चिनियाँ कम्पनीले माग्यो सोलुखुम्बुको खानीबाट तामा निकाल्न उत्खनन अनुमति
काठमाडाैँ १,भदाै । चार वर्षअघि अन्वेषण अनुमति दिइएको सोलुखुम्बुको तामाखानीलाई चिनियाँ कम्पनीले उत्खनन गर्ने तयारी गरेको छ।
गत मंसिर ८ गते उद्योग विभागमा दर्ता भएको चिनियाँ कम्पनी ‘सिल्क रोड मिनिरल इन्भेष्टमेन्ट एण्ड डेभलपमेन्ट प्राली’ले तामाखानीको अन्वेषण सकेर उत्खननको लागि खानी विभागमा निवेदन दिएको छ। ‘अन्वेषण गर्दा आर्थिक र प्राविधिक रुपले सम्भाव्य भएपछि मात्रै कुनैपनि खानी उत्खननको लागि विभागमा आउँछन्।‘ विभागका एक उच्च अधिकारीले भने, ‘सोलुखुम्बु, तनहुँ र मकवानपुरमा रहेका तामाखानी उत्खननको लागि विभागमा निवेदन आएको छ।‘
तामाखानी उत्खननकै लागि दुई अर्ब रुपैयाँ विदेशी लगानी ल्याइसकेको कम्पनीले अनुमति पाउने बित्तिकै उत्खननको काम सुरु गर्ने विभागको विश्वास छ।यसअघि विभागले ६ वटा कम्पनीलाई तामाखानी अन्वेषणको अनुमति दिए पनि कुनैपनि कम्पनीले उत्खननको अनुमति मागेका थिएनन्। अहिले चीनका दुई कम्पनीले तीन ठाउँको तामाखानी उत्खननको लागि विभागमा निवेदन दिएका हुन्।
चिनियाँ कम्पनीले सोलुखुम्बुको दुधकोशी गाउँपालिका नजिकै रहेको तामाखानी उत्खनन गर्ने लक्ष्यसहित गतवर्ष मंसिरमा दुई अर्ब रुपैयाँ विदेशी लगानी स्वीकृत गरेको थियो। वार्षिक ९ हजार टन तामा उत्खननको लक्ष्य लिएको कम्पनीले चार सय जनालाई प्रत्यक्ष रोजगारी दिने प्रतिवद्धता जनाएको छ।
असारमा दर्ता भएको डोइङ साङ एण्ड मिनिरल्स प्रालीले पनि पनि तनहुँको तामा खानी उत्खननको अनुमतिका लागि विभागमा निवेदन दिएको छ। एक अर्ब ७८ करोड रुपैयाँ विदेशी लगानी स्वीकृत गराएको कम्पनीले वार्षिक ८८० टन तामा उत्खनन् गर्ने लक्ष्य लिएको छ। डोइङ साङलेनै मकवानपुरमा पनि खानी अन्वेषण तथा उत्खननको लागि विभागमा निवेदन दिएको छ।
दुई कम्पनीले गरि वार्षिक करिब १० हजार टन तामा उत्खनन् गर्ने लक्ष्य लिएका छन्। दुई कम्पनीले मात्रै नेपालको खानीमा तीन अर्ब ८० करोड रुपैयाँ विदेशी लगानी ल्याइसकेका छन्।
तामाखानीको काम अघि बढ्छ
चिनियाँ कम्पनीहरु प्राविधिक तथा आर्थिक रुपले दक्ष भएकाले तामाखानी उत्खनन् हुनेमा खानी विभाग विश्वस्त छ।
‘यस अघि पनि विभिन्न ठाउँमा विभिन्न खानी उत्खननको प्रयास गरेपनि आर्थिक तथा प्राविधिक हिसावले सम्भव भएको थिएन्।‘ खानी तथा भूगर्भ विभागका महानिर्देशक सोमनाथ सापकोटाले बिजमाण्डूलाई भने, ‘अहिले सस्तो प्रविधि भित्रिएको छ। न्यून वातावरणीय प्रभावमै खानीको उत्खनन हुने र बजारको पनि विकास भएकोले खानीहरुको उत्खनन अव सम्भव भएको छ।’
सरकारले खानी सम्म पुग्ने बाटो, बिजुली र जग्गा प्राप्तीमा सहजीकरण गर्ने नीति लिएपछि पछिल्लो समय खानीजन्य उद्योगमा विदेशी लगानी बढ्दो क्रममा छ।अघिल्लो आर्थिक वर्षमा चार करोड रुपैयाँ मात्र विदेशी लगानी आएको खानी उद्योगमा गत आर्थिक वर्षमा भने धन्नै चार अर्ब रुपैयाँ विदेशी लगानी स्वीकृत भएको उद्योग विभागको तथ्याङ्कले देखाउँछ।
Comments
अरु समाचार
-
कतारको हमाद एयरपोर्ट संसारकै सर्वोत्कृष्ट विमानस्थल
एजेन्सि। कतारको दोहास्थित हमाद इन्टरनेसनल एयरपोर्ट सन् २०२४ का निम्ति विश्वकै सबैभन्दा उत्कृष्ट एयरपोर्टको सूचीमा परेको छ । यो सूचीमा...
-
सिटीलाई पेनाल्टी सुटआउटमा हराउँदै रियल सेमिफाइनलमा
काठमाडौँ। साविक विजेता म्यानचेस्टर सिटीलाई पेनाल्टी सुटआउटमा हराउँदै रियल मड्रिड यूईएफए च्याम्पियन्स लिगको सेमिफाइनलमा पुगेको छ। इतिहाद स्टेडियममा बुधबार सम्पन्न...
-
भारतीय काश्मिरमा डुङ्गा पल्टिँदा १५ जना बेपत्ता
काठमाडौं । भारत प्रशासित काश्मिरमा मङ्गलबार एउटा नदीमा डुङ्गा पल्टिएपछि बेपत्ता भएका १५ जनाको खोजीमा उद्धारकर्मीहरू खटिइरहेको अधिकारीहरूले बताएका छन्...
-
सुरक्षा खतराका कारण पेरिस ओलम्पिकको उद्घाटन समारोह सिन नदीबाट राष्ट्रिय रङ्गशालामा सर्न सक्छ–इम्यानुएल म्याक्रोन
काठमाडौं । फ्रान्सका राष्ट्रपति इम्यानुएल म्याक्रोनले सुरक्षा खतराको अवस्थामा पेरिस ओलम्पिकको उद्घाटन समारोह सिन नदीबाट राष्ट्रिय रङ्गशालामा सार्न सकिने सोमबार...
-
ईरानी आक्रमणपछि इजराइलले गाजामाथि थप दबाब बनाउने
काठमाडौं । ईरानले आक्रमण गरेपछि इजराइले गाजामाथि थप दबाब बनाउने बताएको छ। इजराइली सेनाले ईरानको आक्रमणपछि आफू युद्धबाट विचलित नहुने...
-
अमेरिकी राष्ट्रपति वाइडेको दबाबपछि इरान–इजरायल युद्ध तत्कालका लागि रोकियो
जेरुसलाम । शनिवार राति इरानले इजरायलमाथि गरेको आक्रमणका कारण मध्यपूर्वका देशमा फैलन सक्ने सम्भावित ठूलो युद्ध तत्कालका लागि रोकिने सम्भावना...
-
इरानद्वारा इजरेलमा आक्रमण, राष्ट्रसङ्घीय सुरक्षा परिषद्को आपत्कालीन बैठक बस्दै
काठमाडौं । इरानले इजरेलमा आक्रमण सुरु गरे सँगै राष्ट्रसंघको सुरक्षा परिषद्को आपत्कालीन बैठक बस्ने भएको छ । गएराती इरानले दर्जनौ...
-
टिकटकको निर्माता कम्पनी बाइटडान्सको मुनाफा ६० प्रतिशतले बढ्यो
काठमाडौं । सामाजिक सञ्जाल टिकटकको निर्माता कम्पनी बाइटडान्सको मुनाफा सन् २०२३ मा ६० प्रतिशतले बढेको छ । चिनियाँ इन्टरनेट कम्पनी...
-
अष्ट्रेलियामा बाढीका कारण सामान्य जनजीवन प्रभावित
काठमाडौं । अस्ट्रेलियाको न्यू साउथ वेल्समा व्यापक बर्षपछि आइतबार आएको बाढीका कारण सयौँ व्यक्ति प्रभावित भएका छन् । उत्तरपूर्वी सिड्नीमा...