उदयपुरमा १३ वर्षीया बालिकाको बलात्कारपछि हत्या
सुमित्रा कार्की/उदयपुर । रौतामाई गाउँपालिका ३ लाफागाउँकी १३ वर्षीया एल्जिना खड्काको बलात्कारपछि हत्या भएको प्रहरीको प्रारम्भिक अनुसन्धानले देखाएको छ। एल्जिना हत्याको अनुसन्धान गर्न प्रहरी र चिकित्सकको टोली घटनास्थल पुगेपछि प्रहरीले यस्तो बताएको हो। प्रहरीले तालिमप्राप्त कुकुरसमेत घटनास्थल लगेर अनुसन्धान अगाडि बढाएको छ। गत शनिबार बाख्रा चराउन गएकी एल्जिनाको शव आइतबार (२५ गते) फेला परेको थियो। एल्जिनाको मुखमा हात पुछ्ने कागज (न्याप्किन) खादेको अवस्थामा शव फेला परेको थियो।
उदयपुरका प्रमुख जिल्ला अधिकारी विष्णु कार्कीले बलात्कारपछि हत्या भएको भन्ने सर्वसाधारणको आशंका भएकाले घटनास्थलमा चिकित्सक र प्रहरीको तालिम प्राप्त कुकुर पठाइएको बताए। ‘बालिकाको बलात्कारपछि हत्या भएको हुन सक्ने आशंका छ’, उनले भने, ‘शव भएको स्थलमा तालिम प्राप्त कुकुरसहित अनुसन्धान अधिकृतहरू जिल्ला प्रहरी कार्यालय उदयपुरका प्रहरी नायव उपरीक्षक (डिएसपी) अर्जुन रानाभाटको नेतृत्वमा गएका छन्।’ प्रहरीले पनि एल्जिना हत्याको विभिन्न कोणबाट अनुसन्धान भइरहेको जानकारी दिएको छ। उदयपुर प्रहरी प्रमुख एसपी चन्द्रदेव राईले भने, ‘हामीले विभिन्न कोणबाट अनुसन्धान गरिरहेका छौँ।
घटनास्थल पुगेका प्रहरीले पनि बलात्कारपछि हत्या भएको भनेका छन्, के भएको भन्ने बारेमा अनुसन्धान नभइकन भन्न मिल्दैन।’ शनिबार दिउँसो घरबाट बाख्रा चराउन हिँडेकी स्थानीय दुर्गाबहादुर खड्काकी छोरी एल्जिना आइतबार लाफागाउँको अमला जंगलमा मृत फेला परेकी थिइन। साँझसम्म एल्जिना घर नफर्केपछि स्थानीयले खोजतलास गर्नेक्रममा आइतबार दिउँसो जंगलमा मृत अवस्थामा फेला परेकी थिइन्। शव फेला परेपछि स्थानीयले प्रहरीलाई खबर गरेको थियो। घटनास्थल सदरमुकाम गाईघाटबाट करिब ७५ किलोमिटर उत्तरी विकट क्षेत्रमा पर्छ।
‘शवको प्रकृति बलात्कारपछि हत्याको’ शव भेटिएको ठाउँमा पुगेका स्थानीयले एल्जिनाको बलात्कार पछि हत्या गरिएको हुनसक्ने आशंका गरेका छन्। घटनास्थलमा पुगेका रौतामाई गाँउपालिका ३ लाफागाँउका स्थानीय राजकुमार राईले भने, ‘घाँटी, थिचेको, मुखमा केही कपडाले मुख थुनेको, कपडा खोलिएको जस्तो देखिएकाले बलात्कारपछि हत्या भएको देखिन्छ।’ यता रौतामाई गाँउपालिका प्रमुख गजेन्द्रबहादुर खड्काले पनि शवको प्रकृति हेर्दा बलात्कारपछि हत्या भएको जस्तो देखिने बताए। ‘हामी सबै घटनास्थलमै छौँ’, उनले भने, ‘के भएको भन्ने कुरा प्रहरीले भन्ने हो, हामीले शव शेर्दा हेर्दा बलात्कारपछि हत्या भएको देखिन्छ।’
यस्तो छ, घटनाको प्रकृति जनता मावि, लाफागाउँको कक्षा ९ मा पढ्दै गरेकी १३ वर्षीया एल्जिना खड्का शनिबार दिउँसो २ बजे बाख्रा लिएर गाउँ नजिकैको खरबारीमा गएकी थिइन्। दिदीभाइले भैँसी र घरको काम गर्ने भनेपछि माइली एल्जिना बाख्रा चराउन गएको परिवारले बताएको छ। मृतक बालिकाका बुबा दुर्गाबहादुर भने मोटरसाईकल दुर्घटनामा परेकाले त्रियुगा नगरपालिका ७ चुहाडेको घरमा आराम गरेर बसेका थिए। आमा तिहारको भाइटीका लगाउन लाफागाउँमै रहेको माइती घर गए।
Comments
अरु समाचार
-
जनकपुरमा जलिरहेको अवस्थामा युवतीको शव बरामद
काठमाडौं । जनकपुरधाममा जलिरहेको अवस्थामा एक युवतीको शव फेला परेको छ । उपमहानगरपालिका–१६ कपिलेश्वरमा गए राति करिब ९ बजे आसपासमा...
-
माइक्रोबस र जिप ठोक्किँदा ८ जना चिनियाँ घाइते
काठमाडौं । कास्कीको पोखरामा माइक्रोबस र जिप ठोक्किँदा ८ जना चिनियाँ नागरिक घाइते भएका छन् । पोखराको शहीदचोकबाट मुस्ताङचोक तर्फ...
-
एन्फा उपाध्यक्ष दावा लामा पक्राउ
काठमाडौं । अखिल नेपाल फुटबल संघ (एन्फा)का उपाध्यक्ष दावा लामा पक्राउ परेका छन् । लामालाई काठमाडौं उपत्यका अपराध अनुसन्धान कार्यालयको...
-
बारामा ट्यांकरको ठक्करबाट प्रहरी जवानको मृत्यु
काठमाडौं। बाराको जितपुर सिमरा उपमहानगरपालिकामा तेल ट्यांकरले मोटरसाइकलमा ठक्कर दिँदा एक प्रहरी जवानको मृत्यु भएको छ । मृत्यु हुनेमा जिल्ला...
-
जातीय भेदभाव गरेको आरोपमा हल्दिबारीका पूर्वउपाध्यक्ष गिरी पक्राउ
काठमाडौं । जातीय आधारमा विभेद र अपमान गरेको आरोपमा हल्दिबारी गाउँपालिकाका पूर्वउपाध्यक्ष डम्बर गिरी पक्राउ परेका जिल्ला प्रहरी कार्यालयले जनाएको...
-
सिरहामा हतियारधारी समूहले लुट्यो रु १५ लाख
काठमाडौं । सिराहामा आज दिउँसो हरियारधानी एक समूहले ‘मनि ट्रान्सफर’को रकम लुटपाट गरेको छ । सदरमुकामबाट विष्णुपुर गाउँपालिकामा रहेको एक...
-
बसको ठक्करबाट ड्युटीमा रहेका ट्राफिक प्रहरीको मृत्यु
काठमाडौं । बसको ठक्करबाट ड्युटीमा रहेका एकजना ट्राफिक प्रहरी जवानको शुक्रबार राती मृत्यु भएको छ। जितपुर सिमरा उपमहानगरपालिकाको अमलेखगञ्ज चोकमा...
-
बैतडीमा ट्र्याक्टर दुर्घटना, दुई जनाको मृत्यु
काठमाडौं । जिल्लाको झौलेकमा शुक्रबार बिहान ट्र्याक्टर दुर्घटना हुँदा दुई जनाको घटनास्थलमै मृत्यु भएको छ । बैतडीको सुर्नयाबाट खोड्पे जाँदै...
-
गायक रवि ओडविरुद्ध पत्नीले हालिन् बलात्कारको जाहेरी, पक्राउ पुर्जी जारी
काठमाडाैँ । गायक रवि ओडविरुद्ध उनकी श्रीमतीले वैवाहिक बलात्कारको आरोपमा प्रहरीमा जाहेरी दिएकी छन्। उनले इलाका प्रहरी कार्यालय झलारीमा जाहेरी...