माल्दिभ्सलाई हराउँदै फाइनल पुग्ने गोल्डेन दाउमा नेपाल
काठमाडाैँ २६,भदाै । साफ च्याम्पियनसिप फुटबलको सेमिफाइनलमा नेपालले भोलि बुधबार माल्दिभ्ससँग प्रतिस्पर्धा गर्दैछ ।
बंगलादेशको राजधानी ढाकास्थित बंगबन्धु राष्ट्रिय रंगशालामा माल्दिभ्सलाई पराजित गर्दै पहिलो पटक साफ च्याम्पियनसिपको फाइनलमा पुग्ने नेपालको लक्ष्य छ ।
मुख्य प्रशिक्षक बालगोपाल महर्जनले नेपालले बुधबार इतिहास रच्ने बताए । ‘दिनैपछि सुधार गरिरहेका छौं अर्को कुरा भनेको हाम्रो बेन्च खेलाडीले पनि राम्रो प्रदर्शन गरिरहेका छन्’ मंगलबार प्रि-म्याच कन्फ्रेन्समा बोल्दै बालगोपालले भने ।
नियमित कप्तान विराज महर्जनले समूह चरणको पहिलो खेल खेलेपछि टिममा सुधार आएको बताउँदै माल्दिभ्सविरुद्ध आत्मविश्वासका साथ खेल्ने बताए । उनले भने, ‘समूह चरणमा नेपालले ती खेल खेल्यो । निकै राम्रो भइरहेको छ ।’
साफ च्याम्पियनसिपमा नेपाल तुलनात्मक रुपमा बलियो देखिएको छ तर, माल्दिभ्स पनि कमजोर टिम होइन । माल्दिभ्सका मुख्य प्रशिक्षक सिग्रेड पिटर हार्भास्कोले नेपाल बलियो टिम भएपनि जित हात पार्दै फाइनलमा पुग्ने बताए ।
इतिहास माल्दिभ्सको पक्षमा
नेपाल र माल्दिभ्स अहिलेसम्म १५ पटक भेट भइसकेको छ, जसमा नेापलले चार खेल मात्र जितेको छ । ४ खेलमा बराबरी खेलेको नेपालले ७ खेलमा हार ब्यहोरेको छ ।
साफ च्याम्पियनसिप फुटबलमा भने नेपाल र माल्दिभ्सबीच ६ पटक भेट भएको छ, जसमा नेपालले कुनै खेलमा जित हात पार्न सकेको छैन । २ खेलमा बराबरी खेलको नेपालले बाँकी ४ खेलमा माल्दिभ्सलाई नतिजा सुम्पेको छ ।
साफ च्याम्पियनसिपमा नेपाल र माल्दिभ्सको पहिलो पटक भेट सन् १९९९ मा भएको थियो ।
समूह चरणको खेलमा नेपाल माल्दिभ्ससँग ३-२ गोलअन्तरले पराजित भएको थियो । यही प्रतियोगिताको तेस्रो स्थानको लागि नेपाल माल्दिभ्ससँग २-० गोलले पराजित भएको थियो । २००३ मा बंगलादेशमा सम्पन्न साफ च्याम्पियनसिपमा पनि नेपाल माल्दिभ्ससँग ३-२ गोलअन्तरले नै पराजित भएको थियो ।
सन् २००८ मा माल्दिभ्स र श्रीलंकाले संयुक्त रुपमा आयोजना गरेको साफ च्याम्पियनसिप फुटबलको समूह चरणमै नेपाल माल्दिभ्ससँग ४-१ गोलअन्तरले पराजित भएको थियो । सन् २००९ र २०११ मा भएको साफ च्याम्पियनसिपमा नेपाल माल्दिभ्ससँग समान १-१ गोलको बराबरीमा रोकिएको थियो
Comments
अरु समाचार
-
सिटीलाई पेनाल्टी सुटआउटमा हराउँदै रियल सेमिफाइनलमा
काठमाडौँ। साविक विजेता म्यानचेस्टर सिटीलाई पेनाल्टी सुटआउटमा हराउँदै रियल मड्रिड यूईएफए च्याम्पियन्स लिगको सेमिफाइनलमा पुगेको छ। इतिहाद स्टेडियममा बुधबार सम्पन्न...
-
साउदी अरेबियालाई छ विकेटले पराजित गर्दै नेपाल सेमिफाइलन प्रवेश
काठमाडौं । एसिसी प्रिमियर कप क्रिकेट प्रतियोगिताअन्तर्गत समूह चरणको आफ्नो अन्तिम खेलमा नेपालले साउदी अरेबियालाई छ विकेटले पराजित गरेको छ...
-
नेपाल र साउदी अरेबियाबीचको खेलमा टस हुन सकेन
काठमाडौं । एसिसी प्रिमियर कप क्रिकेट प्रतियोगिताअन्तर्गत आज हुने भनिएको नेपाल र साउदी अरेबियाबीचको खेलमा टस हुन सकेको छैन ।...
-
एसीसी प्रिमियर कपमा आज नेपाल र साउदीबीच भिडन्त
काठमाडौं । एसीसी प्रिमियर कपमा नेपालले आज बुधबार साउदी अरबसँग प्रतिपर्धा गर्दैछ । लगातार तीन खेलमा विजयी भएर ६ अंक...
-
आईपीएलमा हैदराबादले बनायो अहिलेसम्मकै धेरै रन, आज कोलकता र राजस्थान खेल्दै
काठमाण्डौ । इन्डियन प्रिमियर लिग (आईपीएल) क्रिकेटमा सनराइजर्स हैदराबादले रोयल च्यालेन्जर्स बेङ्गलुरुलाई २५ रनले हराएको छ । गए राति हैदराबादले...
-
नेपाल र हङकङबीचको खेल वर्षाले प्रभावित
काठमाडौं । एसिसी पुरुष प्रिमियर कप टि–ट्वान्टी क्रिकेट प्रतियोगिताअन्तर्गत नेपाल र हङकङवीचको खेल बर्षाले प्रभावित बनेको छ । ओमानको अल...
-
हङकङले नेपाललाई दियो ११५ रनको लक्ष्य
काठमाडौं । एसीसी मेन्स प्रिमियर कपमा हङकङले नेपालसामु ११५ रनको लक्ष्य प्रस्तुत गरेको छ। ओमानको अलअमेरात स्टेडियममा नेपालले टस जितेर...
-
एसिसी प्रिमियर कप : नेपालले आज हङकङसँग खेल्ने
काठमाडौं । एसिसी पुरुष प्रिमियर कपअन्तर्गत नेपालले आज आफ्नो तेस्रो खेल हङकङसँग खेल्ने भएको छ । ओमानको अल अमेरत क्रिकेट...
-
एसीसी प्रिमियर कप क्रिकेट: नेपालले आज हङकङसँग खेल्दै
काठमाडौं । एसीसी प्रिमियर कप क्रिकेटमा आज नेपालले हङकङसँग खेल्दैछ । ओमानको अल अमिरातमा हुने खेल बिहान पौने १२ बजे...