मंसीर १ बाट ६ लाख कर्मचारीलाई रु १० लाखको स्वास्थ्य बिमा
काठमाडौं । कर्मचारी सञ्चय कोषले मंसिर १ गतेदेखि लागू हुने गरी ६ लाख सञ्चयकर्ताको सामूहिक स्वास्थ्य बिमा गर्ने भएको छ । कोषले प्रत्येक सञ्चयकर्ताको रु १० लाखसम्मको स्वास्थ्य बीमा गर्न लागेको हो ।
कोषले यसका लागि राष्ट्रिय बीमा कम्पनीसँग ३ वर्षे समझदारीपत्रमा हस्ताक्षरसमेत गरेको छ । समझदारी पत्रअनुसार मङ्सिर १ गतेदेखि कोषका ६ लाख सञ्चयकर्ता यसबाट लाभान्वित हुनेछन् ।
यो व्यवस्था लागू भएपछि सञ्चयकर्ताले साधारण औषधोपचारमा रु १ लाखसम्म र घातक रोगको उपचारमा रु १० लाखसम्मको खर्च दाबी गर्न सक्नेछन् । साथै, यसअन्तर्गत दुर्घटना बीमा पनि समेटिएको छ । बीमा योजनाअनुसार सरकारी निकायका पुराना र नयाँ सञ्चयकर्ताहरू स्वतः बीमाको दायरामा आउनेछन् । यद्यपी, निजीक्षेत्रका सञ्चयकर्ताहरूको हकमा कम्तीमा ६ महीनासम्म नियमित कोषमा रकम जम्मा गरेको हुनुपर्ने समझदारीपत्रमा उल्लेख छ ।
पहिलो वर्षका लागि प्रति सञ्चयकर्ता रु ४ सय २० का दरले जम्मा रू। २५ करोड २० लाख बीमाशुल्क निर्धारण गरिएको छ । तोकिएको बीमाशुल्क कर्मचारी सञ्चय कोषले भुक्तानी गर्नेछ । मुनाफाबाट तोकिएको बीमाशुल्क भुक्तानी गरिने कोषको भनाइ छ । यद्यपि, बीमालेख नवीकरण गर्दा अघिल्ला वर्षका दाबी भुक्तानी र सञ्चयकर्ताको सङ्ख्याको आधारमा बीमाशुल्क परिवर्तन हुनसक्ने कोषले बताएको छ ।
कार्यक्रममा कोषका प्रशासक तुलसी गौतमले नेपालीको अत्यन्त कमजोर स्वास्थ्य अवस्थालाई दृष्टिगत गरी यो बीमा योजना ल्याएको बताए । आगामी दिनमा यस बीमा योजनालाई थप प्रभावकारी बनाइने उनको भनाइ छ । राष्ट्रिय बीमा कम्पनीका प्रमुख कार्यकारी अधिकृत वीरविक्रम रायमाझीले अनलाइन प्रणाली मार्फत् योजनालाई अझ प्रभावकारी बनाइने छ ।
Comments
अरु समाचार
-
नक्कली भुटानी शरणार्थी प्रकरण : एमाले नेता रायमाझीसहित ७ जनालाई थुनामै राख्न आदेश
काठमाडौं । नक्कली भुटानी शरणार्थी प्रकरणमा सर्वोच्च अदालतले एमाले नेता टोपबहादुर रायमाझीसहित ७ जनालाई रिहा गर्न अस्वीकार गरेको छ ।...
-
वैदेशिक रोजगारीमा पठाइदिन्छु भन्दै ठगी गर्ने दुई पक्राउ
काठमाडौं । वैदेशिक रोजगारीका लागि क्यानाडा पठाइदिन्छु रु ४१ लाख २० हजार ठगी गरेको आरोपमा प्रहरीले दुई जनालाई पक्राउ गरी...
-
विद्यार्थी घट्दै गएपछि विद्यालय समायोजन गर्दै पालिका
काठमाडौं । नयाँ शैक्षिकसत्रका लागि भर्ना र पठनपाठन सुरु भएसँगै विद्यार्थी सङ्ख्यामा कमी आएपछि काभ्रेका स्थानीय तहले भूगोलका हिसाबले नजिकका...
-
जङ्गलभरि आगलागी : बासस्थान खोज्दै गाउँ झरे वन्यजन्तु
काठमाडौं । बागलुङमा फागुन दोस्रो सातादेखि दर्जनौँ सामुदायिक वनमा आगलागी भएको छ । आगलागीबाट एक हजार २०० हेक्टर बढी क्षेत्रफलमा...
-
झापामा दुर्घटनाबाट दुई जनाको मृत्यु
काठमाडौं । झापाको कनकाई र भद्रपुुरमा दुर्घटना हुँदा दुई जनाको मृत्यु भएको छ । बुधबार राति कनकाई–३ सुरुङ्गा पुलस्थितमा बिर्तामोडबाट...
-
भलिबल टोली बङ्गलादेश प्रस्थान
काठमाडौं । बङ्गलादेशको राजधानी ढाकामा हुने भलिबल प्रतियोगितामा सहभागी हुन ११ जना खेलाडी तथा प्रशिक्षक टोली त्यसतर्फ प्रस्थान गरेको छ...
-
कम्युनिस्ट आन्दोलनमा लागेका विद्यार्थीले मनमोहनको सादगीपूर्ण जीवनीबारे बुझ्नुपर्छ: ईश्वर पोखरेल
काठमाडाैँ । नेकपा एमालेका वरिष्ठ उपाध्यक्ष ईश्वर पोखरेलले मनमोहन अधिकारीलाई कम्युनिस्ट आन्दोलनको निरन्तरताको पर्यायका रूपमा बुझ्न आवश्यक रहेको बताएका छन्...
-
भेरी करिडोरमा तीनवटा पक्की पुल निर्माण हुँदै
काठमाडौं । भेरी करिडोरमा तीनवटा पक्की पुल निर्माण हुने भएका छन् । मूल्य अभिवृद्धि करसहित रु ३६ करोड २४ लाख...
-
बसको ठक्करबाट तीर्थयात्रीको मृत्यु
काठमाडौं । पूर्वी चितवनको राप्ती नगरपालिकामा बसको ठक्करबाट एक जना तीर्थयात्रीको मृत्यु भएको छ । राप्ती–२ गड्यौलीस्थित पूर्व–पश्चिम राजमार्गमा सुनसरीको...