वीरगञ्ज महानगरपालिकामा छाडा पशुचौपाया नियन्त्रण अभियान
वीरगञ्ज २२, असोज । वीरगञ्ज महानगरपालिकामा छाडा पशुचौपाया नियन्त्रण अभियान सुरु भएको छ ।
जथाभावी छाडा छोडिएका पशुचौपाया महानगरपालिकाले नियन्त्रणमा लिएर आदर्शनगरमा बनाइएको अस्थायी काञ्जी हाउसमा लगेर राख्ने गरिएको छ ।
जथाभावी छोडिएका कारण ट्राफिक व्यवस्थापनमा समस्या मात्रै श्रृजना गरेको छैन । दुर्घटनाको जोखिम पनि उत्तिकै छ ।
विगतमा महानगरपालिकाको मुख्य चोक घण्टाघर, माईस्थान, गहवामाइ क्षेत्र र भित्री गल्लीहरुमा समेत पशुचौपाया खुल्लम खुल्ला देखिने गरेको अहिले निकै कमी आएको छ । नगरवासीले दुध दिने दिनसम्म पाल्ने त्यसपछि सडकमा छोडिदिने गरेका छन् ।
गाई, सुँगुर, बाख्रा, घोडा मात्रै नभएर मानिसहरुले हाँस कुखुरा पनि सडकै छोडने गरिन्छ । पशुचौपायाका कारण फोहोर व्यवस्थापनमा समेत समस्या हुने गरकोे छ ।
सडकमा राखिएको फोहोर उठ्नु भन्दा अघि नै पशुचौपाया गएर छरिदिने गरेका छन् । छाडा चौपाया सडक ढाकेर बसिरहँदा ससाना सवारी साधन चलाउन र पैदल यात्रुलाई हिँड्नसमेत सकस पर्ने गरेको छ । वीरगञ्जकी रोशनी पौडेल छाडा चौपाया नियन्त्रण जरुरी रहेको बताउँछिन् ।
‘महानगरपालिका भएपनि गाउँ जस्तै छ, गाडी हिड्ने बाटो छैन, गाईबस्तु सडकमा हिड्ने, बसिदिने गर्छन् , फोहोर गरिदिने गरेका छन्, पशु धनीले पनि जथाभावी छोडिदिन्छन्,’ उनले भनिन्, ‘यसलाई नियन्त्रण गर्न जरुरी छ ।’
वीरगञ्जलाई व्यवस्थित बनाउन नागरिक स्तरबाट व्यवस्थित वीरगञ्ज अभियान सञ्चालनमा आएपछि पशु चौपायालाई नियन्त्रणमा लिएर राख्ने र पशु धनीलाई जरीवाना तिराएर छोड्ने गरिएको छ ।
छाडा चौपायाका कारण दुर्घटनाको जोखिम, नगरलाई प्रदुषित गर्ने गरेपछि नियन्त्रण अभियान सञ्चालन गरिएको व्यवस्थित वीरगञ्ज अभियानका संयोजक दिलिपराज कार्कीले बताए ।
‘एउटा सडक अव्यवस्थित छ भन्ने झल्काउँछ, सहरको सुन्दरता र सम्मान घटाउँछ, पशुचौपाया कतिखेर कता जान्छन् थाहा हुँदैन, जसले गर्दा दुर्घटना पनि हुन सक्छ,’ उनले भने, ‘छाडा चौपाया मुक्त सडक बनाउन अब हामी गम्भिर भएर लागेका छौं । छाडा चौपाया नियन्त्रण गर्न पाए वीरगञ्ज जनावरको होईन मान्छेको शहरको रुपमा परिचित हुने थियो ।’
पहिला छाडा पशुचौपाया नियन्त्रणमा लिएपछि राख्ने ठाउँको अभाव रहकोमा अहिले पशु चौपाया नियन्त्रणमा राख्ने अस्थायी केन्द्र निर्माणपछि सहज भएको छ । नगर प्रहरीले नगरमा छाडा छोडिएका पशु चौपाया नियन्त्रणमा लिएर केन्द्रमा राख्ने गरेका छन् ।
अभियान सञ्चालन भएपछि ४९ वटा पशु नियन्त्रणमा लिएको र ४० हजार भन्दा बढी जरीवाना संकलन गरिएको वीरगञ्ज महानगरपालिकाका प्रमुख प्रशासकीय अधिकृत डा भिष्मकुमार भुषालले जानकारी दिए ।
महानगरपालिका क्षेत्र भित्र जथाभाबी पशु चौपाया बाटोमा छोडेको तथा निर्माण सामग्री राखिएको पाइएमा जफत गरी कारबाही गर्न सक्ने व्यवस्था स्थानीय सरकार संचालन ऐन,२०७४ मा छ ।
वीरगन्ज महानगरपालिकाको आर्थिक ऐन, २०७५ तथा वीरगन्ज महानरपालिकाको फोहोरमैला व्यवस्थापन ऐन, २०७५ को दफा २४ बमोजिम हदैसम्म जरीवाना गर्न सकिन्छ । तर, महानगरपालिकाले अझैपनि त्यसलाई कडाईका साथ कार्यान्वयनमा ल्याउन सकेको छैन ।
Comments
अरु समाचार
-
केही पहाडी भूभागमा सामान्य बदली, अन्यमा मौसम सफा
काठमाडौँ ,। जल तथा मौसम विज्ञान विभाग, मौसम पूर्वानुमान महाशाखाले हाल नेपालमा पश्चिमी न्यून चापीय प्रणालीको आंशिक प्रभाव रहेको जनाएको...
-
स्थानीय भन्छन् – झोलुङ्गे पुल त बन्यो अब मोटरेबल पुल कहिले ?
जनकपुरधाम । धनुषा र सिरहा जोड्ने हुलाकी सडकअन्तर्गत कमला नदीमाथि मोटरेबल पुल निर्माण सुरु भएको १२ वर्ष बितिसक्दा पनि पूरा...
-
प्रधानमन्त्री उद्घाटन र शिलान्यासका नाममा मधेस झर्दै
जनकपुर । प्रधानमन्त्री पुष्पकमल दाहाल प्रचण्ड धनुषा जान लाग्नुभएको छ । उहाँ विभिन्न कार्यक्रममा सरिक हुन बिहान साढे ११ बजे...
-
भोलिदेखि सुरु हुने दादुरा-रुवेलाविरुद्धको खोप सुरक्षित र प्रभावकारी भएको दाबी
काठमाडौँ । आइतवारदेखि सुरु हुने दादुरा–रुवेलाविरुद्धको खोप प्रभावकारी रहेको बताइएको छ । स्वास्थ्य सेवा विभाग परिवार कल्याण महाशाखाले खोप सुरक्षित...
-
नेपालमा पश्चिमी न्यून चापीय प्रणालीको प्रभाव,आंशिकदेखि साधरणतया बदली
काठमाडौँ । हाल नेपालमा पश्चिमी न्यून चापीय प्रणालीको प्रभाव रहेको मौसम पूर्वानुमान महाशाखाले जनाएको छ। जसको प्रभावले देशभर मौसममा आंशिकदेखि...
-
दादुरा–रुवेलाविरुद्धको खोप अभियान २५ दिनसम्म सञ्चालन हुने
काठमाडौँ । सरकारले देशभरि दादुरा–रुवेलाको सङ्क्रमणको जोखिमलाई मध्यनजर गर्दै यही फागुन १३ गतेदेखि चैत ७ गतेसम्म खोप अभियान सञ्चालन गर्दैछ...
-
चिराइतो मूल्य बढ्दो, उत्पादन घढ्दो
काठमाडौं । पछिल्लो समयमा चिराइतोको बजार मूल्य क्रमिक रुपमा बढ्दै गएको छ । तर उत्पादन भने घढ्दै गएको छ ।...
-
राष्ट्रियसभा निर्वाचनका लागि मतदान केन्द्रमा पुग्यो मतपत्र
काठमाडौं । निर्वाचन आयोगले यही माघ ११ गते हुने राष्ट्रियसभा सदस्य निर्वाचनका लागि स्वीकृत डिजाइन तथा मापदण्डबमोजिमका सबै मतपत्र छपाइ...
-
संस्कृति संरक्षणतर्फ नयाँ पुस्ता आकर्षित
काठमाडौं । पछिल्लो समय थारु जातिको कला र संस्कृति संरक्षणमा नयाँ पुस्ताको आकर्षण बढ्दै गएको छ । जिल्लामा हुने विभिन्न...