डिभिजन टूः यस्तो छ नेपाल र क्यानडाबीचको गणित, हारे वा जिते के हुन्छ ?
काठमाडौं, १ फागुन । आइसीसी वल्र्ड डिभिजन टू को अन्तिम खेलमा नेपालले क्यानडासँग भिड्नेछ । नामिबियामा जारी प्रतियोगितामा बुधबार शीर्ष स्थानको क्यानडासँग दोस्रो स्थानको नेपालले खेल्न लागेको हो । यो खेलको विजेता शीर्ष दुईमा रहने पक्का छ। शीर्ष दुईमा पर्ने होडमा चार टिम छन्। सोमबार भएको खेलमा पराजित भएपछि केन्या र ओमान भने एक खेलअघि नै शीर्ष दुईको होडबाट बाहिरिएका छन्।
४ खेल खेल्दा समान ६ अंक जोडेको क्यानडा र नेपाल क्रमशः पहिलो र दोस्रो स्थानमा छ। नेपालको हकमा क्यानडालाई पराजित गर्न सके अर्को महिना जिम्वावेमा हुने क्वालिफायरमा स्थान पक्का हुनेछ। क्यानडाले जित हात पारे पनि त्यहि नै हुन्छ।
त्योभन्दा अगाडि आज अर्को एउटा महत्वपूर्ण खेल हुँदैछ नामिबिया र केन्याबीच। दोस्रो चरणको यो खेल दुई पटक वर्षाले रोकेपछि आज हुँदैछ। यस खेलमा नामिबिया विजयी भए नामिबियाले पनि नेपाल र क्यानडासमान ६ अंक जोड्नेछ। जसले शीर्ष दुईको होड थप रोमाञ्चक बनाउनेछ। यदी नामिबिया केन्यासँग पराजित भएमा भने समीकरण अर्कै बन्नेछ।
बुधबार नेपाल र क्यानडासँगै नामिबिया र युएई बीचको खेल पनि हुनेछ। यी चार टिम शीर्ष दुईको होडमा छन्। यदी नामिबियाले अबको दुबै खेल जित्ने र नेपाल पराजित हुने हो भने नेपाल शीर्ष दुईमा पर्न असफल हुनेछ। नेपाल पराजित हुने र नामिबियाले आज केन्यासँग हारेर भोलि युएईलाई जितेमा पनि नेपाल र नामिबियाको अंक बराबरी हुनेछ र रनरेटको आधारमा शीर्ष दुईमा पर्ने टिमको छिनोफानो हुनेछ।
नामिबियाले दुबै खेल हार्ने र नेपाल पनि भोलि पराजित भए नेपाल र युएईको समान ६ अंक हुनेछ। यस्तो अवस्थामा पनि रनरेट निर्णायक हुनेछ। नेपालले क्यानडालाई पराजित गर्दा सिधै शीर्ष दुईमा स्थान पक्का हुनेछ अन्यथा अन्य टिमको नतिजा र रनरेट निर्णायक हुनेछ। डिभिजन टू को शीर्ष दुई स्थानमा रहने टिम अर्को महिना हुने वान डे वर्ल्ड कप क्वालिफायरमा छनोट हुनेछ। यस्तै तेस्रो र चौथो हुने टिम डिभिजन टू मै रहनेछ र पाँचौ र छैटौँ हुने टिम डिभिजन थ्री मा झर्नेछ।
Comments
अरु समाचार
-
एसीसी प्रिमियर कपः नेपालले आज तेस्रो स्थानको लागि हङकङसँग प्रतिस्पर्धा गर्दै
काठमाडौं। एसीसी प्रिमियर कप अन्तर्गत शनिबार नेपालले तेस्रो स्थानको लागि हङकङसँग प्रतिस्पर्धा गर्दैछ। पहिलो सेमिफाइनलमा नेपाल यूएई र दोस्रो सेमिफाइनलमा...
-
एसीसी प्रिमियर कपः सेमिफाइनलमा आज नेपाल र यूएई भिड्दै
काठमाण्डौ । एसीसी प्रिमियर कप क्रिकेटको सेमिफाइनलका खेल आज हुँदैछन् । पहिलो सेमिफाइनमा नेपालले आज यूएईसँग खेल्दैछ । खेल ओमानको...
-
आईपिएल: पञ्जाब किंग्सलाइ मुम्बई इन्डियन्सले ९ रनले हरायो
काठमाडौं। पञ्जाब किंग्समाथि मुम्बई इन्डियन्सले ९ रनको जित निकालेको छ। इन्डियन प्रिमियर लिग (आईपिएल) अन्तर्गत गएराति टस हारेर सुरुमा ब्याटिङको...
-
सिटीलाई पेनाल्टी सुटआउटमा हराउँदै रियल सेमिफाइनलमा
काठमाडौँ। साविक विजेता म्यानचेस्टर सिटीलाई पेनाल्टी सुटआउटमा हराउँदै रियल मड्रिड यूईएफए च्याम्पियन्स लिगको सेमिफाइनलमा पुगेको छ। इतिहाद स्टेडियममा बुधबार सम्पन्न...
-
साउदी अरेबियालाई छ विकेटले पराजित गर्दै नेपाल सेमिफाइलन प्रवेश
काठमाडौं । एसिसी प्रिमियर कप क्रिकेट प्रतियोगिताअन्तर्गत समूह चरणको आफ्नो अन्तिम खेलमा नेपालले साउदी अरेबियालाई छ विकेटले पराजित गरेको छ...
-
नेपाल र साउदी अरेबियाबीचको खेलमा टस हुन सकेन
काठमाडौं । एसिसी प्रिमियर कप क्रिकेट प्रतियोगिताअन्तर्गत आज हुने भनिएको नेपाल र साउदी अरेबियाबीचको खेलमा टस हुन सकेको छैन ।...
-
एसीसी प्रिमियर कपमा आज नेपाल र साउदीबीच भिडन्त
काठमाडौं । एसीसी प्रिमियर कपमा नेपालले आज बुधबार साउदी अरबसँग प्रतिपर्धा गर्दैछ । लगातार तीन खेलमा विजयी भएर ६ अंक...
-
आईपीएलमा हैदराबादले बनायो अहिलेसम्मकै धेरै रन, आज कोलकता र राजस्थान खेल्दै
काठमाण्डौ । इन्डियन प्रिमियर लिग (आईपीएल) क्रिकेटमा सनराइजर्स हैदराबादले रोयल च्यालेन्जर्स बेङ्गलुरुलाई २५ रनले हराएको छ । गए राति हैदराबादले...
-
नेपाल र हङकङबीचको खेल वर्षाले प्रभावित
काठमाडौं । एसिसी पुरुष प्रिमियर कप टि–ट्वान्टी क्रिकेट प्रतियोगिताअन्तर्गत नेपाल र हङकङवीचको खेल बर्षाले प्रभावित बनेको छ । ओमानको अल...