विकास, समृद्धि र समावेशीताको नयाँ युग सुरु भएको छ,अब युवाहरु विदेशीनु पर्दैन: अध्यक्ष प्रचण्ड
सिन्धुलि २१,भदाै । नेपाल कम्युनिष्ट पार्टी (नेकपा) का अध्यक्ष पुष्पकमल दाहाल प्रचण्डले अद्योगिक क्षेत्रको विकास गरी युवालाई स्वरोजगार बनाउने तर्फ सरकारको ध्यान केन्द्रित रहेको बताएका छन् । सिन्धुलीको मरिण गाँउपालिकामा निर्माण गरिएको पक्की पुलको उद्धघाटन गर्दै दाहालले सबै गाँउ तथा बस्तीसम्म पूर्वाधार निर्माण गरी युवालाई स्वदेशमै स्वरोजगार बनाइने बताए ।
पूर्वप्रधानमन्त्री समेत रहेका दाहालले नेपाली इतिहासको अराजकताको अन्त्य गर्दै विकास, समृद्धि, समानता र समावेशीताको नयाँ युग सुरु भएको बताए । नेपाल नयाँ युगमा प्रवेश गरिसकेको भन्दै उनले अब विकास निर्माणमा पनि गुणात्मक खालको काम गर्नुपर्ने बताए ।
अध्यक्ष दाहालले कम्युनिष्ट सरकारले अबको केही महिनाभित्रै काठमाडौँको धुलो र हिलोको व्यवस्थापन गर्ने संकल्पसहित उत्पादन वृद्धिका कामलाई प्राथमिकता दिएको जानकारी दिए । साथै उनले सडक, शिक्षा, कृषिलगायत सबै क्षेत्रको विकास गरी एक वर्षभित्रमा जनतामा नयाँ आशा र उत्साह भर्ने काम गर्ने दाबी गरे ।
सम्झौता समयभन्दा अगावै गुणस्तरीय कामसहित पुल निर्माण भएकोमा खुसी व्यक्त गर्दै उनले यस्ता कामको देशभर प्रचार गर्नुपर्नेमा जोड दिए । साथै उनले आजैबाट राम्रो काम गर्नेलाई पुस्कार र नराम्रो काम गर्नेलाई दण्डको व्यवस्थासहितको नयाँ अभियान थालनी भएको उद्घोष गरे ।
नेपाल सरकारका तर्फबाट पुल निर्माणको काममा संलग्न सबैलाई धन्यवाद दिँदै छिटै मन्त्रालयमा कार्यक्रमको आयोजना गरेर सम्मान गरिने घोषणासमेत गरे ।
त्यस्तै सोही कार्यक्रममा बोल्दै भौतिक पूर्वाधार तथा यातायातमन्त्री रघुवीर महासेठले देशका विभिन्न स्थानमा करिब एक हजार वटा पुल निर्माण गरिने बताए । अबको ५ वर्षभित्र पूर्वाधार निर्माणको काम सम्पन्न गरी जनताको सपनालाई साकार बनाउने दावी गरे ।
मन्त्री महासेठले सरकारको एउटै एजेण्डा समृद्ध नेपाल, खुसी नेपालीलाई सार्थक बनाउन ५ वर्षको अवधिमा सम्पूर्ण नेपालीको आयस्रोत दोब्बर बनाउने तर्फ सरकार लागि परिरहेको बताए । साथै उनले प्रतिपक्ष दल नेपाली कांग्रेसलागयत सबै राजनीतिक दलहरुलाई समृद्ध नेपाल, खुसी नेपाली अभियानमा साथ दिन आग्रह गरे ।
२० महिनामै ४ सय मिटर पक्की पुल निर्माण
सिन्धुलीको मरिण गाँउपालिका वडा नम्बर ६ र ४ नम्बर जोड्ने पक्की पुल बुधबारबाट सञ्चालनमा आएको छ । हेटौडा–सिन्धुली–चतरा राजमार्गअन्तर्गत निर्माण भएको ४ सय मिटर लामो पुलको बुधवार उद्घाटन गरेसँगै सञ्चालनमा आएको हो ।
वि.सं. २०७३ असार २९ गते ठेक्क सम्भौता भई २०७६ पुस २८ गते निर्माण सम्पन्न गर्ने गरी कालिका–रसुवा–तुदी जेभी काठमाडौँसँग सम्भौता भएको थियो । सो कम्पनीले पुल शिलान्यासको २० महिना अर्थात् साउन महिनामा नै पुल निर्माण गरेको हो ।
कुल लागत ४३ करोड ५० लाख रुपैयाँमा निर्माण भएको पुलमा ८ वटा स्पान निर्माण गरिएको छ भने नदी नियन्त्रणको काम ७ सय मिटर र पुलको दायाँबायाँ एप्रोज सडक ७ सय मिटर निर्माण भएको निर्माण कम्पनीका निर्देशक राजेन्द्र आचार्यले बताए ।
अहिले पुल निर्माण भएसँगै मरिणवासीलाई राहत मिलेको छ । पुल नहुँदा बर्सेनि समस्यामा पर्ने मरिणका स्थानीयहरु अब त्यस्ता समस्याको अन्त्य हुने भन्दै हर्षित छन् । वर्षाका बेला ज्यानै जोखिम मोलेर आवातजावात गर्नुपर्ने बाध्यता अहिले टरेको स्थानीय वासु मैनालीले बताए । बर्सेनि मरिण खोला तर्ने क्रममा खोलाले बगाएर अकालमा ज्यान गुमाउनुपर्ने बाध्यता थियो उनले भने, “अब हाम्रो दैनिकी सहज हुने भयो ।” पुल नहुँदा वर्षात्का बेला मरिणका सबै स्थानमा सवारी आवातजावतसमेत ठप्प हुने गरेको थियो ।
२०७३ साल मंसिर १२ गते पूर्व प्रधानमन्त्री तथा तत्कालीन नेकपा माओवादी केन्द्रका अध्यक्ष पुष्पकमल दाहाल प्रचण्डले उक्त पुलको शिलान्यास गरी सम्झौता अवधि अगावै निर्माण कार्य सम्पन्न गरेमा पुरस्कृत गर्ने आश्वासन दिएका थिए ।
Comments
अरु समाचार
-
गण्डकी, कर्णाली र सुदूरपश्चिम प्रदेशका पहाडी भूभागमा आंशिकदेखि साधारणतया बदली हुने
काठमाडौँ । जल तथा मौसम विज्ञान विभाग, मौसम पूर्वानुमान महाशाखाले हाल नेपालमा पश्चिमी र स्थानीय वायुको आंशिक प्रभाव रहेको जनाएको...
-
निर्धारित समयभन्दा अगाडि नै कतारी राजा काठमाडौं आइपुगे
काठमाडौं । निर्धारित समयभन्दा एक घण्टा अगाडि नै कतारी राजा अमिर शेख तमीम बिन हमद अल थानी काठमाडौं आइपुगेका छन्...
-
पहाडी भेगमा आंशिक बदली, बाँकी भागमा मौसम सफा रहने
काठमाडौँ । हाल देशमा पश्चिमी वायु र स्थानीय वायुको आंशिक प्रभाव रहेको बताउँदै जल तथा मौसम विज्ञान विभाग मौसम पूर्वानुमान...
-
भ्रष्टाचार मुद्धाको पूर्णपाठ नआउँदै मरासिनीलाई अर्थको साँचो, मुख्यसचिवको शंकास्पद भूमिका
काठमाडौं । नेसनल पेमेन्ट गेटवे सिस्टम भ्रष्टाचार मुद्दामा फैसलाको पूर्णपाठ नआउँदै मधुकुमार मरासिनी अर्थसचिव बनेका छन् । शुक्रबार मात्र उक्त...
-
पाँच प्रदेशका केही स्थानमा मेघगर्जन र चट्याङ्गसहित हल्का वर्षा
काठमाडौँ– जल तथा मौसम विज्ञान विभाग मौसम पूर्वानुमान महाशाखाले हाल नेपालमा पश्चिमी वायु र स्थानीय वायुको आंशिक प्रभाव रहेको जनाएको...
-
आजको मौसम: बागमती, गण्डकी र कर्णालीमा हल्का वर्षा हुने
काठमाडौँ । हाल मुलकमा पश्चिमी वायु र स्थानीय वायुको आंशिक प्रभाव रहेको बताउँदै जल तथा मौसम विज्ञान विभाग मौसम पूर्वानुमान...
-
६ महिनादेखि ५ वर्ष मुनिका बालबालिकालाई आज र भोलि भिटामिन ‘ए’ क्याप्सुल खुवाइँदै
काठमाडौं । सरकारले ६ महिनादेखि ५ वर्ष मुनिका बालबालिकालाई आज र भोलि देशैभर भिटामिन ‘ए’ क्याप्सुल खुवाउँदै छ । स्वास्थ्य...
-
चार प्रदेशमा चट्याङ्गसहित हल्का वर्षाको सम्भावना
काठमाडौँ । हाल नेपालमा पश्चिमी वायु र स्थानीय वायुको आंशिक प्रभाव रहेको मौसम पूर्वानुमान महाशाखाले जनाएको छ । जसको प्रभावले...
-
काठमाडौँ महानगरपालिकाले क्यान्सरको निःशुल्क परीक्षण गर्दै
काठमाडौँ, ५ वैशाख । काठमाडौँ महानगरपालिका (कामपा) ले आज बुधबारदेखि क्यान्सरको निःशुल्क परीक्षण गर्ने भएको छ । कामपाले स्तन, पाठेघरको...