खाँदवारी नगरपालिकामा थापाको मेयरमा चर्चा
प्रमुख दलहरु गाउँपालिका, नगरपालिका, उपमहानगरपालिका र महानगरपालिकामा मेयर, उपमेयर, वडाअध्यक्ष र सदस्यहरुको उम्मेद्वार छान्न व्यस्त छन् भने आकांक्षीहरु पार्टी शीर्ष नेताहरुको घर–दैलो धाउन थालेका छन् ।
यसैबीच संखुवासभा जिल्लाको सदरमुकाम (पूर्व शितलपाटी गाविस) हाल खाँदबारी नगरपालिकाका नेपाली काँग्रेसका होनाहार युवा नेता रामकुमार थापाको मेयर पदमा उम्मेद्वारीको व्यापक चर्चा छ ।
२०५६ सालदेखि काँग्रेस पार्टीमा आवद्ध भएर राजनीति सुरु गरेका थापाले राजनीतिमा दुई दशक विताउन लागिसकेका छन् । यो बीचमा अहोरात्र व्यक्तिगत स्वार्थभन्दा माथि उठेर पार्टीको हितमा काम गरिरहेका थापालाई नै मेयर पदमा उम्मेद्वारी दिन नेतालाई काँग्रेस कार्यकर्ताहरुले दवाब दिंदै आएका छन् । उनले उम्मेद्वारी पाए मात्र काँग्रेसले चुनाव जित्न सक्ने काँग्रेसका कार्यकर्ताहरु बताउँछन् । पार्टीमा उहाँ जस्तो क्षमतावान, लोकप्रिय र नेतृत्व कला भएका अरु कुनै छैनन् ।
२०५६ सालमा जनता माध्यमिक विद्यालयमा ईकाई अध्यक्ष भएका थापा त्यसपछि काँग्रेसको राजनीतिमा स्थापित भएका छन् । उनको नेतृत्वको कार्यशैलीलाई सबैले मन पराउँदै आएका छन् । नेविसंघको ईकाई अध्यक्ष हुँदा विद्यार्थीको हकहितका लागि थापाले धेरै काम गरेका थिए ।
उनले सयौंलाई काँग्रेस बनाएका थिए । वामपन्थीको गड बनेको जनता माध्यमिक विद्यालयमा उनले नै नेविसंघको गड बनाएका थिए । त्यसपछि नै काँग्रेसका नेताहरुले उनको कामको मुल्याङ्कन गर्दै २०५६ सालमा नेविसंघ जिल्ला समिति सदस्य बनाएका थिए । त्यसै गरी उनी ०५८ देखि ०६३ सालसम्म तरुण दलको संखुवासभाख जिल्ला कार्यसमितिको सदस्य भएर काँग्रेसको राजनीतिमा सकृय योगदान दिएका थिए ।
त्यस्तै प्रविणता प्रमाणपत्र (आइए) अध्ययन गर्न काठमाडौं आएका थापाले रत्नराज्यलक्ष्मी क्याम्पसमा स्ववियु सहसचिवमा उम्मेद्वारी दिएर नेविसंघलाई स्थापित गराएका थिए । पशुपति बहुमुखी क्याम्पस ईकाईको उपाध्यक्ष भएर पनि थापाले नेतृत्व गरिसकेका छन् । पशु्पति क्याम्पसको नेविसंघ अध्यक्ष तथा स्ववियु सभापतिमा कुन्दनराज काफ्लेको नेतृत्वमा रहेर २०६३ सालमा लोकतन्त्रलाई बहाली गर्न थापाको नेतृत्वदायी भुमिका रहेको थियो । थापाले पशुपति क्याम्पसबाटै समाजशास्त्रमा स्नातकोत्तर गरेका छन् ।
उनी नेविसंघको १३ औं महाधिवेशनमा सहमहामन्त्रीमा उठेका थिए । तर, नेताहरुले विभिन्न कारण देखाउँदै थापालाई उम्मेद्वारी फिर्ता लिन आग्रह गरे । उनले उम्मेद्वारी फिर्ता लिएर नैनसिंह महरलाई सहयोग गरे । अध्यक्ष बनाए । थापा नेपाली काँग्रेस संखुवासभा –काठमाडौं सम्पर्क समितिको सचिव हुँदै अहिले उपाध्यक्ष भएर काम गरिरहेका छन् ।शुसिल कोइराला पार्टी सभापति हुँदा थापाले नेपाली काँग्रेस शितलपाटी गाउँ कार्य समितिको पार्टी सचिव भएर काम पनि गरेका थिए ।
अहिले मेयरको उम्मेद्वारी दिनुको कारण देखाउँदै थापाले निरन्तर काँग्रेस कार्यकर्ता भएर पार्टीलाई सहयोग गरेको बताएका छन् । उनले उम्मेद्वारी पाए सजिलै चुनाव जित्ने सम्भावना पनि अधिक रहेको हुनाले आफूले उम्मेद्वारी पाउने दाबी गरेका छन् । थापाले उम्मेद्वारी पाए यस नगरपालिकाका नेकपा एमाले, माओवादी केन्द्र लगायतका अन्य दलले समेत मेयरमा उनलाई समर्थन गर्ने आश्वासन दिएका छन् ।
उनले भने, ‘मलाई चुनाव जित्न गाह्रो छैन । पार्टीले चुनाव जिताउन धेरै खर्च पनि गर्नुपदैन ।’ पार्टीले अरुलाई मेयर उठाउने हो भने धेरै लगानी गर्नुपर्छ । मलाई पर्दैन् । गाउँका सबैले मलाई मन पराएका हुनाले काँग्रेसले चुनाव जित्नेमा कुनै शंका छैन ।
त्यस्तै उपमेयर, वडाअध्यक्ष र सदस्यमा पनि पार्टीले पुराना, त्यागी, इमान्दार, योग्य, सक्षम, लोकप्रियलाई उम्मेद्वारी दिनुपर्ने र ५० प्रतिशत युवालाई उम्मेद्वारी दिनुपर्ने पनि थापाले वताएका छन् ।
कुराकानीमा आधारित
Comments
अरु समाचार
-
‘राजनीतिक स्थायित्वका लागि निर्वाचन प्रणालीमा सुधार गर्नुपर्छ’
काठमाडाैं । हाल अभ्यासमा रहेका राजनीतिक व्यवस्थामध्ये सबैभन्दा उत्कृष्ट व्यवस्था नै संसदीय शासन प्रणाली हो । यो व्यवस्थालाई समावेशी बनाउन...
-
‘सरकारमा भन्दा कानुन निर्माणमा साझेदारी चाहिन्छ’
काठमाडौँ । पछिल्ला वर्षहरूमा सत्ता साझेदारीमा भएको फेरबदलले कानुन निर्माण प्रभावित भएको छ । राजनीतिक दलको अभ्यास गठबन्धन सरकार बनाउने,...
-
अन्तर्राष्ट्रिय महिला दिवसः सोचमा परिवर्तन आवश्यक
काठमाडौं । “मेरो बुबाले मेरी मानसिक असन्तुलन भएकी आमा र म जस्तै फरकरुपमा सक्षम (अपाङ्गतासँग रहेको) मेरी बहिनी र मलाई...
-
सरकार र संसद्को काम गर्ने तौरतरिका पुरानै ढाँचाको भयो : सांसद घर्ती
काठमाडौँ । सङ्घीय लोकतान्त्रिक गणतन्त्रात्मक शासन व्यवस्थाको माध्यमबाट सुशासन, विकास र समृद्धिको आकाङ्क्षा पूरा गर्न संविधानको परिधिभित्र रहेर सबै...
-
सकिएकै हो त इतिहास अध्ययनको औचित्य ?
काठमाडौं । असाध्यै उपेक्षित विषय हुन पुगेको छ, यतिखेर इतिहास विषय । हुन त त्रिभुवन विश्वविद्यालयकै मानविकी तथा सामाजिकशास्त्र सङ्कायको...
-
सदनमा सांसदले बोल्ने स्वतन्त्रता हुनुपर्छ : सांसद गङ्गा यादव [अन्तर्वार्ता]
काठमाडौं । संसद् भनेको जनताको कुरा राख्ने प्रभावकारी थलो हो। तर, सदनमा देशका महत्वपूर्ण विषयमा सांसदले स्वतन्त्र रुपमा आफ्नो कुरा...
-
जाडोमा मुटुको सुरक्षा किन र कसरी: मुटुरोग विशेषज्ञ डा. ओममूर्ति अनिल
काठमाडौं । जाडो मौसममा तापक्रम घट्दा स्वास्थ्यसम्बन्धी विभिन्न समस्या आउँछन् । जाडोमा हाम्रो शरीरका मुटु, मस्तिष्क तथा फोक्सो बढी जोखिममा...
-
‘सरकार सदनप्रति उत्तरदायी भएमात्र संसद्को भूमिका प्रभावकारी बन्छ’
सभामुख देवराज घिमिरेले संसद्को भूमिकालाई प्रभावकारी बनाउन सरकार संसद्प्रति उत्तरदायी हुन आवश्यक रहेको बताएका छन् । उनले राज्यका कानूनमा...
-
नेपालमा जनसङ्ख्या – ‘पोलिसी डिपार्चर’ को उपयुक्त समय (विचार)
काठमाडौं । एसियाका अन्य देशमा जस्तै नेपालमा पनि जनसङ्ख्या वृद्धि मुख्य समस्याका रुपमा रहेको लामो समय प्रचार गरियो । देशको...