पदाधिकारीलाई पदमुक्त गराएसँगै असन्तुष्टि चुलियो राप्रपामा ,असन्तुष्ट समूहद्वारा बैठक वहिस्कार
काठमाडाैँ २,असोज । कमल थापा नेतृत्वको राप्रपाभित्रकाे असन्तुष्टि फेरि सतहमा आएको छ ।
व्यक्तिगत टकरावले एकपछि अर्को गर्दै क्षति व्यहोर्दैै आएको राप्रपाभित्र पछिल्लो पटक गरिएको पदाधिकारी विघटनले विवाद निम्तिएको हो ।
राप्रपाको गत भदौ ४ मा बसेको केन्द्रीय कार्यसम्पादन समितिको बैठकले पार्टीका सबै केन्द्रीय पदाधिकारीलाई पदमुक्त गर्ने निर्णय गरेको थियो ।
अध्यक्ष कमल थापाले आफूबाहेक सबै पदाधिकारीलाई पदमुक्त गराएसँगै असन्तुष्टि चुलिएको नेताहरु बताउँछन् ।
भदौ ४ को बैठकले पार्टीको नयाँ विधान लागू गरेको जनाउ दिँदै सबै केन्द्रीय पदाधिकारीलाई पदमुक्त गरेको थियो । भदौ ४ मा पार्टीका प्रचार विभाग प्रमुख मोहन श्रेष्ठले जारी गरेको विज्ञप्तिमा ‘राप्रपाको संशोधित विधानको भावनाअनुरुप पार्टीलाई अघि बढाउन र केन्द्रीय पदाधिकारीहरु नयाँ ढंगबाट पुनर्गठन गर्ने प्रयोजनका लागि हाल कायम रहेका पार्टीका सबै केन्द्रीय पदाधिकारीहरुलाई पदमुक्त’ गरिएको उल्लेख छ ।
तर, पुनर्गठन गर्ने प्रयोजनका लागि भनेर नेतृत्वले मनोमानी गरेको असन्तुष्ट समूहको भनाई छ । महाधिवेशनको लागि पनि अग्रसरता नदेखाउने र नयाँ विधानको बहाना बनाएर पद खारेज गरिनु युक्तिसंगत नभएको एक असन्तुष्ट नेताले रातोपाटीलाई जानकारी दिए ।
पार्टीले पदाधिकारीलाई पदमुक्त गरेपनि दुई जनालाई भने फेरि मनोनयन गरिएको छ । पार्टीले भदौ ५ मै महामन्त्रीमा भास्कर भद्रा र कोषाध्यक्षमा उद्धव पौडेललाई नियुक्त गरेको हो । उनीहरुको नियुक्ति गरेपनि अन्यलाई भने नियोजित रुपमा नियुक्ति नगरिएको असन्तुष्ट समूहको दाबी छ ।
यही असन्तुष्टि देखाउँदै आजदेखि पार्टी केन्द्रीय कार्यालय धुम्बाराहीमा बसेको केन्द्रीय कार्यसमितिको बैठकमा नेताहरु बुद्धिमान तामाङ, जयन्त चन्द, धवल शमशेर राणा, भीम प्रसाद गौचनलगायतका पूर्व पदाधिकारीका साथै उनीहरु निकटका केन्द्रीय सदस्यहरुले पनि बैठक बहिस्कार गरेको एक नेताले बताए ।
नेता जयन्त चन्दले आफू आजको बैठकमा व्यक्तिगत कारणले सहभागि नभएको दाबी गर्दै अरु को भए को गएनन् भन्नेबारे आफूलाई जानकारी नभएको बताए । असन्तुष्टिको विषयमा सोधिएको जिज्ञासामा उनले यसबारे आफू अहिले केही नबोल्ने प्रतिक्रिया दिए । यस्तै बुद्धिमान तामाङ भने फोन स्वीच्ड अफ गरेर बसेका छन् ।
यसो त पार्टीको सोमबार बसेको केन्द्रीय कार्य सम्पादन समितिको बैठकमा पनि असन्तुष्ट नेताहरुको सहभागिता रहेको थिएन ।
सो बैठकले केन्द्रीय कार्य समितिको बैठकमा प्रस्तुत हुने प्रतिवेदनलाई अनुमोदन गरेको थिए ।
आजको बैठकमा अध्यक्ष कमल थापाले समसामयिक राजनीतिक विषयमा केन्द्रीय रहेर तयार पारेको प्रतिवेदन, महामन्त्री भद्राले सचिवालयसम्बन्धी प्रतिवेदन र कोषध्यक्ष उद्धव पौडेलले आर्थिक प्रतिवेदन पेश गरेको नेता भुवन पाठकले जानकारी दिए ।
सो प्रतिवेदनमाथि केन्द्रीय सदस्यहरुले धारणा राख्ने क्रम जारी रहेको जानकारी दिँदै बैठक बुधबारसम्म चल्ने जानकारी दिए ।
राजतन्त्र र हिन्दूराष्ट्रको एजेण्डा बोकेको राप्रपा एजेण्डाको कारणले भन्दा पनि व्यक्तिगत टकरावले पटक पटक विभाजित हुँदै आएको छ । पछिल्लो गत २०७४ को साउनमा पशुपति शमशेर राणाले राप्रपा फुटाएका थिए ।
Comments
अरु समाचार
-
भारतमा आज दोस्रो चरणको मतदान हुँदै
काठमाडौं । भारतीय लोकसभाका लागि उधुम गर्मीका बाबजुद आज बैशाख १४ गते दोस्रो चरणको मतदान हुँदैछ । पहिलो चरणको मतदान...
-
जसपा नेपाल केन्द्रीय कार्यकारिणी समितिको बैठक बस्दै
काठमाडौँ । जनता समाजवादी पार्टी (जसपा) नेपालले केन्द्रीय कार्यकारिणी समितिको बैठक बस्दै छ ।आज बिहान ११ बजे पार्टी केन्द्रीय कार्यालयमा...
-
आफ्ताब आलमलाई जन्मकैदको फैसला
रौतहट । जिल्ला अदालत रौतहटले कांग्रेस नेता मोहम्मद अफताब आलमलाई जन्मकैदको सजाय सुनाएको छ । बिहीबार न्यायाधीश मातृकाप्रसाद आचार्यको इजलासले...
-
कम्युनिस्ट आन्दोलनमा लागेका विद्यार्थीले मनमोहनको सादगीपूर्ण जीवनीबारे बुझ्नुपर्छ: ईश्वर पोखरेल
काठमाडाैँ । नेकपा एमालेका वरिष्ठ उपाध्यक्ष ईश्वर पोखरेलले मनमोहन अधिकारीलाई कम्युनिस्ट आन्दोलनको निरन्तरताको पर्यायका रूपमा बुझ्न आवश्यक रहेको बताएका छन्...
-
सरकारको स्थायित्वबारे चलाइएका हल्ला निराधार हुन्: विष्णु पौडेल
काठमाडाैँ । नेकपा एमाले उपाध्यक्ष विष्णु पौडेलले वर्तमान पुष्पकमल दाहाल प्रचण्ड नेतृवको सरकारको स्थायित्वबारे बजारमा चलाइएका हल्लाका पछि नलाग्न आग्रह...
-
अर्थमन्त्रीले पुनले लिए बजेटबारे ७ पूर्वअर्थमन्त्रीसँग सुझाव
काठमाडौं । अर्थमन्त्री वर्षमान पुन अनन्तले आगामी आर्थिक वर्ष २०८१/०८२ को बजेटबारे पूर्वअर्थमन्त्रीहरूसँग सुझाव लिएका छन्। अर्थमन्त्री पुनले बुधबार पूर्वअर्थमन्त्रीहरू...
-
उपनिर्वाचनका लागि आजदेखि प्रचारप्रसार गर्न नपाइने
काठमाडौं । यही वैशाख १५ गते हुने उपनिर्वाचनका लागि आजदेखि प्रचारप्रसार गर्न नपाइने भएको छ । निर्वाचन आयोगको कार्यतालिमा गएराति...
-
राष्ट्रपति पौडेलद्वारा कतारका अमिरको सम्मानमा रात्रिभोज आयोजना
काठमाडौं । राष्ट्रपति रामचन्द्र पौडेलले नेपालको दुईदिने राजकीय भ्रमणमा रहेका कतारका अमिर शेख तमिम विन हमाद अल थानीको सम्मानमा एक रात्रिभोजको...
-
निर्धारित समयभन्दा अगाडि नै कतारी राजा काठमाडौं आइपुगे
काठमाडौं । निर्धारित समयभन्दा एक घण्टा अगाडि नै कतारी राजा अमिर शेख तमीम बिन हमद अल थानी काठमाडौं आइपुगेका छन्...