चिनियाँ कम्पनीले नेपालको तीन ठाउँमा पेट्रोलियम अन्वेषण गर्ने, तिहारपछि धमाधम काम सुरु
काठमाडौं ५, भदाै । नेपालमा रहेको पेट्रोलियम खानीको अन्वेषण गर्न चिनियाँ कम्पनीले पठाएको कार्ययोजनामा छलफल गरि सम्झौता गर्ने खानी विभागले तयारी गरेको छ।
चिनियाँ कम्पनीले पठाएको कार्ययोजनामा खानी विभागले छलफल गरेर चिनियाँ कम्पनीलाई सम्झौताको खाका पठाउने तयारी गरिरहेको विभागले जनाएको छ।
नेपालले पठाएको सहमतिको खाकामा चिनियाँ कम्पनी सहमत हुने बित्तिकै पेट्रोलियम अन्वेषणको काम अघि बढ्ने खानी तथा भूगर्भ विभागका महानिर्देशक सोमनाथ सापकोटालेले बताए।
‘सम्भवत आगामी दशैं तिहारपछि नै पेट्रोलिय खानीको विस्तृत अध्ययन सुरु हुने छ’ सापकोटाले बिजमाण्डूसँग भने, ‘विभागले चिनियाँ टोलिलाई सहज हुने र नेपाललाई आर्थिक रुपमा फाइदा हुनेगरि कार्य योजनामा छलफल गरिरहेको छ। छिट्टै चिनियाँ कम्पनीसँग सम्झौता हुन्छ।’
नेपालले पेट्रोलियम खानी अन्वेषण गर्ने चिनियाँ कम्पनीलाई सहज हुने गरि जग्गा प्राप्ति, कानुनी जटिलता, वातावरणीय प्रभाव र अन्वेषण गर्ने मोडालिटिको वारेमा छलफल गरिरहेको छ।
‘छलफलमा चिनियाँ कम्पनीलाई सहज वातावरण र नेपाललाई आर्थिक रुपले फाइदा कसरी हुन्छ भनेर छलफलमै छौ’ सापकोटाले भने, ‘केहि दिनभित्र मोडालिटीको टुङ्गो लगाएर सम्झौताको खाका चिनियाँ कम्पनीलाई पठाउँछौं।‘
यसै महिना चिनियाँ कम्पनीको विज्ञ टोली नेपाल आउने तयारी भएपनि नेपाल र चिनियाँ दुवैतर्फ नेतृत्व फेरबदल हुँदा यो महिनाको मिति भने पर सरेको विभागको भनाई छ।
चिनियाँ कम्पनीले सुर्खेत-दैलेख, बुटवल-पाल्पा र चतारा-बराहक्षेत्रको पेट्रोलियम खानीको विस्तृत अध्ययन गर्ने र कुनै एक खानीमा ड्रिलिङ गर्ने खानी विभागका पेट्रोलियम अन्वेषण परियोजना प्रमुख सुधिर रजौरेले बताए।
सरकारी पहलमा सुरु हुन लागेको पेट्रोलियम अन्वेषणको काम सुरु भएपछि अन्य ठाउँमा रहेका पेट्रोलियम खानीको अन्वेषणको लागि पनि तयारी थाल्ने उनले बताए।
नेपालमा भारतले नाकाबन्दी लगाउँदा प्रधानमन्त्री केपी शर्मा ओलीले पहिलोपटक प्रधानमन्त्री हुँदा २०७२ मा चीन सरकारसँग पेट्रोलियम अन्वेषणको लागि द्विपक्षीय सम्झौता गरेका थिए।
यतिबेला भने चिनियाँ पक्षले काम सुरु गर्ने तयारी सहित दुई अर्ब १० करोड रुपैयाँ बजेटनै छुट्ट्याइसकेको छ। नेपाल सरकारले पनि पेट्रोलियम अन्वेषणको कामलाई उच्च प्राथामिकतामा राखेर अघि बढेकोले पेट्रोलियम अन्वेषणको काम सुरु हुनेमा विभाग विश्वस्त छ।
नेपालमा यसअघि ५ वटा विदेशी कम्पनीले विभागबाट पेट्रोलियम अन्वेषणको अनुमति पाएर काम सुरु गरेका थिए। सोल ट्राइगन नेदरल्याण्ड, केयर इनर्जी स्कटल्याण्ड, टेक्साना रिसोर्सेस अमेरिका, बिबिबी च्याम्पियन्स अमेरिका र इएबीजी कम्पनी युएईले पेट्रोलियम अन्वेषणको काम गरेपनि बिचमै काम छोडेका थिए।
Comments
अरु समाचार
-
लुम्बिनीको मुख्यमन्त्रीमा महराको दाबी, प्रदेश प्रमुखलाई बुझाए बहुमत सदस्यको हस्ताक्षर
काठमाडौं । लुम्बिनी प्रदेशमा मुख्यमन्त्रीको दाबी गर्दै माओवादी संसदीय दलका नेता जोखबहादुर महराले बहुमत सदस्यको हस्ताक्षर प्रदेश प्रमुखको कार्यलयमा बुझाएका...
-
कोशी, बागमती र गण्डकी प्रदेशको केही पहाडी भूभागमा हल्का वर्षा
काठमाडौँ । जल तथा मौसम विज्ञान विभाग मौसम पूर्वानुमान महाशाखाले हाल नेपालमा पश्चिमी वायु तथा स्थानीय वायुको प्रभाव रहेको जनाएको...
-
उच्च पहाडी तथा हिमाली भूभागका धेरै स्थानमा हल्का वर्षा र हिमपात
काठमाडौँ । जल तथा मौसम विज्ञान मौसम पूर्वानुमान महाशाखाले ।हाल नेपालमा पश्चिमी वायुको सामान्य प्रभाव रहेको जनाएको छ। महाशाखाका अनुसार...
-
केही प्रदेशका पहाडी भूभागमा आंशिक बदली हुने
काठमाडौँ । जल तथा मौसम विज्ञान विभाग, मौसम पूर्वानुमान महाशाखाले हाल नेपालमा पश्चिमी वायुको आंशिक प्रभाव रहेको जनाएको छ ।महाशाखाका...
-
केही पहाडी भूभागमा सामान्य बदली, अन्यमा मौसम सफा
काठमाडौँ ,। जल तथा मौसम विज्ञान विभाग, मौसम पूर्वानुमान महाशाखाले हाल नेपालमा पश्चिमी न्यून चापीय प्रणालीको आंशिक प्रभाव रहेको जनाएको...
-
भोलिदेखि सुरु हुने दादुरा-रुवेलाविरुद्धको खोप सुरक्षित र प्रभावकारी भएको दाबी
काठमाडौँ । आइतवारदेखि सुरु हुने दादुरा–रुवेलाविरुद्धको खोप प्रभावकारी रहेको बताइएको छ । स्वास्थ्य सेवा विभाग परिवार कल्याण महाशाखाले खोप सुरक्षित...
-
नेपालमा पश्चिमी न्यून चापीय प्रणालीको प्रभाव,आंशिकदेखि साधरणतया बदली
काठमाडौँ । हाल नेपालमा पश्चिमी न्यून चापीय प्रणालीको प्रभाव रहेको मौसम पूर्वानुमान महाशाखाले जनाएको छ। जसको प्रभावले देशभर मौसममा आंशिकदेखि...
-
दादुरा–रुवेलाविरुद्धको खोप अभियान २५ दिनसम्म सञ्चालन हुने
काठमाडौँ । सरकारले देशभरि दादुरा–रुवेलाको सङ्क्रमणको जोखिमलाई मध्यनजर गर्दै यही फागुन १३ गतेदेखि चैत ७ गतेसम्म खोप अभियान सञ्चालन गर्दैछ...
-
चिराइतो मूल्य बढ्दो, उत्पादन घढ्दो
काठमाडौं । पछिल्लो समयमा चिराइतोको बजार मूल्य क्रमिक रुपमा बढ्दै गएको छ । तर उत्पादन भने घढ्दै गएको छ ।...