निर्मला हत्या प्रकरण: ‘झुटो’ अनुसन्धान गर्ने प्रहरी अधिकारीलाई कारवाहीको तयारी, एसएसपीको नेतृत्वमा समिति गठन
काठमाडाैँ २७,भदाै । प्रधान कार्यालयले कञ्चनपुर घटनामा प्रहरीको भूमिका शंकास्पद र अनुसन्धानमा गम्भीर त्रुटि रहेको निष्कर्ष निकालेको हो ।
प्रहरी स्रोतका अनुसार भदौ १४ गते नै प्रहरी अधिकारीमाथि छानबिन र कारवाही सिफारिसका लागि एसएसपी उत्तमकुमार सुवेदीको नेतृत्वमा समिति गठन गरिएको थियो । निर्मला हत्याकाण्डको अनुसन्धानमा कञ्चनपुरका तत्कालीन एसपी डिल्लीराज विष्ट यसअघि नै निलम्बनमा परिसकेका छन् भने अन्य प्रहरी अधिकारीको भूमिकाबारे अनुसन्धान जारी छ । प्रहरी स्रोतका अनुसार अनुसन्धानमा दिलिप विष्टलाई नै मुख्य अभियुक्त बनाएर प्रस्तुत गर्ने कार्यमा सिआइबीका डिएसपी अंगुर जिसीको पनि संलग्नता पाइएपछि उनलाई पनि निलम्बन गर्ने वा अन्य कारवाही गर्नेबारे छलफल भइरहेको छ । निर्मला हत्याकाण्डको अनुसन्धानका लागि सिआइबीले जिसीको नेतृत्वमा टोली कञ्चनपुर पठाएको थियो ।
यस्तै, कञ्चनपुरका तत्कालीन डिएसपी ज्ञानबहादुर सेठी र अनुसन्धान अधिकृत एकेन्द्र खड्कालगायत अन्य केही जुनियर अधिकृतको पनि कमजोरी रहेको प्रहरीले औंल्याएको छ । निर्मला हत्याको आरोपमा २४ दिनपछि प्रहरीले मुख्य अभियुक्तका रुपमा भीमदत्त नगरपालिका– १९ का दिलिप विष्टलाई मुख्य अभियुक्तको रुपमा भदौ ४ गते सार्वजनिक गरेको थियो । तर, निर्मलाको शरीरमा भेटिएको प्रमाणको डिएनए रिपोर्ट दिलिपसँग नमिलेपछि उनी मंगलबार साधारण तारेखमा रिहा भएका छन् ।
विष्टलाई अभियुक्तको रुपमा सार्वजनिक गरिएपछि स्थानीयले वास्तविक हत्यारा लुकाउन प्रहरी लागिपरेको भन्दै आन्दोलन गरेका थिए । चर्कंदै गएको आन्दोलनमा तत्कालीन प्रहरी र पछि गएका एसपी कुवेरसिंह कडायतको टोलीले गोली चलाउँदा एकजनाको मृत्यु भएको थियो । घटनामा अन्य १२ जना घाइते भएका थिए । यसअघि प्रहरीले दिलिपलाई डिएनए र अन्य स्वास्थ्य परीक्षणका लागि काठमाडौं ल्याएको थियो । स्थानीयले निर्मला हत्याकाण्डमा नक्कली अभियुक्त खडा गर्ने कार्यमा संलग्न प्रहरी अधिकारीलाई कारवाहीको माग गर्दै आएका छन् । दिलिप रिहा भएसँगै निर्मलाको हत्यारा को हो भन्ने प्रश्न जन्मिएको छ । प्रहरीकै अनुसन्धान झुटो सावित भएपछि प्रहरीमाथि थप चुनौती बढेको छ ।
प्रहरीका प्रवक्ता शैलेश थापा क्षेत्री भन्छन्, ‘‘कञ्चनपुर घटनालाई हामीले गम्भीर रुपमै लिएका छौं । केही पात्र खराब भए पनि संगठन कानुनप्रति प्रतिवद्ध छ । निर्मलाका हत्यारा पत्ता लगाएरै छोड्छौं ।’’ प्रहरी अधिकारीको भूमिकामाथि प्रश्न उठेपछि आन्तरिक छानविन भइरहेको पनि उनले बताए । यसअघि मंगलबार साँझ गृह मन्त्रालयमा बसेको गृहमन्त्री, सचिव, आईजीपीलगायत उच्च अधिकारी सहभागी बैठकले पनि अनुसन्धानमा संलग्न सबै प्रहरीमाथि छानबिन गर्ने निर्णय गरेको छ ।
यसअघि सरकारले गठन गरेको उच्चस्तरीय समितिले पनि निर्मला हत्याकाण्डमा प्रहरीको भूमिका गैरजिम्मेवार देखिएको निष्कर्ष निकालिसकेको छ । छानबिनका क्रममा दोषी देखिए प्रहरी अधिकारीमाथि विभागीयदेखि अन्य कानुनी कारवाही पनि हुनसक्ने प्रहरी प्रवक्ता क्षेत्री बताउँछन् ।
गत साउन १० गते घरबाट साथीको घर गएकी निर्मला ११ गते मृत अवस्थामा उखुबारीमा फेला परेकी थिइन् । निर्मलाका आमाबुबा अहिले काठमाडौंमा छन् । उनीहरुले घटनाको निष्पक्ष छानबिनका लागि दबाब दिन राष्ट्रपति, प्रधानमन्त्री, गृहमन्त्री, विपक्षी दलका नेतालगायतलाई भेट्ने योजना बनाएका छन् ।
Comments
अरु समाचार
-
जनकपुरमा जलिरहेको अवस्थामा युवतीको शव बरामद
काठमाडौं । जनकपुरधाममा जलिरहेको अवस्थामा एक युवतीको शव फेला परेको छ । उपमहानगरपालिका–१६ कपिलेश्वरमा गए राति करिब ९ बजे आसपासमा...
-
माइक्रोबस र जिप ठोक्किँदा ८ जना चिनियाँ घाइते
काठमाडौं । कास्कीको पोखरामा माइक्रोबस र जिप ठोक्किँदा ८ जना चिनियाँ नागरिक घाइते भएका छन् । पोखराको शहीदचोकबाट मुस्ताङचोक तर्फ...
-
एन्फा उपाध्यक्ष दावा लामा पक्राउ
काठमाडौं । अखिल नेपाल फुटबल संघ (एन्फा)का उपाध्यक्ष दावा लामा पक्राउ परेका छन् । लामालाई काठमाडौं उपत्यका अपराध अनुसन्धान कार्यालयको...
-
बारामा ट्यांकरको ठक्करबाट प्रहरी जवानको मृत्यु
काठमाडौं। बाराको जितपुर सिमरा उपमहानगरपालिकामा तेल ट्यांकरले मोटरसाइकलमा ठक्कर दिँदा एक प्रहरी जवानको मृत्यु भएको छ । मृत्यु हुनेमा जिल्ला...
-
जातीय भेदभाव गरेको आरोपमा हल्दिबारीका पूर्वउपाध्यक्ष गिरी पक्राउ
काठमाडौं । जातीय आधारमा विभेद र अपमान गरेको आरोपमा हल्दिबारी गाउँपालिकाका पूर्वउपाध्यक्ष डम्बर गिरी पक्राउ परेका जिल्ला प्रहरी कार्यालयले जनाएको...
-
सिरहामा हतियारधारी समूहले लुट्यो रु १५ लाख
काठमाडौं । सिराहामा आज दिउँसो हरियारधानी एक समूहले ‘मनि ट्रान्सफर’को रकम लुटपाट गरेको छ । सदरमुकामबाट विष्णुपुर गाउँपालिकामा रहेको एक...
-
बसको ठक्करबाट ड्युटीमा रहेका ट्राफिक प्रहरीको मृत्यु
काठमाडौं । बसको ठक्करबाट ड्युटीमा रहेका एकजना ट्राफिक प्रहरी जवानको शुक्रबार राती मृत्यु भएको छ। जितपुर सिमरा उपमहानगरपालिकाको अमलेखगञ्ज चोकमा...
-
बैतडीमा ट्र्याक्टर दुर्घटना, दुई जनाको मृत्यु
काठमाडौं । जिल्लाको झौलेकमा शुक्रबार बिहान ट्र्याक्टर दुर्घटना हुँदा दुई जनाको घटनास्थलमै मृत्यु भएको छ । बैतडीको सुर्नयाबाट खोड्पे जाँदै...
-
गायक रवि ओडविरुद्ध पत्नीले हालिन् बलात्कारको जाहेरी, पक्राउ पुर्जी जारी
काठमाडाैँ । गायक रवि ओडविरुद्ध उनकी श्रीमतीले वैवाहिक बलात्कारको आरोपमा प्रहरीमा जाहेरी दिएकी छन्। उनले इलाका प्रहरी कार्यालय झलारीमा जाहेरी...