१८औँ एसियाड आज साँझ ६:४५ बजे इन्डोनेसियाका राष्ट्रपतिले उद्घाटन गर्ने
काठमाडाैं २, भदाै । एसियाली महादेशको सबै भन्दा ठूलो खेल महोत्सव एसियन गेम्सको १८औँ संस्करण शनिवारदेखि सुरु हुँदैछ।
सेन्ट्रल जाकर्ताको गेलोरा बुङ कार्नो रंगाशालमा नेपाली समय अनुसार शनिवार साँझ ६:१५ बजे इन्डोनेसियाका राष्ट्रपति जोको विडोडोले एसियाडको औपचारिक उद्घाटन गर्नेछन्।
उद्घाटन समारोहलाई रंगशालामा ७६ हजार दर्शकले प्रत्यक्ष अवलोकन गर्नेछन्। उद्घाटन समारोहको टिकट शुक्रवार नै बिक्री भइसकेको आयोजकले छ। समारोहमा इन्डोनेसियाका चर्चित कलाकारहरु अन्गुन, राइसा, टुलुस, इडो कोन्डोलोगिट लगायतले आफ्नो प्रस्तुती दिनेछन्।
यस्तै ४ हजारले आफ्नो नृत्य प्रस्तुत गरिनेछन्। यसका लागि महिनौ अभ्यास गरिएको थियो।
मार्च पार्समा नेपालका ८० जना सहभागी
उद्घाटन समारोहमा नेपालबाट खेलाडी, प्रशिक्षक, अफिसियल गरी ८० जना सहभागी हुनेछन्। नेपाली टोलीको नेतृत्व खेलकुद मन्त्री जगतबहादुर सुनार विकले गर्नेछन्। यस्तै गरी एसियाडमा नेपालका सेभ दि मिसन तथा राष्ट्रिय खेलकुद परिषदका सदस्यसचिव केशव कुमार विष्ट लगायत पदाधिकारी हुनेछन्।
मार्स पासमा नेपालको झण्डा १०औं दक्षिण एसियाली खेलकुदका स्वर्ण विजेता भारोत्तोलनका कमलबाहदुर अधिकारीले बोक्नेछन्।
४५ देशबीच भिडन्त
एसियाडमा ४५ देशका ११ हजार ५ खेलाडी सहभागी हुनेछन्। उनीहरुले ४० खेलका ४२० स्पर्धामा प्रतिस्पर्धा गर्नेछन्।
एसियाडको इतिहासमा पहिलो पटक दुई शहरमा एसियाड आयोजना हुन लागेको छ। दोस्रो पटक एसियाड गर्न आयोजना गर्न लागेको इन्डोनेसियाले जकार्ता र पालेम्वाङमा खेलहरु संचालन गर्ने व्यवस्था मिलाएको छ। इन्डोनेसियामा सन् १९६२ मा चौथो संस्करण पनि भएको थियो।
थाइल्याण्डले अहिलेसम्म सर्वाधिक ४ पटक एसियाड आयोजना गरिसकेको छ भने दक्षिण कोरियाले ३ पटक आयोजना गरिसकेको छ।
१८औँ एसियाडमा आयोजक इन्डोनेसियाका सर्वाधिक ९ सय ५१ खेलाडीले प्रतिस्पर्धा गर्नेछन् एसियाडी खेलकुदमा समग्रमा सबै भन्दा बढी स्वर्ण जितेको चीनले ८ सय ७९ खेलाडी सहभागी गराएको छ। थाइल्यान्ड ८ सय १६, दक्षिण कोरियाले ८ सय ७, चाइनिज ताइपेइका ५ सय ५८ र भारत ५ सय ७२ खेलाडी सहभागी छन्।
नेपालले २९ खेलमा सहभागिता जनाउने
एसियाडमा नेपालबाट विभिन्न २९ खेलमा खेलाडी, प्रशिक्षक, व्यवस्थापक, अफिसियललगायत गरी जम्मा २ सय ८५ जना सहभागी हुँदैछन्। जसमा १८५ खेलाडी (पुरुष १२९ र महिला ५६), प्रशिक्षक ४८, व्यवस्थापक २४, अफिसियल २७ र दोभाषे १ रहेका छन्।
नेपालले सहभागिता जनाउने २९ खेल मध्ये २३ खेल जकार्ता र बाँकी ६ खेल पालेम्वाङमा हुनेछ।
नेपालले आर्चरी, एथलेटिक्स, बास्केटबल (थ्री अन थ्री), ब्याडमिन्टन, बक्सिङ, फेन्सिङ, गोल्फ, जुडो, कराते, कबड्डी, पौडी, तेक्वान्दो, टेबलटेनिस, भलिबल, भारोत्तोलन, उसु, कुराँस, पेनकेक सिलात, कुस्ती, स्क्वास, साइक्लिङ, फुटबल, प्याराग्लाइडिङ, लनटेनिस, सुटिङ, ट्रायथलन, सेपाकताक्रो, स्पोर्ट्स क्लाम्बिङ र स्केटबोर्डमा सहभागिता जनाउँदैछ।
एसियाडमा नेपालले हालसम्म १ रजत र २२ कास्य गरी २३ पदक जितेको छ। नेपालले तेक्वान्दोबाट १ रजत र १३ कास्य, बक्सिङबाट ६ कास्य तथा करातेबाट ३ कांस्य जितेको छ। १९८६ को सोल एसियाड नेपालले पहिलो पटक पदक प्राप्त गरेको थियो। एसियाली खेलकुद भदौ १७ गतेसम्म हुनेछ
Comments
अरु समाचार
-
भलिबल टोली बङ्गलादेश प्रस्थान
काठमाडौं । बङ्गलादेशको राजधानी ढाकामा हुने भलिबल प्रतियोगितामा सहभागी हुन ११ जना खेलाडी तथा प्रशिक्षक टोली त्यसतर्फ प्रस्थान गरेको छ...
-
एम्बाप्पे चम्किँदा पीएसजीको सानदार जित, उपाधिका लागि अब एक जित आवश्यक
काठमाडाैँ । कप्तान केलियन एम्बाप्पे चम्किएको खेलमा पेरिस सेन्ट जर्मेन (पीएसजी) ले फ्रेन्च लिग वानमा सानदार जित हात पारेको छ...
-
आईपिएलः गुजरातमाथि दिल्लीको चार रनको रोचक जित
काठमाडौं । इन्डियन प्रिमियर लिग (आईपिएल) अन्तर्गत गएराति भएको खेलमा गुजरात टाइटन्समाथि दिल्ली क्यापिटल्सले चार रनको रोचक जित निकालेको छ।...
-
काश दाहाल स्मृति भलिबल प्रतियोगिता हुने
काठमाडौं । प्रज्ञा–स्मृति प्रतिष्ठानको आयोजनामा ललितपुरको महाकाल गाउँपालिकामा यही वैशाख २२ देखि २५ गतेसम्म प्रकाश दाहाल स्मृति बागमती प्रदेशस्तरीय अन्तरपालिका...
-
‘सूर्य नेपाल काठमाडौं ओपन’ मंगलबारदेखि सुरु हुँदै, राम्रो स्कोर निस्किने अपेक्षा
काठमाडौं । सूर्य नेपाल गल्फ टुर २०२३\२४ अन्तर्गतको सातौं प्रतियोगिता सूर्य नेपाल काठमाडौं ओपन मंगलवारदेखि सुरु हुने भएको छ। रोयल...
-
बेलिङह्याम चम्किँदा एल क्लासिकोमा रियल विजयी
काठमाडाैं । एल क्लासिकोमा रियल मड्रिडले बार्सिलोनालाई पराजित गरेको छ । आइतबार राति सम्पन्न खेलमा रियलले चिर प्रतिद्वन्द्वी बार्सिलोनालाई ३–२...
-
आईपीएलमा आज दुई खेल, गएराति हैदराबादले दिल्लीलाई हरायो
काण्ठमाण्डौ। इण्डियन प्रिमियर लिग ९आईपीएल० क्रिकेटमा सनराइजर्स हैदराबादले दिल्ली क्यापिटल्सलाई ६७ रनले पराजित गरेको छ । हैदराबादले दिएको दुई सय...
-
एसीसी प्रिमियर कपः नेपालले आज तेस्रो स्थानको लागि हङकङसँग प्रतिस्पर्धा गर्दै
काठमाडौं। एसीसी प्रिमियर कप अन्तर्गत शनिबार नेपालले तेस्रो स्थानको लागि हङकङसँग प्रतिस्पर्धा गर्दैछ। पहिलो सेमिफाइनलमा नेपाल यूएई र दोस्रो सेमिफाइनलमा...
-
एसीसी प्रिमियर कपः सेमिफाइनलमा आज नेपाल र यूएई भिड्दै
काठमाण्डौ । एसीसी प्रिमियर कप क्रिकेटको सेमिफाइनलका खेल आज हुँदैछन् । पहिलो सेमिफाइनमा नेपालले आज यूएईसँग खेल्दैछ । खेल ओमानको...