बजेटबारे ७ पूर्वअर्थमन्त्रीसँग सुझाव
काठमाडौं । अर्थमन्त्री वर्षमान पुन अनन्तले आगामी आर्थिक वर्ष २०८१/०८२ को बजेटबारे पूर्वअर्थमन्त्रीहरूसँग सुझाव लिएका छन्। अर्थमन्त्री पुनले बुधबार पूर्वअर्थमन्त्रीहरू...
-
उपनिर्वाचनका लागि आजदेखि प्रचारप्रसार गर्न नपाइने
काठमाडौं । यही वैशाख १५ गते हुने उपनिर्वाचनका लागि आजदेखि प्रचारप्रसार गर्न नपाइने भएको छ । निर्वाचन आयोगको कार्यतालिमा गएराति...
-
राष्ट्रपति पौडेलद्वारा कतारका अमिरको सम्मानमा रात्रिभोज आयोजना
काठमाडौं । राष्ट्रपति रामचन्द्र पौडेलले नेपालको दुईदिने राजकीय भ्रमणमा रहेका कतारका अमिर शेख तमिम विन हमाद अल थानीको सम्मानमा एक रात्रिभोजको...
-
निर्धारित समयभन्दा अगाडि नै कतारी राजा काठमाडौं आइपुगे
काठमाडौं । निर्धारित समयभन्दा एक घण्टा अगाडि नै कतारी राजा अमिर शेख तमीम बिन हमद अल थानी काठमाडौं आइपुगेका छन्...
-
नेकपा एसद्वारा स्थायी कमिटी बैठक आह्वान
काठमाडौं । नेपाल कम्युनिष्ट पार्टी (एकीकृत समाजवादी)ले यही वैशाख २६ गते स्थायी कमिटीको बैठक आह्वान गरेको छ ।महाधिवेशनको तयारी, पार्टी...
-
आज १८ औँ लोकतन्त्र दिवस,उपलब्धि हुँदाहुँदै पनि केही विकृत्ति
काठमाण्डौ । आज १८ औँ लोकतन्त्र दिवस विभिन्न कार्यक्रम गरी मनाइँदैछ । २०६३ वैशाख ११ गते तत्कालीन राजा ज्ञानेन्द्रले आन्दोलनरत...