नेकपाद्वारा प्रशासनलाई ज्ञापनपत्र बुझाइयो
शव अझै बुझिएन
काठमान्डाै। नेपाल कम्युनिष्ट पार्टी (नेकपा) सर्लाहीले रामनगर गाउँपालिका–४ बोहर्वामा दुईपक्षबीच भएको झडपमा गोली लागी मृत्यु भएको घटनाको सत्यतथ्य र निष्पक्ष छानबिन गरी दोषीलाई कारवाही गर्नुपर्ने माग गरेको छ ।
झडपमा गोली लागेर रामविलास महतोको मृत्यु भएको थियो । घटनापछि भइरहेको कुप्रचार, घटनालाई अनावश्यकरुपमा उत्तेजित बनाउन गरिएका क्रियाकलाप, सुनियोजितरुपमा यस्ता घटना सिर्जना गर्न विगतदेखि भएका गतिविधि र राजनीतिक पूर्वाग्रह राखी गरिएको कुप्रचारप्रति पार्टीको गम्भीर ध्यानाकर्षण भएको नेकपा सर्लाहीले जनाएको छ ।
नेकपा र नेपाली काङ्ग्रेसबीचको झडपमा घटना भएको भनी गरिएको प्रचार प्रायोजित हल्लामात्र रहेको नेकपाद्वारा जारी विज्ञप्तिमा उल्लेख छ । विज्ञप्तिमा भनिएको छ, “घटना राजनीतिक नभई व्यक्तिगत रिसइबीका कारण भएको हो ।”
यही कात्तिक ११ गते एक सेवाग्राहीेले वडा नं ४ का वडाध्यक्ष रामनरेश महतोसँग नागरिकता बनाउन सिफारिश लिन जाँदा वडाध्यक्ष महतोले सिफारिश नदिएपछि सामान्य विवाद भएको र त्यसै विवादलाई लिएर गोली चल्दा घटनास्थलमा एक जनाको मृत्यु भएको विज्ञप्तिमा जनाएको छ ।
राजनीतिक प्रतिशोधका आधारमा घटनामा आफ्ना पार्टीका नेता शिवपुजन रायलाई फसाउन खोज्नु अत्यन्त खेदजनक रहेको नेकपा जिल्ला संयोजन कार्यदलका सदस्य रेवती पन्तले जारी गरेका विज्ञप्तिमा उल्लेख छ ।
यसै घटनाका सम्बन्धमा नेकपा सर्लाहीले आज प्रमुख जिल्ला अधिकारीलाई बुझाएको ज्ञापनपत्रमा घटनाको दुई दिन अगाडि त्यस क्षेत्रका सङ्घीय सांसद एवं नेपाली काङ्ग्रेसका नेता अमरेशकुमार सिंह धनकौल गाउँपालिकाको हरकठवामा एक कार्यक्रम गरी नेकपा पार्टीका नेता कार्यकर्तालाई ठीक पार्ने भन्दै उत्तेजित भाषण गर्नु र त्यही योजनाअनुसार यो घटना भएको उल्लेख छ ।
घटनापछि सांसद सिंहकै निर्देशनमा सर्वसाधारणको उखुबारी, धानजस्ता कृषिबाली, ट्र्याक्टरमा आगजनी, घर र परालमा आगो लगाउने, पशुधन लुट्ने र सर्वसाधारणलाई आतङ्कित पार्ने जस्ता क्रियाकलापप्रति नेकपा गम्भीर भएको जनाएको छ ।
सङ्घीय सांसद एवं नेकपाका नेता रामेश्वर यादव, प्रदेश सांसद डिल्ली उप्रेती, वाग्मती नगरपालिका प्रमुख भरत थापा, हरिवन नगरपालिका प्रमुख गणेश प्रसार्इं, नेकपा केन्द्रीय तथा जिल्लास्तरका नेता आज जिल्ला प्रशासन कार्यालय सर्लाहीमा गई घटनामा सुनियोजितरुपमा आफ्नो कार्यकर्तालाई फसाउन खोजिएकोप्रति जिल्लाका सुरक्षा निकायका प्रमुखलाई ध्यानाकर्षण गराएको थियो ।
घटनाको सत्यतथ्य बुझी निष्पक्ष जाँचबुझ गर्न केन्द्रबाटै उच्चस्तरीय छानविन समिति गठन गर्नुपर्ने मागसमेत नेकपाले गरेको छ ।
साथै घटनाका बारेमा सत्यतथ्य बाहिर ल्याउन पहल गर्न राष्ट्रिय मानव अधिकार आयोग, मानव अधिकारवादी सङ्घसंस्थालाई विज्ञप्तिमार्फत आग्रह गरिएको छ ।
शव अझै बुझिएन
दुई पक्षबीचको झडपमा गोली लागेर कात्तिक १३ गते मङ्गलबार बिहान मृत्यु भएका रामनगर–४ बोहर्वाका ५५ वर्षीय रामविलास महतोको शव अझै परिवारले बुझेका छैनन् ।
मृतकलाई शहीद घोषणा गर्नुपर्ने, घाइतेको निःशुल्क उपचार गर्नुपर्ने, मृतकका परिवारलाई उचित राहत प्रदान गर्नुपर्ने, आक्रमणमा संलग्न दोषीलाई तत्काल कानूनी दायरामा ल्याउनुपर्ने लगायतका माग पूरा नभएसम्म शव नबुझ्ने नेपाली काङ्ग्रेसले अडान लिएको छ । उक्त घटनामा गोलीको छर्रा लागेर सात जना घाइते भएका थिए ।
Comments
अरु समाचार
-
सीपीसी विदेश विभाग प्रमुख लिउ र माओवादी महासचिव गुरुङबीच भेटवार्ता
काठमाडाैं । चीन भ्रमणमा रहेका माओवादी केन्द्रका महासचिव देव गुरुङले बिहीबार बेइजिङमा चिनियाँ कम्युनिष्ट पार्टी (सीपीसी)का विदेश विभागका प्रमुख लिउ...
-
प्रधानमन्त्रीसँग विपीन जोशीका परिवारको भेट
काठमाडौं । प्रधानमन्त्री पुष्पकमल दाहाल 'प्रचण्ड'सँग हमासको कब्जामा रहेका विपिन जोशीको परिवारले भेट गरेको छ। शुक्रबार बिहान प्रधानमन्त्री निवास बालुवाटारमा...
-
संसदीय समितिको आजको बैठकमा फास्ट ट्रयाकबारे छलफल
काठमाडौं। संघीय संसद्को एक समितिको बैठक बस्दै छ । प्रतिनिधिसभा अन्तर्गतको राज्य व्यवस्था तथा सुशासन समितिको बैठक बस्न लागेको हो...
-
झापाबाट फर्केका ओली प्रधानमन्त्री भेट्न एयरपोर्टबाट सिँधै सिंहदरबार पुगे
काठमाडौँ । प्रधानमन्त्री पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओलीबिच भेटवार्ता भएको छ । बिहीबार मन्त्रिपरिषद् बैठकलगत्तै...
-
जनताको चाहना पूरा गर्न प्रतिबद्ध छौँ : अध्यक्ष ओली
काठमाडाैं। नेकपा (एमाले) का अध्यक्ष तथा पूर्व प्रधानमन्त्री केपी शर्मा ओलीले आफूहरू मुलुकलाई संवृद्ध बनाउने अभियानमा जुटिरहेकाले जनताको चाहना पूरा...
-
गल्फुटारमा कांग्रेस सभापति देउवा र माधव नेपालबीच भेटवार्ता
काठमाडाैँ । प्रमुख प्रतिपक्षी दल नेपाली कांग्रेसका सभापति शेरबहादुर देउवा र एकीकृत समाजवादीका अध्यक्ष माधवकुमार नेपालबीच भेटवार्ता भएको छ। कांग्रेस...
-
सुदूरपश्चिममा मुख्यमन्त्रीका लागि दाबी पेस गर्ने आज अन्तिम दिन
काठमाडौं। सुदूरपश्चिम प्रदेशमा मुख्यमन्त्रीका लागि दावी पेस गर्ने आज अन्तिम दिन रहेको छ। यसअघि पेस गरिएका दुवै दाबी अस्वीकृत भएपछि...
-
महेश बस्नेतविरुद्ध दिइएको उजुरीमा प्रमाण नपुगेको प्रहरीको राय
काठमाडौं । नेकपा (एमाले) का नेता एवम् पूर्वमन्त्री महेश बस्नेतविरुद्ध परेको उजुरीमा प्रमाण अपुग भएको प्रहरीले निष्कर्ष निकालेको छ ।...
-
सुशासन र विकास पार्टीको ‘एजेण्डा’ हुनुपर्छः महामन्त्री थापा
काठमाडौं । नेपाली कांग्रेसका महामन्त्री गगनकुमार थापाले विकास र सुशासन पार्टीको मुख्य ‘एजेण्डा’ हुनुपर्ने बताउनुभएको छ । ‘समुदायमा कांग्रेस संवाद...