विवादास्पद कार्यक्रममा प्रचण्ड र पुरी अतिथि बन्दै
काठमाडौं । सिख धर्मगुरु नानकको जन्मदिनको अवसरमा एक विवादास्पद व्यक्तिले भोलि (शुक्रबार) आयोजना गरेको कार्यक्रममा नेकपाका अध्यक्ष पुष्पकमल दाहाल ‘प्रचण्ड’ र भारतीय राजदूत मञ्जिवसिंह पुरी सहभागी हुने भएका छन् । गुरुद्धारा सत्संग व्यवस्थापन समितिका बैधानिक अध्यक्ष कर्णेल सिंह हुन् ।
तर, अवैधानिक अध्यक्ष प्रितम सिंहले आयोजना गर्न लागेको उक्त कार्यक्रममा दाहाल र पुरी सहभागी हुने भएका हुन् । अवैधानिक अध्यक्ष सिंहले गुरुद्धारा सत्संग व्यवस्थापन समिति ४० वर्षदेखि कब्जा गर्दै आएका छन् । गुरुद्धाराका नाममा देश र विदेशबाट सिख धर्मावलम्बीहरुले दिएका दान, चन्दाको करोडौं रकम सिंहले हिनामिना गरेको आरोप छ ।
गुरुद्वारा सत्संग ब्यवस्थापन समितिका बैधानिक अध्यक्ष कर्णेल सिंहका नाममा बैंकखाता समेत सञ्चालन गर्न नदिई अवैधानिक अध्यक्ष सिंहले गुरुद्धाराका नाममा सिखहरुबाट उठेको रकम आफ्नै खातामा राख्दै आएको पनि उनीमाथि आरोप लागेको छ । गुरुद्धारा कुपण्डोलको जग्गा खरिद गर्ने सिख अगुवा रणजित सिंह चौधरीलाई धम्की दिएर उनले गुरुद्धारामा एकलौटी राज चलाउँदै आएका छन् । सिंहले आफ्नो विरोध गर्नेहरुलाई गुण्डा लगाउने र प्रहरीमा झुटा उजुरी दिएर फसाउने काम गर्दै आएको एक पीडितले बताए ।
अवैधानिक अध्यक्ष सिंहले गुरुद्धाराको २० वर्षसम्म नवीकरण नै नगरी एकलौटी देश र विदेशबाट उठेको रकम असुली गरिरहे, दुरुपयोग गरे । केही समयअघि गुरुद्धारा सत्संग व्यवस्थापन समिति कर्णेल सिंहको अध्यक्षतामा गठन भएको छ । उक्त समितिलाई कुनै जानकारी नै नदिई शुक्रबार गुरु नानकको जन्मदिनमा प्रितम सिंहले दाहाल र राजदूत पुरीलाई अतिथि बनाउन लागेका हुन् ।
दाहाल र पुरीले बुझ्दै नबुझि कार्यक्रममा सहभागी हुन स्वीकृती दिइसकेका छन् ।
अवैधानिक अध्यक्ष सिंहका आर्थिक अनियमितता र गुण्डागर्दीको विरोध गर्ने सिख अगुवाहरुलाई नेपालमै बस्न नसक्नेगरी लखेट्ने गरिएको छ । नेपालमा सिख पलायन हुनुको मुख्य कारण प्रितम सिंहको गुण्डागर्दी भएको नाम नबताउने शर्तमा एक सिख अगुवाले बताए । प्रितम सिंहले आफ्नो गलत क्रियाकलापको विरोध गर्नेलाई गुण्डा लगाउने र त्यति गर्दा पनि नभए प्रहरीमा झुटा उजुरी दिएर थुनाएका थुप्रै उदाहरण छन् ।
उनी पूर्व एआईजी विज्ञानराज शर्मा र बहालवाला प्रहरीका उच्च अधिकारीहरुसँग आफ्नो विशेष सम्बन्ध रहेको छ भन्दै सिखहरुलाई तर्साउने गर्दछन् ।
गुरुद्धाराका नाममा उठाएको करोडौं रकमबाट उनले बीरगञ्ज र बुटवलमा छोरा महेन्द्रपाल सिंहका नाममा जग्गा किने । त्यो जग्गा सिखहरुको दान र चन्दाबाट किनिएको थियो । सिखहरुलाई २०३६ सालमा राजा विरेन्द्रले नागरिकता दिन लाग्दा यिनै प्रितम सिंहले तर्साएर कुनै पनि सिखलाई नागरिकता लिन दिएनन् ।
तर, आफ्ना छोरा महेन्द्र पाललाई भने उनले नागरिकता बनाएर गुरुद्धाराको रकमबाट बुटवल र बीरगञ्जमा उनको नाममा जग्गा किने । सोही जग्गा बैंकमा राखी उनका छोराले ऋण लिए, मोजमस्तीमा उडाए । ऋण तिरेनन् । गुरुद्धाराको जग्गा लिलाम भयो । उक्त जग्गा खोज्ने सिखहरुलाई उनले गुण्डागर्दी गर्ने र प्रहरीमा झुटा मुद्दा दिएर दुःख दिइरहेका छन् ।
उनका नाति अंगदले पनि हजुरबाकै जस्तै सिख समुदायका व्यक्तिहरुलाई धम्याउने र गुरुद्धारा कब्जा गर्न सहयोग गर्दै आएका छन् । गुरुद्धाराको पुरातात्विक महत्वको भवन भत्काउँदा उनले पुरातत्व विभाग, सिख अगुवा कसैसँग पनि अनुमति नै लिएनन् ।
कुनै सयम प्रितम सिंहको विरोध गर्दा सिख समुदायका अगुवा आशा सिंहको हत्या भयो । उनका हत्यारालाई सिंहले भगाएर भारतको जम्मु कश्मिरमा संरक्षण गरेर राखेको आरोप लाग्दै आएको छ । प्रितमले ती हत्यारालाई महन्तको बडीगार्डको रुपमा राखेको स्रोतले बतायो ।
प्रितम सिंहले आफ्नो भ्रष्टाचारको विरोध गर्नेलाई कसरी तह लगाउँछन् भन्ने उदाहरण सरदार भाग सिंह नै हुन् । भाग सिंहलाई आतंककारीको आरोप लगाएर भारत सरकारबाट पक्राउ गर्न लगाई पाँच वर्ष थुनामा राख्न लगाए । अन्ततः भाग सिंह निर्दोष सावित भए र नेपाल आए । अझैसम्म पनि भारतीय दूताबासबाट प्रितम सिंहले भाग सिंहको पासपोर्ट दिनबाट रोकिरहेका छन् । यसबाट दूताबाससम्म अवैधानिक अध्यक्ष सिंहको पहुँच कति छ भन्ने देखिन्छ ।
भाग सिंहका छोरा हरसिमन सिंहले प्रितम सिंहका नाति अंगत सिंहको विरोधमा सामाजिक सञ्जालमा लेख्दा डेढ बर्षअघि महानगरीय प्रहरी परिसर काठमाडौंलाई दुरुपयोग गरी थुनाएका थिए ।
प्रितम सिंह स्वयम् भारतीय नागरिक हुन् । नागरिकता नभएको व्यक्ति कुनै पनि संस्थाको अध्यक्ष हुन सक्दैन । तर, प्रितम सिंह कसरी गुरुद्धाराको अध्यक्ष भए र नेकपाका अध्यक्ष दाहाल र राजदूत पुरीलाई गुरु नानकको जन्मदिनमा अतिथि बनाउन लागेका छन् ? बुझिनसक्नु भएको छ ।
-युनाइटेडपाेष्ट
Comments
अरु समाचार
-
राष्ट्रपति पौडेलद्वारा कतारका अमिरको सम्मानमा रात्रिभोज आयोजना
काठमाडौं । राष्ट्रपति रामचन्द्र पौडेलले नेपालको दुईदिने राजकीय भ्रमणमा रहेका कतारका अमिर शेख तमिम विन हमाद अल थानीको सम्मानमा एक रात्रिभोजको...
-
निर्धारित समयभन्दा अगाडि नै कतारी राजा काठमाडौं आइपुगे
काठमाडौं । निर्धारित समयभन्दा एक घण्टा अगाडि नै कतारी राजा अमिर शेख तमीम बिन हमद अल थानी काठमाडौं आइपुगेका छन्...
-
नेकपा एसद्वारा स्थायी कमिटी बैठक आह्वान
काठमाडौं । नेपाल कम्युनिष्ट पार्टी (एकीकृत समाजवादी)ले यही वैशाख २६ गते स्थायी कमिटीको बैठक आह्वान गरेको छ ।महाधिवेशनको तयारी, पार्टी...
-
आज १८ औँ लोकतन्त्र दिवस,उपलब्धि हुँदाहुँदै पनि केही विकृत्ति
काठमाण्डौ । आज १८ औँ लोकतन्त्र दिवस विभिन्न कार्यक्रम गरी मनाइँदैछ । २०६३ वैशाख ११ गते तत्कालीन राजा ज्ञानेन्द्रले आन्दोलनरत...
-
कतारका अमिर अल थानी साँझ काठमाडौं आइपुग्दै, विमानस्थल आधा घन्टा बन्द हुने
काठमाडौं । कतारका अमिर शेख तमिम बिन हमाद अल थानी २ दिने भ्रमणका लागि आज नेपाल आउँदैछन् ।पहिलो पटक नेपालको...
-
भ्रष्टाचार मुद्धाको पूर्णपाठ नआउँदै मरासिनीलाई अर्थको साँचो, मुख्यसचिवको शंकास्पद भूमिका
काठमाडौं । नेसनल पेमेन्ट गेटवे सिस्टम भ्रष्टाचार मुद्दामा फैसलाको पूर्णपाठ नआउँदै मधुकुमार मरासिनी अर्थसचिव बनेका छन् । शुक्रबार मात्र उक्त...
-
गण्डकी प्रदेशका मुख्यमन्त्री नियुक्ति विवादको मुद्धा हेर्दाहेर्दैमा, अर्को पेसी वैशाख १७ गते
पोखरा। गण्डकी प्रदेश सरकारको मुख्यमन्त्री नियुक्तिसम्बन्धी विवादको विषयमा बहस नसकिएपछि सर्वोच्च अदालतले त्यसलाई हेर्दाहेर्दैमा राखेको छ । न्यायाधीश सपना प्रधान...
-
गण्डकी प्रदेश सरकारविरुद्धको रिटमाथिको सुनुवाइका कारण १९ मुद्दा स्थगित
काठमाडौं । गण्डकी प्रदेश सरकारविरुद्धको रिटमाथिको सुनुवाइका कारण १९ मुद्दा स्थगित भएका छन् । सर्वोच्च अदालतका न्यायाधीशद्वय सपना प्रधान मल्ल...
-
दलहरूबीच सहकार्य गरौँ, जनतालाई राम्रो सेवा दिऔँ : प्रधानमन्त्री
काठमाडौं । प्रधानमन्त्री पुष्पकमल दाहाल ‘प्रचण्ड’ले सबै राजनीतिक दलले सहकार्य गरेर देशको विकास र जनतालाई सेवा प्रदान गर्नुपर्ने बताउनुभएको छ...